د اوکراین په جګړه کې د شمالي کوریا شاوخوا ۶۰۰ پوځیان وژل شوي دي
د سوېلي کوریا قانون جوړونکو د استخباراتي چارواکو په حواله ویلي، چې د اوکراین په جګړه کې د شمالي کوریا شاوخوا ۶۰۰ پوځيان وژل شوي دي.
د سوېلي کوریا قانون جوړونکو د استخباراتي چارواکو په حواله ویلي، چې د اوکراین په جګړه کې د شمالي کوریا شاوخوا ۶۰۰ پوځيان وژل شوي دي.
د الجزیرې د راپور له مخې؛ د چهارشنبې په ورځ د سوېلي کوریا د ملي استخباراتو د ادارې لهخوا د تړلو دروازو تر شا له خبرو اترو وروسته، د سوېلي کوریا د مقننه قوې د استخباراتي کمېټې مشرانو لي سیونګ کوون او کېم بایونګ کي خبریالانو ته وویل، اټکل کېږي چې تر دې دمه په جګړه کې د شمالي کوریا شاوخوا ۴۷۰۰ سرتېرو ته به مرګ ژوبله اوښتې وي.
له بل پلوه د شمالي کوریا مشر کېم جونګ اون تر دې وړاندې ویلي و، چې هغه د «اوکراین نوي نازي اشغالګرو له منځه وړلو او د روسیې د وسلهوالو ځواکونو په همکارۍ د کرسک سیمې د ازادولو» لپاره د ځواکونو د ځای پر ځای کولو امر کړی دی.
