غزه کې له تېرو ۲۴ ساعتونو راهیسې ۴۵ فلسطینیان وژل شوي دي

زېلېنسکي د جمعې په ورځ په کییف کې د خبریالانو له یوې کوچنۍ ډلې سره په یوې مطبوعاتي کنفرانس کې د روسیې د ولسمشر ولادیمیر پوتین د اوربند وړاندیز رد کړ.

پوتین دغه وړاندیز د نازي جرمني په وړاندې د ۱۹۴۵ کال د بریا د ۸۰ کلیزې د لمانځلو لپاره کړی و.

زېلېنسکي وویل، چې هغه د ۳۰ ورځني اوربند لپاره د متحده ایالاتو د وړاندیز پر بنسټ خپل انکار وکړ او استدلال یې وکړ، چې هر ډول معنی لرونکې خبرې اترې اوږدې مودې ته اړتیا لري.

نوموړي د مې په ۹ مه په اتیایمه کلیزه کې د ګډون لپاره مسکو ته بلل شویو بهرنیو مشرانو ته خبرداری ورکړ.

هغه وویل: «موږ د هغه څه مسوولیت نشو کولی چې د روسیې فدراسیون په خاوره کې پېښېږي. دوی تاسو ته امنیت نیسي او له همدې امله موږ به تاسو ته هېڅ تضمین درنکړو.»

روسي چارواکو بیا د زېلېنسکي څرګندونې ګواښ بللي.

د روسیې د بهرنیو چارو وزارت ویاندې ماریا زاخارووا هغه تورن کړ، چې د مې د نهمې نېټې په مراسمو کې د ګډون پلان لرونکو بهرنیو مشرانو ته یې مستقیم ګواښونه کړي دي.

پخواني ولسمشر دیمیتري میدویدوف هم په زېلېنسکي نیوکه وکړه او له هغه یې وغوښتل چې له "لفظي پارونو" څخه ډډه وکړي.

په دې غبرګون کې د اسراییل د لومړي وزیر دفتر څرګنده کړې، چې نتنیاهو د فېبرورۍ په میاشت کې له دې مخکې چې له ډونالډ ټرمپ سره په سپینه ماڼۍ کې وګوري، په بلر هاوس کې له مایکل والټز او ستیو ویتکاف سره یو دوستانه ملاقات کړی و.

د اسراییل د لومړي وزیر د دفتر د معلوماتو له مخې، والټز له جی‌ډي ونس سره یوځای له نتنیاهو سره د واشنګټن له پرېښودو وړاندې هم لیدنه کړې وه.

د دوی په خبره، له هغه راهیسې نتنیاهو، والټز او ویتکاف یوازې یوه ټلیفوني مکالمه کړې، چې موضوع یې ایران نه و.

دا په داسې حال کې ده، چې تر دې وړاندې واشنګټن پوسټ راپور ورکړی و چې د امریکا د ملي امنیت پخواني سلاکار مایکل والټز له بنیامین نتنیاهو سره د ایران پر ضد د نظامي انتخابونو د کارولو په اړه پراخې همغږۍ کړې وې، چې دې کار د ټرمپ غوسه راوپاروله او بالاخره د والټز د برطرفۍ لامل شو.

واشنګټن پوسټ د غويي په ۱۳مه د سپینې ماڼۍ د لوړپوړو چارواکو او د ولسمشر د سلاکارانو له خولې لیکلي، چې د والټز د برطرفۍ پرېکړه د ټرمپ د زیاتېدونکي نارضایتۍ له امله وشوه، ځکه چې والټز د ټرمپ په پرتله د نظامي ځواک د کارولو زیات تمایل درلود.

د اسراییل د لومړي وزیر دفتر د واشنګټن پوسټ راپور رد کړی او ویلي یې دي، چې نتنیاهو که څه هم امریکا ته د سفر پر مهال له والټز سره لیدنه کړې، خو له هغه وروسته یې د ایران په اړه هېڅ خبرې نه دي کړې.

دا په داسې حال کې ده، چې اسراییل د جمعې په ورځ د سوریې په پلازمېنې دمشق کې د ولسمشرۍ ماڼۍ ته څېرمه هوایي برید وکړ، چې په ټول دمشق کې یې غږ واورېدل شو.

د سعودي عربستان د بهرنیو چارو وزارت په خپل اېکس کې د یوې اعلامیې په خپرولو سره ویلي: «پر سوریې د اسراییل هوايي بریدونه په سختو ټکو کې غندو. همدا ډول سعودي عربستان د اسراییل هغه بریدونه هم غندي چې د سوریې د عربي جمهوریت حاکمیت، امنیت او ثبات سرغړونه کوي.»

له دغه برید وروسته د اسراییل د پوځ ویاند وویل: «جنګي الوتکو په دمشق کې د الشرع ماڼۍ ته نږدې سیمه کې برید کړی دی.»

په یوه ګډه اعلامیه کې د اسراییل لومړي وزیر بنیامین نتنیاهو او د دفاع وزیر اسراییل کاټز دا د سوریې نویو واکمنانو ته «روښانه پیغام» وباله.

دوی وویل: «موږ به د دمشق سوېل ته د ځواکونو لېږلو یا د دروز ټولنې ته د کوم ګواښ اجازه ورنکړو.»

د سوریې ولسمشرۍ دفتر دا برید «د دولتي ادارو او د هغې د حاکمیت پر وړاندې یو خطرناک زیاتوالی» وباله او اسراییل یې د هېواد د بې ثباته کولو په تور تورن کړ.

په دغه انځور کې ټرمپ بې احساسه څېره لري، سپیني جامې یې په تن دي او ښی لاس یې د نصیحت په ډول پورته نیولی دی.

د دغه انځور خپریدو پر اېکس شبکه کې ګڼ غبرګونونه ښودل شوي.

د امریکا جمهوري پالو له خوا د ټرمپ دغه انځور بار بار خپور شوی او لیکلي یې دي:« دا د کاتولیکانو ښکاره سپکاوی او په دیني عقېدو ملنډه ده.»

ټرمپ د مصنوعي ځیرکتیا په مټ جوړ شوی انځور په داسې وخت کې خپور کړی، چې تمه ده په راتلونکو څو ورځو کې د نوي پاپ د ټاکنې لپاره غونډه ترسره شي.

رویټرز د اوکراین د پوځ د استخباراتو له قوله راپور ورکړی، چې د دغه هېواد د یو سمندري ډرون توغندي په وسیله د روسیې یوه SU-۳۰ جنګي جېټ الوتکه رانکسوره کړې ده.

د اوکراین د پوځ استخباراتو دا پېښه په نړۍ کې لومړنۍ پېښه بللې، چې یوه جنګي الوتکه د سمندري ډرون له‌خوا ویشتل شوې ده.

راپورونه ښيي، چې د روسیې یاده جنګي الوتکه پرون د اوکراین د استخباراتو یوې ډلې له‌خوا د تور سمندرګي د نوروسیسک بندر ته نږدې په اوبو کې ویشتل شوې ده.

که څه هم د روسیې دفاع وزارت تر دې دمه د اوکراین د دې ادعا په اړه رسمي څرګندونې نه دي کړي، خو یاد وزارت ته نږدې سرچینو پېښه تایید کړې او ویلي یې دي، چې تېره شپه یوه جنګي جېټ الوتکه د نوروسیسک لوېدیځ ته ۵۰ کیلومترۍ کې د اوکراین له‌خوا ویشتل شوې ده.

راپورونه زیاتوي، چې اوکراین د روسیې په پرتله له جګړه‌یز پلوه کمزوری ده او له تېرو درېیو کلونو راهیسې په هوا او سمندر کې د روسیې پر ضد د بې‌پیلوټه الوتکو (ډرونونو) له لارې جګړه پرمخ وړي.

د اوکراین دغه سمندري ډرونونه، چې د بیې له پلوه ارزانه دي، د روسي ځواکونو لپاره په یوه جدي ګواښ بدل شوي او ډېر اغېزناک تمام شوي دي.

اوکراین د ۲۰۲۴ کال په ډیسمبر کې هم ادعا کړې وه، چې د ورته ډرون په وسیله یې د روسیې یوه پوځي هلیکوپټر ویشتلی.