شهباز شریف او عاصم منیر د اذربایجان له ولسمشر سره د ستراتیژیکو همکاریو پر پراختیا خبرې کړې

د «مننې» سفر پر دوام؛ د پاکستان لومړي وزیر شهباز شریف او د دغه هېواد د پوځ مشر عاصم منیر د سې شنبې په ورځ د اذربایجان له ولسمشر الهام علي اف سره لیدلي دي.

راډیو پاکستان راپور ورکړی، چې په دغه لیدنه کې داوړه خواوو په بېلالېلو مهمو او ګټورو برخو کې د پانګونې له لارې د ستراتیژیکو همکاریو پر پراختیا خبرې کړې دي.
د راپور له مخې؛ دواړه خواوو د پاکستان او اذربایجان ترمنځ د سیاسي، اقتصادي، دفاعي او فرهنګي همکاریو پر ودې خوښي څرګنده کړې.