په اسراییل کې اورلګېدنه؛ اېټالیا او قبرص اسراییل ته د اور وژنې لپاره الوتکې لېږي
اسراییل ټایمز راپور ورکړی، چې اروپایي هېوادونه نن اسراییل ته د اور وژنې اته الوتکې لېږي؛ ترڅو د دوی د بېړنیو هڅو ملاتړ وکړي.
د راپور له مخې؛ دغه مرسته په داسې حال کې کېږي، چې بیت المقدس ته نږدې په ۱۱ تودو سیمو کې اورلګېدنه دوام لري او په اوو ښارونو کې لاهم د تخلیې عملیات روان دي.
په راپور کې راغلي، چې دا مهال د اسراییل په ګوټ، ګوټ کې د اور وژنې عملیات دوام لري او بیت المقدس ته نږدې د اور وژنې ۱۵۵ ډلې د اور د کنټرول هڅه کوي.
تر دې وړاندې د اسراییل لومړي وزیر بنیامین نتنیاهو خبرداری ورکړی و، چې هېواد یې د «ملي بېړني حالت» سره مخ دی.
