د چین د موټرو یو شرکت په افغانستان کې ۵۰ میلیونه ډالره پانګونه کوي

دغه پخواني افغان چارواکي په خپل اېکسپاڼه کې لیکلي، چې د ژوند د خوندیتوب غوښتنه امتیاز نه دی، دا یو حق دی.

نادر نادري لیکلي:«د ۱۹۵۱ کال د کډوالو کنوانسیون روښانه دی: د پناه غوښتنې پریکړې باید د انفرادي خوندیتوب اړتیاوو پر بنسټ وي، نه د پراخو توکمیزو کټګوریو پر بنسټ.»

دی په دې باور دی چې د افغان کډوالو شړل یو خطرناک مثال جوړوي.

دا څرګندونې وروسته له هغه کېږي چې د سویس رینه څورښر څایتونګ ورځپاڼې رپوټ ورکړ، چې ددغه هېواد د کډوالو د اخراج مسوول د یوې ځانګړې الوتنې یا د قومیت پر اساس د افغانانو د اخراج وړاندیز کړی و.

د سویس کډوالو اداره کې د یوې وړاندې شوې نظریې په غبرګون کې ازادۍ جبهې هم خبرپاڼه خپره کړې ده.

ددې جبهې په خبرپاڼه کې راغلي:«د ازادۍ جبهه له سویس څخه د افغان اتباعو د ایستلو پر پلان د غور د احتمال په اړه د رسنیو د راپورونو په اړه وضاحت غواړي»

دوی زیاتوي چې دا ډول رپوټونه او نظرونه به د یو شمیر هغو پناه غوښتونکو پر برخلیک منفي اغیز وکړي، چې په پښتنو پورې اړه لري.

د افغانستان د ازادۍ جبهه وايي چې د سویس د قانوني اړتیاوو او نړیوالو مکلفیتونو په اړه په بشپړ پوهاوي او پوهې سره، دغه هېواد تر پوښتنې لاندې راولي.

یادې جبهې پر سویس غږ کړی، چې د دې مسالې په اړه د کره معلوماتو په ورکولو سره په ټوله نړۍ کې د افغان وګړو ترمنځ د اندېښنو د زیاتوالي مخه ونیسي.

د سویس حکومت دا ډول طرح او خبرونه تر اوسه نه دي تایید کړي.

نوموړي زياته کړې: «هر ډول هڅه چې له طالبانو سره د نړيوالو اړيکو عادي‌کولو په هدف وي، دا د خلکو له ارادې تېرېدل او نړیوالو ادارو ته د شرم وړ ده».

په یوه اعلامیه کې چې د جمعيت اسلامي ګوند له خوا خپره شوې، ټينګار شوی چې یوناما او ځینې اړوندې ادارې د «مماشات» سیاست غوره کړی، له خلکو سره د روانو کړاوونو پر وړاندې بې‌پروا پاتې شوې او د طالبانو د تحميلي نظام لپاره ښکاره لابي کوي.

عطا محمد نور همدارنګه ويلي چې طالبانو له ښځو د تعليم او کار حق اخیستی، سياسي مشارکت نشته او خلک به د نړيوالو «انتخابي چوپتيا او دوه‌ګوني چلندونه» هېڅکله هېر نه کړي.

نوموړي له نړیوالو دموکراتيکو بنسټونو او نړيوالې ټولنې غوښتي، چې طالبانو ته پر مشروعیت ور کولو تمرکز ونه کړي، بلکې د خلکو پر محور د عادلانه حللارو لټه وکړي.

دا څرګندونې داسې مهال کېږي، چې رپوټونه خپاره شوي چې ملګرو ملتونو د افغانستان لپاره يوه سياسي طرح تر کار لاندې نیولې، چې ښايي د طالبانو استازی سهیل شاهین د افغانستان دایمي استازي په توګه ومنل شي.

په یوه خپره شوې خبرپاڼه کې راغلي چې دا تصمیم د طالبانو د مشر د فرمان او د امر بالمعروف قانون د تفسیرپه یوه ځانګړي غونډه کې اعلان شو.

د پنجشېر د اطلاعاتو او فرهنګ ریاست زیاته کړې چې د دې غونډې پر مهال په ولسوالیو کې د امر بالمعروف ځانګړې کمیټې هم جوړې شوې.

د افغانستان د خبریالانو مرکز ویلي چې طالبانو تر دې مخکې هم په ۱۵ ولایتونو کې د ژوندیو موجوداتو د انځورونو خپرول بند کړي دي.

دا ولایتونه کندهار، تخار، بادغیس، هلمند، ننګرهار، نورستان، فراه، نیمروز، بدخشان، بغلان، جوزجان، زابل، پروان، کندز، بامیان او دایکندي دي.

د رسنیو ملاتړ کوونکو بنسټونو خبرداری ورکړی چې دا ډول بندیزونه به د بیان ازادۍ ته جدي زیان ورسوي.

د پکتیکا ولایت د یحیی خېلو ولسوالۍ د سیمه‌ییزو پولیسو پخوانی افسر مایدین، د شنبې په ورځ (د غويي ۱۳مه) افغانستان انټرنشنل ته ویلي و، چې طالبانو څو ځله د وسلو د لټون په پلمه د هغه کور تلاشي کړی او دده د کورنۍ غړي یې شکنجه کړي دي.

دغه پخوانی افغان نظامي وايي چې له افغانستان انټرنشنل څخه د رپوټ له خپرېدو وروسته طالبان ددوی کور ته ورغلي او له پلار او دوه وروڼو یې اجباري اعترافونه اخیستي، چې د دوی کورونه نه دي تلاشي شوي او نه هم شکنجه شوي.

دی زیاتوي، چې «نن یې بیا زما پلار او وروڼه تړلي ول او په مرګ یې ګواښلي دي».

مایدین همدراز وویل:« ځايي طالبانو ورته ویلي ول، چې ویډيوګانو کې مثبتې خبرې وکړئ او د خپل زوی څرګندونې ټولې رد کړئ.»

د طالبانو اړوندو تبلیغاتي ټولنیزو پاڼو د مایدین له پلار او دوه وروڼو ویډیويي اعترافونه خپاره کړي دي.

له دې وړاندې دغه پخواني نظامي ویلي و، چې څو ځله یې د یحیی خېلو ولسوالۍ ادارې ته د ځایي طالبانو پر ضد عریضې کړې دي او غوښتنه یې کړې چې دغه طالبان دې له داسې کړنو ډډه وکړي، خو وایي هېڅ یوې عریضې ته یې پاملرنه نه ده شوې.

مایدین، چې دا مهال له هېواده بهر ژوند کوي، زیاتوي: «سره له دې چې طالبانو د عمومي بښنې اعلان کړی، بیا هم پخواني نظامیان د بېلابېلو پلمو او فشارونو لاندې نیسي او د پخوانۍ دندې له امله یې ځوروي.»

دغه پخواني نظامي هغه انځورونه هم له افغانستان انټرنشنل سره شریک کړي وو، چې یو شمېر مخ پټي طالبان پکې، چې ځینې یې په نظامي جامو کې هم دي، د مایدین د کور په انګړ کې ګرځي.

په انځورونو کې ښکاري چې د وسلو موندلو په لټه کې دي.

هغه له طالبانو غوښتنه کوي چې په یحیی خېلو ولسوالۍ کې د خپلو کسانو د خپلسرو کړنو مخه ونیسي.

سره له دې چې د طالبانو مشر ملا هبت‌الله د واکمنېدو په لومړیو کې د پخواني نظام ټولو غړو ته د عمومي بښنې اعلان وکړ، خو له هغه را وروسته وخت ناوخت د مخکیني حکومت پخواني سرتېري، امنیتي کارکوونکي او چارواکي یا په مرموز ډول وژل شوي، یا د طالبانو له لوري نیول شوي، شکنجه شوي او حتا وژل شوي دي.