د هند کرېکټ غوره لیګ سیالۍ؛ تر دې دمه نور احمد لکڼوال تر نورو لوبغاړو ډېرې وېکټې اخیستې دي
د ۲۰۲۵کال د هند کرېکټ غوره لیګ سیالیو (ای پي اېل) کې تر دې دمه افغان ورو توپ اچوونکي نور احمد لکڼوال تر نورو لوبغاړو ډېرې وېکیټې اخیستې دي.
د ۲۰۲۵کال د هند کرېکټ غوره لیګ سیالیو (ای پي اېل) کې تر دې دمه افغان ورو توپ اچوونکي نور احمد لکڼوال تر نورو لوبغاړو ډېرې وېکیټې اخیستې دي.
نوموړي تر دې دمه ۲۴ تر ټولو ډېرې وېکیټې اخیستې او د دغه سیالیو بانجاني خولۍ چې تر ټولو ډېر وېکټ اخیستونکي لوبغاړي ته ورکول کېږي؛ ترلاسه کړې ده.
هغه په په ۱۴ لوبو کې ۲۴ وېکټې ترلاسه کړې دي؛ خو د نوموړي لوبډله په سږني پړاو کې د نوملړ په وروستیو درېیو لوبډلو کې راغلې ده.
هغه تر دې وړاندې د راشد خان سره په ګجرات لوبډله کې هم ډلی و؛ خو سږکال د چینای لوبډلې لپاره لوبېږي.
دا لا څرګنده نه ده، چې ایا د دغه سیالیو تر پایلوبو به کوم لوبغاړی د هغه تر ۲۴ وېکټو ډېرې وېکټې واخلي او که دغه خولۍ به د نوراحمد په سر پاتې شي.
د ای پي اېل په روانو سیالیو کې تر دې دمه پنجاب لوبډله تر ټولو مخکښه ده او تر پنجاب وروسته بیا د ګجرات لوبډلې د نوملړ دویم ځای خپل کړی دی.