ټرمپ: پوتین له اور سره لوبې کوي
د امریکا ولسمشر ډونالډ ټرمپ وایي، چې د روسیې ولسمشر ولادیمیر پوتین له اور سره لوبې کوي. د نوموړي په خبره: «هغه څه چې پوتین پرې نه پوهېږي دا دی چې که تراوسه زه نه وای، روسیه به له بدو پېښو سره مخ شوې وه.»
دا په داسې حال کې ده، چې ټرمپ تېره ورځ هم ویلي و چې پوتین «بیخي بې سوره شوی» ځکه پر اوکراین یې تر ټولو لوی هوايي برید کړی.
کرملین بیا د نوموړي د دې خبرو په غبرګون ویلي و، چې د ټرمپ دا څرګندونې ښايي د احساساتي فشار له امله وي.