په امریکا کې دوه پاکستاني الاصله کسان د درغلۍ په تور نیول شوي

د "محمد حماد" په نوم یو تن تورن تېره اونۍ په محکمه کې اعتراف وکړ، چې په واټس اپ کې یې د ترهګریزو تبلیغاتو د خپرولو په تړاو دوه جرمونه کړي دي.

حماد د تېر کال په مارچ میاشت کې په لیورپول کې د استخباراتي مارموینو له خوا نیول شوی و.

دا ۳۰ کلن سړی د شنبې په ورځ د غبرګولي په دریېمه نېټه په څلور کاله بند محکوم شو.

دوېم تورن ازاد ولي سعید ۳۰ کاله عمر لري او په برمنګهم کې ژوند کوي.

ښاغلی سعید د ترهګرۍ په ملاتړ د موادو د خپرولو او د ترهګرو په مالي فعالیتونو کې د ګډون په تور په ۱۲ کاله بند محکوم شو.

۳۳ کلن احمد محمد د ترهګرۍ د تمویل په جرم په اوه کاله بند محکوم شو.

۲۴ کلن عمر حسین احمدي هم د ورته تورونو له کبله په پنځه کاله او اوه میاشتې بند محکوم شوی دی.

په واټس اپ ګروپ کې تبادله شوي پیغامونه ښيي چې دغو کسانو په ښکاره د داعش ډلې ملاتړ کاوه.

د وېسټ میډلینډز د ترهګرۍ ضد څانګې څخه اني میلر وویل: "دا په بشپړه توګه روښانه ده چې دا ټول سړي د داعش په ملاتړ کې ښکیل وو. دا چټ ګروپ په برېتانیا کې د تبلیغاتو د خپرولو او فنډ راټولولو لپاره کارول کېده او د داعش فعالیتونو ملاتړ لپاره یې لېږل."

ګوترېش د جمعې په ورځ په یوه اعلامیه کې وویل: «نږدې ۸۰ ورځې کیږي،، چې اسراییل د ژوند ژغورونکو نړیوالو بشري مرستو مخه نیولې ده. د غزې ټول وګړي د لوږې له ګواښ سره مخ دي.»

سره له دې چې، اسراییل په دې وروستیو کې د مرستو بار ځینو لاریو ته اجازه ورکړې، خو ګوترېش دا مرستې ډېري کمي بللي دي. هغه زیاته کړې: «تر دې دمه چې هر څه ته اجازه ورکړل شوې، دا یوازې د مرستې یوه کاشوغه ده، حال داچې یوه سېلاب ته اړتیا ده.»

نوموړي ویلي، چې په غزه کې د اسراییل نظامي عملیاتو له امله مرګ‌ژوبله او ویجاړی زیات شوی او د مرستندویو بنسټونو لپاره لاسرسی لا هم همداراز خطرناک او ګډوډ پاتې دی. «د غزې ۸۰ سلنه خاوره یا خو د اسراییلو له‌خوا پوځي سیمه اعلان شوې، یا د تخلیې تر امر لاندې ده.»

ګوترېش وايي، که مرستې ژر، دوامداره، خوندي او اعتبار لرونکې نه وي، نور خلک به هم ومري او دا به ډېرې ناوړه او ژورې پالې ولري.

پر همدغه مهال اسراییل ادعا کوي، چې د دوشنبې راهیسي د «کرم ابو سالم» بندر له لارې نږدې ۳۰۰ لارۍ غزې ته داخل شوي دي، خو ملګرو ملتونو ویلي، چې د لاریو یوازې درېیمه برخه یې د سیمې ګودامونو ته رسیدلې، ځکه هلته امنیتي حالات ډېر خراب دي.

له جګړې وړاندې به غزې ته هره ورځ د بشري مرستو بار له ۵۰۰ څخه ډېرې لارۍ غزې ته تللې.

ګوټرېش پر نړیوالې ټولنې غږ کړی چې د غزې د خلکو د ژوند ژغورونکو مرستو په رسولو کې دې همغږي او ګډ اقدام وکړي.

تحریک طالبان پاکستان د خېبر ایجنسي په باړه سیمه کې د درې تنو ځوانانو د وژنې په اړه وضاحت ورکړی او دغه پېښه‌یې غندلې ده.

دې ډلې د وژل شوو کسانو له کورنیو سره خواخوږي ښودلې او یادونه یې کړې، چې د دوی اصلي جګړه یوازې د امنیتي ادارو پر ضد ده، نه له ولس سره.
په خبرپاڼه کې راغلي:«دښمن هڅه کوي چې زموږ او ولس ترمنځ واټن رامنځته کړي او د بېلابېلو حربي تکتېکونو له لارې دا اړیکې وشلوي.»

د رپوټونو پر بنسټ دا درې تنه ځوانان چې د سیمې اوسېدونکي وو د تېرې پنجشنبې په ورځ د نامعلومو وسلوالو له‌خوا وتښتول شول. چې جسدونه د جمعې په سهار په یوه خلاص میدان کې وموندل شول.

دغه وژل شوي کسان ظاهراً د اعدام په ډول ویشتل شوي وو.

تروسه پورې د داعش په کډون هېڅ کومې ولسوالې ډلې د دغې پيښې پړه پرغاړه نه ده اخیستې.

د پاکستان د پوځ د عامه اړیکو د دفتر له خوا د شنبې په ورځ (د غبرګولي درېیمه) خپره شوې خبرپاڼه کې راغلي، چې په دې مېلمستیا کې د پاکستان ولسمشر اصف علي زرداري او لومړي وزیر شهباز شریف په کډون د کابینې غړو او د سیاسي ګوندونو مشرانو برخه اخیستې وه.

په دې خبرپاڼه کې راغلي چې جنرال منیر په خپلو خبرو کې د پاکستان د سیاسي مشرانو ستراتیژیک لید ستایلی، چې هېواد یې له یوه تاریخي ازموینې را وویست.

عاصم منیر د خپلو درې واړو نظامي څانګو ترمنځ همغږي د هند پر وړاندې د عملیاتو د بریا مهم ټکی وباله.

د یادونې ده، چې د پاکستان فدرالي کابینې د سې شنبې په ورځ د دغه هېواد لوی درستیز جنرال سید عاصم منیر ته د فیلډ مارشل رتبه ور کړې ده.

نوموړي په یوه خبرپاڼه کې چې د پاکستان د پوځ د رسنیو څانګې خپره کړې ویلي و، چې « دا یوه شخصي لاسته راوړنه نه ده، بلکې د وسله‌والو ځواکونو او د پاکستان د خلکو یو ویاړ دی».

نوموړي ته دغه رتبه له هند سره تر لنډې جګړې وروسته ور کول کیږي.

فیلډ مارشال د پاکستان په پوځ کې یوه لوړه پوځي رتبه ده چې ډېری د یوه هېواد د ځمکني پوځ په چوکاټ کې ورکول کیږي.

دا رتبه له جنرال رتبې لوړه وي او هغو افسرانو ته اعزازي ورکول کیږي چې په جګړو کې یې ځانګړې خدمتونه ترسره کړي وي.

په پاکستان کې دا رتبه له دې وړاندې جنرال محمد ایوب خان ته په ۱۹۵۹ کال کې ور کړل شوې وه.

فیلډ مارشل د پاکستان د پوځ په چوکاټ کې تر ټولو لوړ پنځه ستوري والا افسر ګڼل کیږي.

د بلوچستان د اواران ولسوالۍ په مشکي سیمه کې تېره شپه شاوخوا درې بجې عبدالطیف بلوڅ د خپلې کورنۍ د غړو مخې ته د وسله والو له لوري په ډزو ووژل شو.

پاکستاني خبریالانو د نوموړي پر وژل کېدو خواشیني ښودلي او وايي، نوموړی د ډیلي انتخاب ورځپاڼي او اجا نیوز خبریال و. خو یادو رسنیو تر اوسه د عبدالطیف بلوڅ د وژني په اړه کوم غبرګون نه دی ښودلی.

تر اوسه کومې وسله‌والې ډلې د بلوڅ د وژلو مسولیت په غاړه نه دی اخیستی.

په ورته وخت کې د بلوڅو د یووالي کمېټې (بي‌وای‌سي) په یوې خپره کړې اعلامیه کې ادعا کړې چې د عبدالطیف بلوڅ په وژنه کې د پاکستاني حکومت لاس لري.

د بلوڅو یوالي کمېټه په اعلامیه کې راغلي:«عبدالطیف یوازې یو خبریال نه و، بلکې د جګړه ځپلي بلوچستان یو پیاوړی غږ و. هغه په داسې سیمه کې د بلوڅ ولس درد، مقاومت او د زړورتا اسناد ثبتول چیري چې رښتیا ویل د مرګ سزا لري. عبدالطیف بلوڅ د حقیقت ویلو له امله د حکومت له‌خوا په نښه شوی دی.»

د راپورونو له مخې، څه موده وړاندې د عبدالطیف بلوڅ د کورنۍ اووه غړي لومړی اختطاف شوي او بیا وژل شوي وو.

د بلوڅو یوالي کمېټه له نړیوالې ټولنې، ملګرو ملتونو، رسنیو او د بیان ازادۍ ملاتړو بنسټونو څخه غوښتنه کړې، چې د بلوڅانو په وړاندې د روان بشري ضد جنایتونو په اړه چوپتیا ماته او بیړنۍ پاملرنه وکړي.