د پاکستان پوځ: په خیبر ولسوالۍ کې په یو لړ عملیاتو کې درې وسلهوال وژل شوي دي
د پاکستاني پوځ د عامه اړیکو ادارې ویلي، چې تېره ورځ د خیبرپښتونخوا په خیبر ولسوالۍ کې د امنیتي ځواکونو په یو لړ عملیاتو کې یې درې وسلهوال وژلي دي.
د پاکستاني پوځ د عامه اړیکو ادارې ویلي، چې تېره ورځ د خیبرپښتونخوا په خیبر ولسوالۍ کې د امنیتي ځواکونو په یو لړ عملیاتو کې یې درې وسلهوال وژلي دي.
د پاکستان پوځ لهخوا په خپرې شوې خبرپاڼه کې راغلي، دغه عملیات یې په تور دره سیمه کې ترسره کړي دي او هغه وسلهوال یې پکې وژلي چې په سیمه کې د امنیت ضد پېښو کې ښکېل وو.
د خبرپاڼې له مخې، د وژل شویو وسلهوالو څخه وسلې او مهمات هم ترلاسه شوي دي.
خبرپاڼه زیاتوي، چې په سیمه کې چاڼیز عملیات لاهم روان دي.
له بل پلوه تېره ورځ د خیبر پښتونخوا په بنو ولسوالۍ کې د بنو _میرانشاه پر سړک یو پولیس د وسلهوالو لهخوا په ډزو ووژل شو.
پاکستاني رسنۍ خراسان ډایري د ځایي پولیسو په حواله لیکلي، چې له دغې ډلې دوه بریدګر له پېښې وروسته د پولیسو سره په نښته کې ووژل شول.
تر دې درې ورځې وړاندې هم په اورمړو کې پر دیني عالم منیر شاکر برید وشو، چې د سختو ټپونو له امله یې په روغتون کې ساه ورکړه.
له تېرو څو ورځو راهیسې په خیبرپښتونخوا او بلوچستان کې ناامنۍ زور اخیستی دی، چې له بېلابېلو سیمو د دغه ډول بریدونو راپورونه ترلاسه کېږي.
