ټرمپ د روسیې له پاروونکو څرګندونو وروسته د اټومي اوبتلونو د ځای پر ځای کولو امر وکړ
د امریکا ولسمشر ډونالډټرمپ وايي چې د روسیې د پخواني ولسمشر ديميتري مېدوېديف د پاروونکو څرګندونو په غبرګون کې یې دوه اټومي اوبتلونه مناسبو سیمو ته استولي دي.
د امریکا ولسمشر ډونالډټرمپ وايي چې د روسیې د پخواني ولسمشر ديميتري مېدوېديف د پاروونکو څرګندونو په غبرګون کې یې دوه اټومي اوبتلونه مناسبو سیمو ته استولي دي.
مېدوېديف تېره ورځ (جمعه) ټرمپ ته خبرداری ورکړی و چې مسکو د شوروي دورې د وروستي اټومي برید وړتياوې لاهم لري.
ټرمپ ویلي، هیله لري چې دغه خبرې یوازې د څرګندونو تر بریده وي، خو بیا یې هم د دا ډول پاروونکو څرګندونو د منفي اغېز په اړه خبرداری ورکړی دی.
ديميتري مېدوېديف له ۲۰۰۸ کاله تر ۲۰۱۲ پورې د روسیې د ولسمشر او بیا له هغې وروسته تر ۲۰۲۰ کال پورې د دغه هېواد د لومړي وزیر په توګه پاتی شوی دی.
