د متحده ایالاتو ولسمشر ډونالډ ټرمپ ویلي، چې د یمن د حوثیانو د له منځه وړلو لپاره پرېکنده پلان لري او د دوی ځواکونه به پیدا او عدالت ته وسپاري. نوموړي همدا زار ویلي، چې دغه وسله واله ډله په دې هڅه کې ده چې په سومالیا کې نفوذ وکړي.
ټرمپ په ټروټ شبکه کې د یمن د حوثيانو غورځنګ د یوه غړي د په نښه کولو یوه ویډیو خپره کړې او ورسره لیکلي یې دي: "دا د ترهګرو لپاره وخت دی چې پټ شي، مګر دا به دوی سره مرسته ونه کړي."
هغه زیاته کړه: "زموږ نظامي ځواکونه، چې په تاریخ کې تر ټولو لوی ځواک دی، دوی به پیدا او ژر تر ژره به یې عدالت ته وسپاري."
ټرمپ دا خبرداری هم ورکړی، چې حوثيان هڅه کوي سومالیا ته نفوذ وکړي او د دې چارې باید مخنیوی وشي.
په دې وروستیو ورځو کې د امریکا پوځ په یمن کې د حوثيانو پر ضد چې د ایران ملاتړ ورسره دی، خپل عملیات ګړندي دي.
دا په داسې حال کې ده، چې یمن حوثيانو د یکشنبې په ماښام په صنعا کې د امریکا په بریدونو کې د پنځو تنو د وژل کېدو خبر ورکړ.
د حوثیانو ویاند همداراز اعلان وکړ، چې دغې ډلې په حجه ولایت کې د امریکا یوه بې پیلوټه الوتکه په نښه کړې ده.
