ولادیمیر زېلېنسکي نن له ډونالډ ټرمپ سره ټیلیفوني خبرې کوي

د ترکیې چارواکو د استانبول شاوخوا سړکونه هم تړلي او په ښار کې یې د څلورو ورځو لپاره په لاریونونو بندیز لګولی، چې د تورنو کسانو له نیول کیدو وروسته د مظاهرو مخه ونیسي.

د NTV خصوصي ټلویزیون په یوه راپور کې ویلي، چې په نیول شویو کسانو کې د استانبول د ولسوالیو دوه ښاروالان هم شامل دي.

د ښاروال ګوند، د خلکو جمهوري غوښتونکي ګوند، د یکشنبې په ورځ د ګوند دننه ټاکنې ترسره کوي، چې تمه کیږي امام اوغلو به په راتلونکو ولسمشریزو ټاکنو کې د ګوند د نوماند په توګه ونومول شي.

امام اوغلو په یوه ویډیویي پیغام کې چې په ټولنیزو شبکو کې یې خپور کړی ویلي: «موږ له لوی ظلم سره مخ یو، خو زه غواړم تاسو پوه شئ چې زه لا مایوسه نه یم.»

هغه د ترکیې حکومت د خلکو د ارادې په غصبولو تورن کړ.

د هغه له نیول کېدو ورسته، یوه پوهنتون د هغه د زده کړو سند لغوه کړ، او هغه یې په اغیزمنه توګه په راتلونکو ولسمشریزو ټاکنو کې له ګډون څخه بې برخې کړ.

د یادولو وړ ده چې د ترکيې د ټاکنو د قانون له مخې د ولسمشرۍ په انتخاباتو کې د ګډون لپاره لیسانس ته اړتیا ده.

خبرپاڼه کاږي: «سلطنت د سوریې او سیمې امنیت او ټیکاو د بې ثباته کولو لپاره د اسراییل دغه سرغړونې او هڅې غندي.»
خبرپاڼه زیاتوي، چې سعودي عربستان د اسراییل دغه کړنې د اړوندو نړۍوالو تړونونو او قوانینو خلاف ګڼي.

سعودي عربستان دارنګه پر نړۍوالې ټولنې غږ کړی، چې د دغو بریدونو پر وړاندې دې کلک دریځ غوره کړي او د امنیت شورا غړي هېوادونه دې په سوریه کې د اسراییل د روانو بریدونو او سرغړونو پر وړاندې ودرېږي.
خبرپاڼې زیاته کړې، چې نړۍواله ټولنه باید د جګړې د پراخېدو مخه ونیسي او د دغو سرغړونو لپاره د حساب ورکونې نړۍواله تګلاره خپله کړي.
په خبرپاڼه کې دا رنګه د سوریې له حکومت او خلکو سره د پیوستون اعلان شوی دی.
تر دې وړاندې د سوریې د بهرنیو چارو وزارت د سې شنبې په ورځ په سوېل لویدیځ ښار درعا د اسراییل بریدونه وغندل.
دغه وزارت ویلي و، چې په دغه بریدونو کې ملکي وګړو ته مرګ ژوبله اوښتې ده.
دغه وزارت زیاته کړې: «په سوریې د اسراییل روان یرغل نه یوازې له نړۍوالو قوانینو سرغړونه ده؛ بلکې د سیمه‌ییز او نړۍوال امنیت لپاره مستقیم ګواښ هم دی.»
اسراییل هم منلې، چې په سوریه کې یې پوځي مرکزونه په نښه کړي دي.

خو تازه داسې راپورونه خپرېږي، چې اسراییل د سوریې په حمص ښار هم بریدونه کړي دي؛ خو د مرګ ژوبلې په اړه یې شمېرې لا نه دي په ډاګه شوې.

د ناسا دا ستورمزلي د سې‌‌شنبې په ورځ (د مارچ ۱۸مه) د امریکا د فلوریډا ایالت په تالاهاسي سواحلو کې له خنډونو او ننګونو سره مل سفر وروسته ځکمې ته رارسېدلي دي.

ویلمور او ویلیامز د تېرکال د جون په پنځمه فضايي سټېشن ته د بوینګ کمپنۍ د سټارلاینر کېپسول په مرسته الوتنه کړې وه، خو په لاره کې یو شمېر ستونزو له امله هغوی اړ شول چې بېرته ځمکې ته راوګرځي.

دا دوه ستورمزلي د فضايي ماموریت لپاره د ازمایښتي پېلوټانو په توګه غوره شوي وو، خو په لار کې د تخنیکي ستونزو له امله شاوخوا نهه میاشتې په فضا کې اېسار پاتې او ځمکې ته د راکښته‌کېدو لپاره د ناسا حل‌لارې ته په تمه وو.

د ناسا له پرېکړې وروسته ټاکل شوې وه، چې دواړه ستورمزلي اېکس‌سپېس کېپسول په مرسته ځمکې ته راستانه شي، خو په دغه کېسپول کې هم تخنیکي ستونزو هغوی له یو لړ ستونزو سره مخ کړي وو.

په وروستیو کې د ناسمې هوا د وړاندوینې له امله ناسا پرېکړه کړې وه، چې خپل دوه ستورمزلي له پلان شوې مودې څخه لږ مخکې ځکمې ته راکښته کړي او د هغوی د راکښته‌کېدو لپاره یې نېک‌هیګ او د روسیې ستورمزلي الکسانډر ګوربونوف ته د اېکس‌سپېس کېپسول په مرسته د فضايي سفر ماموریت وسپاره.

نېک‌هیګ او الکسانډر ګوربونوف وکړای شول، چې خپل ستورمزلي ملګري وژغوري او ځمکې ته یې په سلامتۍ سره راورسوي.

ځمکې ته د ویلمور او ویلیامز راستنېدل په وروستیو کلونو کې د ناسا یو ننګونکی او پېچلی فضايي ماموریت و، چې په بریالیتوب سره پای ته ورسېد.

ناسا او بوینګ اوس مهال د سټارلاینر کېپسول تخنیکي ستونزې څېړي، ترڅو په راتلونکو ماموریتونو کې د ورته پېښو مخنیوی وکړي.

هغه زیاته کړه: "د امریکا وړاندیز د خبرو اترو پر مېز و او حماس هغه رد نه کړ او مثبت چلند یې ورسره وکړ. «نتنیاهو د تړون د ماتولو لپاره جګړه بیا پیل کړه.»

په پای کې دغه ویاند ټینګار وکړ: «د حماس ګټې د موافقې په دوام کې وې او له منځګړو سره به په نرمۍ او مثبت ډول خبرو اترو ته دوام ورکړي، چې زموږ پر ملت د تېري مخه ونیسي او نیواکګر مجبور کړي چې تړون ته غاړه کیږدي.»

تر دې مخکې اسراییلي حکومت ویلي و، چې حماس د یرغمل شویو خوشې کولو څخه ډډه کړې او دوی بېرته جګړې ته ستانه شوي.

اسراییل دا هم ویلي و، چې تر دې وروسته به لا زیات پوځي عملیات پراخ کړي.

اسراییل زیاته کړې، چې په غزه کې سختو شخړو ته بېرته ستنېدل د متحده ایالاتو سره په بشپړه همغږۍ کې ترسره شوي.

دا په داسې حال کې ده، چې پر غزې د اسراییل د بریدونو له بیا پیل سره څه باندې ۴۰۰ کسان وژل شوي او د پاتې یرغمل شویو کسانو برخلیک هم نامعلوم دی.

هغه د اسلامي هېوادونو له‌خوا پر اسراییل د اقتصادي بندیزونو پر اړتیا په ټینګار سره وویل، چې ځینې عرب هېوادونه د فلسطین له مقاومت څخه د ملاتړ پر ځای اسلامي جمهوریت د هغوی په پوځي ملاتړ تورنوي.

د حوثي یاغیانو مشر د یوه عربي هېواد او اسراییل تر منځ هر ډول مثبتې اړیکې «شرمونکې» وبللې او ویې ویل، چې له ترکیې، مصر، اردن، سعودي عربستان او متحده عربي اماراتو سره له اقتصادي اړیکو څخه اسراییل ګټه پورته کوي او دغه هېوادونه باید له اسراییل سره خپلې اقتصادي اړیکې پرې کړي.

هغه وویل: «په مسلمانانو واجب دی چې د اسراییل په خلاف یو فعال او پیاوړی نړۍوال غورځنګ تنظیم کړي.»

عبدالمالک حوثي ویلي، له اسراییل څخه د امریکا ملاتړ او د عربي هېوادونو چوپتیا د دې لامل شوې، چې اسراییل خپل بریدونه پراخ کړي.

عبدالمالک حوثي په داسې حال کې دغه څرګندونې کوي، چې اسراییلي حکومت ویلي: «حماس د یرغمل شویو خوشې کولو څخه ډډه کړې، نو موږ بېرته جګړې ته ستانه شوو. له دې وروسته به له لا زیات پوځي ځواک سره عمل وکړو.»

اسراییل اعلان کړی، چې په غزه کې سختو شخړو ته بېرته ستنېدل د متحده ایالاتو سره په بشپړه همغږۍ کې ترسره شوې.

دا په داسې حال کې ده، چې پر غزې د اسراییل د بریدونو له بیا پیل سره څه باندې ۴۰۰ کسان وژل شوي او د پاتې یرغمل شویو کسانو برخلیک هم نامعلوم دی.