اوکراین: روسیه د ایران د شاهد ډرون ټیکنالوژي شمالي کوریا ته لېږدوي

د روغتیايي مرکزونو د راپورونو له مخې، یوازې تر دې دمه ۹۰ماشومان د شدیدې لوږې له امله مړه شوي، او دا شمېر ورځ تر بلې زیاتېږي.

د غزې یوه ډاکټر د الجزیره تلویزیون ته ویلي: «په زرګونو کوچني ماشومان، چې عمرونه‌یې له دوو کلونو کم دي، د شدیدې لوږې له امله له ګواښ سره مخ دي. مورګانې د خوړو له کمښت سره مخ دي، شېدې نه شي تولیدولای، او ماشومان‌یې یوازې په اوبو یا له خځلو پاتې موادو تغذیه کېږي.»

نوموړي زیاته کړې، چې د شېدو بدیل توکي نشته، او هغه خواړه چې ماشومانو ته ورکول کېږي، لکه اوبه یا وچې وړې شوې دانې، د هغوی روغتیا ته جدي زیان رسوي.

طبي سرچینو ویلي، له شیدو څخه د کوچنیانو محرومېدل، په ځانګړې توګه هغو ماشومانو ته چې لا یې غاښونه نه دي راوتلي، د معافیت سیسټم له منځ وړي او بدن‌یې د ناروغیو پر وړاندې بېوسه کوي.

همداراز، د غزې روغتونونوتایید کړې چې لږ تر لږه دو نور ماشومان د لوږې له امله مړه شوي، چې له دې سره د لوږې له کبله د مړو شوو کسانو عمومي شمېر ۱۵۹ته رسېږي.

د بشري مرستو نړیوالو سازمانونو خبرداری ورکړی چې که د غزې محاصره ژر لېرې نشي، دا بشري بحران به لا پراخ شي. د خوراکي توکو، اوبو، درملو، او نورو لومړنيو بشري توکو محدودیت، نه یوازې ماشومان، بلکې ښځې، زاړه او ناروغان هم له سختو ګواښونو سره مخ کړي دي.

یونیسف، ملګرو ملتونو، او نورو مرستندویو بنسټونو له اسراییلي چارواکو غوښتي چې د بشري مرستو د رسېدو لپاره دې ژر تر ژره لارې پرانیزي، خو لا تر اوسه کوم د پام وړ اقدام نه‌دی شوی.

دغه وزارت وايي، د ایران حکومت په اوسني حالت کې له غیرعادي شک‌ګمان، تعقیب او امنیتي تعزیراتو سره مخ دی، بهرني وګړي او په ځانګړي ډول امریکایان له جدي خطر سره مخ کولای شي.

په یوه لنډه اعلامیه کې، چې د جمعې په ورځ د امریکا د بهرنیو چارو وزارت له لوري پر ایکس خواله رسنۍ خپره شوې، راغلي: « د ایران رژیم له اسراییل سره تر ۱۲ ورځنۍ جګړې وروسته، په یوه شکمن او امنیت‌محور حالت کې دی. د جاسوسانو، مخالفینو او بهرنیانو پر وړاندې بې‌ساري تعقیب روان دی.»

په اعلامیه کې ټولو هغو کسانو ته چې غواړي ایران ته سفر وکړي، خبرداری ورکړل شوی چې باید خپل تصمیم له سره وارزوي.

یاد وزارت ټینګار کړی: « تکرار کوو،چې امریکایيوګړي باید ایران ته سفر ونه‌کړي!»

د امریکا د بهرنیو چارو وزارت وړاندې تر دې هم، خپلو وګړو ته د «لوړ خطر» هېوادونو په اړه خبرداري ورکړی، چې پکې ایران، سوریه، روسیه، او یو شمېر نور هېوادونه شامل دي.

دا څرګندونې د اوکراین ولسمشر او د بریتانیا د لومړي وزیر ترمنځ په ټلیفوني خبرو کې ترسره شوي دي.

د بریتانیا د حکومت دفتر (ډانینګ سټریټ) ویاندې د دواړو مشرانو تر منځ تر تلیفوني خبرو وروسته وویل: "دواړو مشرانو د ټرمپ له‌خوا روسیې ته ټاکل شوی نوی ضرب‌الاجل وستایه، څو د سولې په تړاو د ځنډ سیاست پای ته ورسول شي او ریښتینی پرمختګ ممکن شي."

هغې زیاته کړه: "دواړو مشرانو په دې موافقه وکړه چې د اوسنۍ جګړې د پای ته رسېدو یوازینی خنډ روسیه ده."

سټیو وټکوف ویلي، چې په غزه کې یې له پنځو ساعتونو څخه ډېر وخت تېر کړ او د دې سفر موخه یې ټرمپ ته په غزه کې د بشري وضعیت روښانه انځور وړاندې کول، د غزې خلکو ته د خوړو او روغتیايي مرستو رسولو د‌پلان په پراختیا کې مرسته ده.

نوموړي د دغه سفر پرمهال په غزه کې د مرستو رسولو هغه مرکز څخه لېدنه کړې، چې په مستقیم ډول د امریکا له خوا تمویل کیږي.

په همدې وخت کې ملګري ملتونه وایي، چې د مې میاشتې راهیسې د امریکا د مرستو مرکز له فعالیت وروسته، د مرستو د ترلاسه کولو پر مهال تر ۱۰۰۰ زیات کسان وژل شوي.

د روسیې د دفاع وزارت د پنجشنبې په ورځ په یوې خبرپانه کې ویلي چې ځواکونو یې چاسېف‌یار ښار «ازاد» کړی دی.

پر همدغه مهال رویټرز اژانس د روسیې ځواکونو له خوا د یوې خپرې شوي ویډیو کره والی تایید کړی، چې ښيي د روسیې ځواکونه په ښار کې د دغه هېواد ملي بېرغ او د هوايي ځواکونو بېرغ پورته کوي.

خو د اوکراین ولسمشر ولادیمیر زېلېنسکي د روسیې دا ادعا “ناسم معلومات” بللي دي. زېلېنسکي ویلي:«د چاسېف‌یار شاوخوا کې اوکرایني ځواکونه لا هم خپل مورچلونه ساتي او په دنېڅک، سومي او خارکیف کې یې د روسیې هر برېد ناکام کړی دی.»

د راپورونو له مخې، د چاسېف‌یار ښار په سویل لویدیځ کې پورت د پوکروفسک ښار هم د روسیې له سخت فشار سره مخ دی.

سره له دې چې د اوکراین او روسیې ترمنځ د جګړې د پای ته رسولو په خبرو کې د پام وړ پرمختګ نه دي راغلي، خو د راپورونو له مخې، روسي ځواکونه ورو ورو د اوکراین په ختیځ کې پرمختګ کوي.