ایران د افغانستان فوټسال ملي لوبډلې ته ماتې ورکړه
د برازیل په کوربتوب څلور اړخیزو فوټسال سیالیو کې نن د ایران د فوټسال ملي لوبډلې د افغانستان فوټسال ملي لوبډلې ته ۴ـ۳ ماتې ورکړه.
د برازیل په کوربتوب څلور اړخیزو فوټسال سیالیو کې نن د ایران د فوټسال ملي لوبډلې د افغانستان فوټسال ملي لوبډلې ته ۴ـ۳ ماتې ورکړه.
د لوبې په لومړۍ نیمايي کې ایران افغان لوبډلې ته ۳ او افغان لوبډلې ایران ته ۱ ګول ورکړی و.
د لوبې په دوهمه نیمايي کې افغان لوبډلي د ایران په وړاندې دوه نور ګولونه ووهل او لوبه یې مساوي کړې وه، خو د ایران لوبډلې د لوبې په وروستیو شیبو کې د څلورم ګول په وهلو سره لوبه ۴ـ۳ په خپل ګټه پای ته ورسوله.
د افغانستان د فوټسال ملي لوبډلې روزونکي مجید مرتضايي له لوبې وروسته وویل:« د لوبې په دوهمه نیمايي کې ډیره ښه لوبه وشوه، سره له دې چې د لوبې په لومړیو شیبو کې مو امید کندهاری له لاسه ورکړی و او د لوبې په جریان کې اکبر کاظمي هم له لوبې وایستل شو خو بیا هم موږ ډیره ښه لوبه وکړه.»
د افغانستان د فوټسال ملي لوبډله سبا د ګرینلنډ د فوټسال ملي لوبډلې په وړاندې د سیالۍ ډګر ته ښکته کیږي.
افغانستان د فوټسال په دغه څلور اړخیزو سیالیو کې تردې مهاله درې لوبې کړې، چې یوه لوبه یې ۵ـ۴ له ګرینلنډ ګټلې او یوه یوه لوبه کې یې له برازیل او ایران ماته خوړلې ده.
