له ټرمپ هم لار ورکه ده؛ د ټرمپ هغه انځور چې سخت غبرګونونه یې راپارولي
د مصنوعي ځیرکتیا (اې ای) په مټ جوړی شوي هغه انځور چې د امریکا ولسمشر ډونالډ ټرمپ پکې د کاتولیکانو د مشر پاپ په څه څېر ښکاري سخت غبرګونونه راپارولي. ټرمپ خپل دغه انځور خپور کړی او ورسره یې لیکلي: " زه غواړم پاپ شم."
په دغه انځور کې ټرمپ بې احساسه څېره لري، سپیني جامې یې په تن دي او ښی لاس یې د نصیحت په ډول پورته نیولی دی.
د دغه انځور خپریدو پر اېکس شبکه کې ګڼ غبرګونونه ښودل شوي.
د امریکا جمهوري پالو له خوا د ټرمپ دغه انځور بار بار خپور شوی او لیکلي یې دي:« دا د کاتولیکانو ښکاره سپکاوی او په دیني عقېدو ملنډه ده.»
ټرمپ د مصنوعي ځیرکتیا په مټ جوړ شوی انځور په داسې وخت کې خپور کړی، چې تمه ده په راتلونکو څو ورځو کې د نوي پاپ د ټاکنې لپاره غونډه ترسره شي.
