د طالبانو او پاکستان د همغږۍ ګډې کمېټې پر «باور رامنځته کولو» ټینګار کړی

په پنجشیر ولایت کې د طالبانو د امنیه قوماندانۍ ویاند حقمل سعد وايي، چې د دغې ډلې د مشر ملا هبت الله اخوندزاده د فرمان له مخې یې د پنجشیر ولایت له مرکز او اوو ولسوالیو څخه ۵۰۰ ځوانان د پولیسو په لیکو کې جذب کړي او د تخنیکي او مسلکي زده کړو په موخه یې پروان ولایت ته استولي دي.

طالبانو د یادې ډلې د پولیسو په چوکاټ کې د پنجشیر د ځوانانو استخدام د امنیت، ثبات او سوکالۍ په برخه کې تحول بللی.

طالبانو دا نه دې ویلي، چې د پنجشېر دغو ځوانانو تردې وړاندې له طالبانو سره کوم تړاو درلود او که نه، خو یاده ډله تر ډیره د کورنیو او دفاع وزاراتونو په تشکیلاتو کې له طالب فکره او یا هم خپلو پخوانیو جنګیالیو پرته عام کسان نه مني.

دمګړی په پنجشیر ولایت کې ډېری د طالبانو د دفاع او کورنیو چارو وزارت په چوکاټ کې د کندهار، هلمند، اروزګان، زابل، خوست او پکتیا ولایتونو طالبان ځای پر ځای دي.

ځدراڼ د پکتیکا ولایت د ارګون ولسوالۍ یوه خاطره‌ کې وايي، چې دوی د یوه سراچه موټر تالاشي کوله او د پخواني جمهوري نظام تور، سور او زرغون ملي بیرغ یې پکې ولید. نوموړی لیکي: « هلته ما ته دا یوازې د دښمن بیرغ ښکارېده. د دې لپاره چې ځان تورزن ثابت کړم، تر ټولو ور وړاندې شوم او را پرې مې کړ، د موټر ډریور مې را کښته کړ او همدا د رخت له ټوټې جوړ بیرغ مې پرې وخوړ، موټروان د اوبو اجازه غوښته، خو ما د اوبو د څښلو اجازه نه ورکوله».

ځدراڼ زیاتوي، چې موټروان بیرغ په سختۍ تېر کړ او بیا یې د تګ امر ورته وکړ.

نوموړی د کیسې په دود وايي، چې وخت نا وخت به د سړک پر سر تالاشۍ ته هم درېدل او عام موټر به یې تالاشي کول.

هغه زیاته کړې: « نوی چې به چا ته ټوپک په لاس ورغلی و، په هغه کې به توندي او سخت‌دريځي زیاته وه، د مشرانو خبرې یې چندانې په نظامي ډګر کې غوږ ته نه لوېدې. ښايي علت یې دا و چې خپل زړورتوب ثابت کړي».

100%

دا لومړی ځل دی چې د طالبانو یو غړی د افغانستان د پخواني جمهوري دولت سره د جګړې پر مهال له خپلې سختدریځۍ پرده پورته کوي او په جګړه کې پر ملکي وګړو د شوې سختۍ کیسه کوي.

نوموړي په دغه کتاب کې په پاکستاني شناختي کارډ د تګ راتګ، د یو کس د ترور کولو او دغه راز د امریکايي زنداني او نورو طالب قوماندانانو په اړه هم خپلې خاطرې لیکلې دي.

د خالد ځدراڼ یادې کیسې ته په ټولنیزو رسنیو کې ګڼو کاروونکو غبرګونونه ښودلي او دا چاره یې وحشیانه بللې ده.

مولانا فضل الرحمن د سې شنبې په ورځ په پېښور کې یوې خبري غونډې ته د خبرو پرمهال د افغان کډوالو په تړاو د پاکستان سختې پالیسۍ ته اشاره وکړه او د هغوی د جبري بیرته ستنولو پالیسي یې احساساتي او بې ګټې وبلله.

د پاکستان د جمعیت علمای اسلام مشر وویل، چې له ۴۰ کلنې مېلمه پالنې وروسته د هغوی وهل او ډبول او د څارویو په څېر په موټرو کې اچول د مېلمه پالنې د اصولو او بشري حقونو خلاف دي. هغه زیاته کړه، « «کډوال یو اړخیزه مساله نه ده، دا د افغانستان او پاکستان ګډه مساله ده، موږ په خوښي منلي وو، د پښتنو په ټولنه کې مېلمه پالنه د پښتنو د دودونو یوه روښانه برخه ده، اوس یې چې له ۴۰ کلونو وروسته شړې، نو دا د مېلمه پالنې خلاف دي».

هغه په دې برخه کې د ګډه میکانیزم جوړ ولو وړاندیز وکړ.

فضل رحمان وویل، « هغه افغانان چې دلته له ۳۵ کلونو راهیسې سوداګري کوي، که دا کاروبار له بانکونو واېستل شي، پاکستان به له اقتصادي زیان سره مخ شي».

فضل الرحمان چې د پاکستان مذهبي او سیاسي مشر دی، دغه راز وویل چې د هغه ګوند به د ایالتونو د واکونو په تړاو هیڅ ډول جوړجاړی ونه مني.

هغه پر مرکزي حکومت تور ولګاوه چې د ایالتونو د کاني سرچینو په کنټرول کې دخالت کوي او دا نه یوازې د مرکز د استفادې لپاره بلکې د نړیوالو قدرتونو د ګټو لپاره دی.

مولانا فضل الرحمان د خیبر پښتونخوا د امنیتي وضعیت په اړه جدي اندېښنه څرګنده کړه. هغه وویل چې سیاسي فعالان او مذهبي عالمان د زیاتېدونکو بریدونو هدف ګرځېدلي دي.

 نوموړي زیاته کړه، « ډېرې سیمې داسې دي چې حکومت پکې واک نه لري».

حامد کرزي د چارشنبې په ورځ د خپلې اېکس‌پاڼې له لارې ویلي، چې په کتنه کې يې د افغانستان او ناروې هېوادونو د اړیکو د پياوړتيا او پراخولو غوښتنې کړې دي.

حامدکرزي د هېواد د پرمختګ لپاره د نجونو زده کړې او د سولې او ثبات لپاره ملي تفاهم مهم بللی دی.

د ناروې د بهرنیو چارو وزارت تېر کال د ليندۍ په مياشت کې په یوه خبرپاڼه کې ویلي و چې افغان کډوالو سره ۳.۸ مېلیون ډالره مرسته کوي.

دغه وزارت له پاکستان او ایران نه د اېستل شویو افغانانو سره د مرستې په برخه کې د ۲.۹ مېلیونه ډالرو نورې مرستې خبر هم ورکړی.

د دغه وزارت په خبرپاڼه کې د افغانستان له خلکو سره د لا زیاتو بشري مرستو په رسولو کې ژمنه شوې او پکې راغلي چې ناروې تل د افغانانو د لاسنیوي لپاره چمتو ده.

د ارزګان ولایت د اطلاعاتو او کلتور ریاست د چار شنبې په ورځ د یوې خبرتیا په خپرولو سره ویلي، چې سبا په د دغه ولایت په مرکز ترینکوټ کې ۱۵ کسانو ته د بېلابېلو جرمونو په تور په عام محضر کې سزا ورکوي.

یاد ریاست په دې خبرتیا کې له عامو خلکو غوښتنه کړې، چې دغو کسانو ته د سزا ورکولو د نندارې لپاره په ترینکوټ ښار کې ورزشي لوبغالي ته ورشي.

طالبانو له عامو خلکو غوښتنه کړې، چې د ورتګ پرمهال دې د هر ډول تلیفون او کامرې له وروړلو ډډه وکړي.

له ترینکوټ ښار څخه سرچینو افغانستان انټرنشنل ـ پښتو ته ویلي، چې طالبانو د دغه ښار په یو شمېر جوماتونو کې او هلته د سیمه ییزو راډیوګانو له لارې هم ۱۵ کسانو ته د تعزیري سزا ورکولو په تړاو نندارې ته د عامو خلکو د وربللو اعلانونه کړي دي.

سره له دې چې د طالبانو له لوري په عام محضر کې د بدنې سزاګانو ورکولو اقدام د نړیوالو بشري بنسټونو له لوري سخت غندل کیږي، خو دغه ډله وايي، پر مجرمانو "شریعت" پلی کوي او د پند اخیستلو لپاره عام خلک هم وربولي.

طالبانو تېره اونۍ په بادغیس، فراه او نیمروز ولایتونو کې څلور کسان په عام محضر کې اعدام کړل.

د طالبانو دغې کړنې ته د فرانسې، یوناما او اروپايي اتحادیې په ګډون د بشري حقونو د ملاتړ ګڼو بنسټونو سخت غبرګون وښود.