طالبان وايي، په هرات کې یې د یوه ۴۰۰ بستریز روغتون د جوړېدو چارې پیل کړې
د طالبانو تر واک لاندې باختر اژانس خبر خپور کړی، چې د دغې ډلې د روغتیا وزیر نور جلال جلالي په هرات ولایت کې د ماشومانو د درملنې لپاره د یوه افغان سوداګر لهخوا د ۴۰۰ بستریز روغتون د جوړېدو چارې پیل کړې.
د دغه اژانس د راپور له مخې، د طالبانو د عامې روعتیا وزیر نور جلال جلالي د افغان سوداګر د دغه نوښت ستاینه کړې، او ویې ویل چې خلکو ته د معیاري او عادلانه روغتیايي خدماتو د وړاندې کولو لپاره هڅې روانې دي.
هغه زیاته کړه، چې یاد روغتون به په عصري روغتیایي وسایل سمبال او په یوه وخت کې به د ۴۰۰ نارړغو ماشومانو درملنه ترسره کوي.