یونېسف: پاکستان په جبري توګه ځیني بې سرپرسته افغان ماشومان هم له دغه هېواده اېستلي دي
د ماشومانو لپاره د ملګرو ملتونو د ملاتړ صندوق (یونېسف) خبر ورکړی، چې پاکستان د تورخم له لارې یو شمېر بې سرپرسته افغان ماشومان هم په جبري توګه له خپل هېواده اېستلي دي.
د یونېسف خبرپاڼه زیاتوي، چې د اپرېل په لومړیو دوو اونیو کې هره ورځ اته زره کسان افغانستان ته ستانه کړای شوي دي.
یاد سازمان ویلي، چې د پاکستان له لوري په اېستل شويو کسانو کې یوازې ۲۰سلنه ماشومان دي او دوی ورسره د اړتیا وړ مرستې هم کړې دي.
