د نړۍوال جام په غوراوي سیالیو کې افغان ۱۹ کلنه لوبډله سبا له عمان سره سیالي کوي

د کرېکټ نړېوالې شورا د معلوماتو له مخې، په دې سیاليو کې افغانستان، عمان، هنکانګ، متحده عربي امارات او نیپال لوبډلې برخه لري.

هره لوبډله به ۴ سیالۍ تر سره کوي او مخکښه لوبډله به د ۱۹ کلنو کم عمره لوبغاړو نړیوال جام ته لار پيدا کوي.

د ۱۹ کلنو کم عمره نړیوال جام د ۲۰۲۶ کال په لومړیو دوو میاشتو کې په نمیبیا او زمبابوې کې تر سره کيږي.

د افغانستان کرېکټ بورډ لا له وړاندې دې سیالیو ته ۱۷ کسیزه لوبډله اعلان کړې، چې ۱۴ عمومي او ۳ احتیاطي لوبغاړي په کې دي.

افغان کرېکټ بورډ ویلي، چې د دې سياليو د تیاري لپاره یې تمریناتي‌کمپونه کړي او د ښه لوبېدو لپاره زياتې هیلې لري.

لومړۍ لوبه به د پاکستان پر وخت د شپې ۸ بجې د اسلام اباد یونایټيډ او لاهور قلندرز لوبډلو ترمنځ په راولپنډۍ کې تر سره شي.

په دې سیاليو کې د نورو بهرنيو لوبغاړو ترڅنګ افغان لوبغاړي هم ولوبيږي.

بابراعظم د پېښور زلمي، اسټراليايي لوبغاړی ډيويډ وارنر به د کراچۍ کینګز، محمد رضوان به د ملتان سلطانز، شاداب خان به د اسلام اباد یونايټيډ، شاهین افريدي به د لاهور قلندرز او سعود شکیل به د کوټې ګلډيټرز لوبډلو لوبډلمشران دي.

د پاکستان کرېکټ بورډ د مالوماتو له مخي، چې دغه سیالۍ به راتلونکې مۍ میاشتې تر ۱۸ نېټې دوام وکړي.

دغه سیالۍ به د کراچۍ، لاهور، ملتان او راولپنډۍ په لوبغاړو کې تر سره شي.

د سیاليو لومړۍ مقام ګټونکي ته به ۵ لکه او دویم ته به ۲ لکه ډالر ورکول شي.

د افغانستان کرېکټ بورډ د جمعې په ورځ ویلي، چې افغان ابدالیانو کرېکټ لوبډله به د سریلانکا الف لوبډلې پر وړاندي د څلور ورځنۍ لوبې لپاره تمریناتي کمپ تر سره کړي.

بورډ زياتوي، چې تر تمریناتو وروسته به افغان لوبغاړي متحده عربي اماراتو ته سفر وکړي.

کرېکټ بورډ پر خپله صفحه لیکلي، چې تېره شپه سریلانکا الف لوبډله هم متحده عربي اماراتو ته رسېدلې ده.

افغان ابدالیانو بېګا په څلور ورځنۍ لوبه کې د ایرلنډ الف لوبډلې ته د یوې پاڼۍ او ۱۹۴ منډو په توپير ستره ماتې ورکړه.

‏افغان ابدالیانو لوبډله له سریلانکا او اېرلنډ سره درې اړخیزې یو ورځنۍ لوبې هم لري.

د افغانستان کرېکټ بورډ د مالوماتو له مخي، په دې څلور ورځنۍ سیالۍ کې افغان ابدالیانو په لومړۍ ورځ ۳۱۷ منډې جوړې کړې او په دويمه ورځ يې د خپلې توپوهنې په دوام خپلې منډې ۶۱۲ ته ورسولې.

که څه هم افغان لوبغاړي لا هم سوځېدلي نه وو، خو خپله لومړۍ نيمايي يې تمامه اعلان کړه او ایرلنډ ته یې د خپلي پاڼۍ د پيلولو بلنه ورکړه.

ایرلنډ لوبډلې د خپلي توپوهنې په لومړۍ ورځ ۳۰۹ او په دویمه پاڼۍ کې يې ۱۰۹ منډې جوړې کړې او په دغه سیالۍ کې يې د يوې پاڼۍ او ۱۹۴ منډو په توپير ماتې وخوړه.

کرېکټ بورډ ویلي، چې د افغان ابدالیانو د توپوهنې او توپ اچونې برخه قوي وه او دغو سیاليو ته يې لا له وړاندي تیاری نیولی و.

په دې سيالیو کې افغان توپوهونکو بهير محبوب ۱۸۷، ریاض حسن ۹۴، عمران مير ۸۵، شمس الرحمان ۸۴، افسر ځاځي ۵۵ او لوبډلمشر دروېش رسولي ۵۳ منډې جوړې کړې.

‏د افغانستان کرېکټ بورډ مسوولینو ویلي، چې دغه لوبډله تر دې وروسته له سریلانکا او اېرلنډ سره درې اړخیزې یو ورځنۍ لوبې هم کوي.

د افغانستان کرېکټ بورډ وايي، چې افغانستان نولس کلنې کرېکټ ملي لوبډلې د نیپال پر وړاندې د درې یو ورځنیو سییالیو په لوبلړۍ کې د دوو بریاوو په ترلاسه کولو سره د یادې لوبلړۍ جام په خپل نوم کړ.

کرېکټ بورډ وايي، چې له دې وروسته د نولس کلنو افغان کرېکټ ملي لوبډله د کرېکټ نړیوالې شورا د نولس کلنو لوبغاړو نړیوال جام په غوراوي سیالیو کې هم ګډون کوي او د راتلونکې یکشنبې په ورځ به خپله لومړۍ لوبه د عمان د نولس کلنو ملي لوبډلې پر وړاندې ترسره کړي.

د افغانستان او نیپال د نولس کلنو ملي لوبډلو تر منځ د درې یو ورځنیو سیالیو لوبلړۍ شپږ ورځې وړاندې په نیپال کې پیل شوې وه.

افغان نولس کلنو ملي لوبډلې په خپله لومړنۍ لوبه کې د نيپال لوبډلې ته د ۱۰۳ منډو په توپیر او په دویمه لوبه کې د ۱۶۹ منډو په توپیر ماته ورکړه خو نن د وروستۍ لوبې دویمه پاڼۍ کې د شدید باران له امله بشپړه نه شوه او دغه لوبه د ډي اېل اېس قانون له مخې د ۸۵ منډو په توپیر د نیپال د نولس کلنې لوبډلې په ګټه پای ته ورسیده.