د ټرمپ په اړه د ډېموکرات سناتور بوکر ویناوو له ۲۲ ساعتونو زیات وخت نیولی
د نیوجرسي ایالت دېموکرات سناتور کوري بوکر له ۲۲ ساعتونو زیات وخت کېږي، چې د امریکا د ولسمشر ډونالډ ټرمپ پر ضد د سنا په تالار کې وینا کوي.
د نیوجرسي ایالت دېموکرات سناتور کوري بوکر له ۲۲ ساعتونو زیات وخت کېږي، چې د امریکا د ولسمشر ډونالډ ټرمپ پر ضد د سنا په تالار کې وینا کوي.
واشنګټن پوسټ راپور ورکړی، چې نوموړی په دې ټول وخت کې ولاړ دی، ځکه چې د کېناستلو په صورت کې به د خبرو کنټرول له لاسه ورکړي.
بوکر ویلي، موخه لري «ترهغه وخته چې جسمي توان لري، د امریکا د سنا کارونه ګډوډ کړي».
دغه اقدام ته چې فیلیباسټر ویل کېږي، په وروستیو کلونو کې څو ځلې په اوږدمهاله توګه ترسره شوی، خو ریکارډ یې له سناتور استروم ترمونډ سره دی، چې د ۱۹۵۷ د مدني حقونو له قانون سره د مخالفت لپاره ۲۴ ساعته او ۱۸ دقیقې خبرې کړي.
بوکر په خپلو ویناوو کې بېلابېل موضوعات یاد کړي، چې پکې د روسیې او اوکراین جګړه، په بهرنیو هېوادونو کې د امریکا نړۍوالې پراختیایي او مرستندویه مرستې، د بودیجې د کمښت په اړه اندېښنې او د ټولنیزو خدمتونو د دفترونو کمول شامل دي.
د سنا غبرګون
ډېموکراتانو د بوکر وینا وستایله او دا یې د ټرمپ د خطرناک سیاست پر وړاندې یو مهم اقدام وباله.
جمهوريپال سناتورانو بیا دا وینا "سیاسي نمایش" وباله او ویې ویل، چې دا یوازې د وخت ضایع کول دي.
د ټرمپ غبرګون
ټرمپ دا وینا "درواغجنه" وبلله او ویې ویل چې ډېموکراتان د بایډن د ناکامۍ پټولو هڅه کوي.
د ټرمپ د ټیم غبرګون
د ټرمپ ټیم وویل، چې ډېموکراتان د "بې بنسټه تورونو" له لارې غواړي د ټرمپ نوم بد کړي.
