د ټرمپ ادارې د بهرنیو چارو وزارت د پراخ بدلون اعلان وکړ

د پاکستان لوی درستیز زیاته کړې چې د اسلام اباد لپاره اوبه سره کرښه ده او د ۲۴۰ میلیونه پاکستانیانو د حق پر سر به هیڅ ډول جوړجاړی ونه مني.

د پاکستانۍ ورځپاڼې اېکسپرېس ټربیون د رپوټ له مخې، نوموړي د پاکستان او هند ترمنځ د اندس د اوبو تړون ځنډول هم غندلي دي.

هند اعلان کړی، چې د اندس تړون پر اساس تر هغه پاکستان ته اوبه نه ور کوي، چې د ترهګرو ملاتړ یې نه وي پرېیښی.

دا طرح د امریکا د ولسمشر ډونالډ ټرمپ د منځني ختیځ ځانګړي استازي ستیف ویتکاف له خوا وړاندې شوې ده.

د فلسطین وسله‌والې ډلې حماس ویاند هم ویلي چې دوی دا نوې طرح له منځګړو تر لاسه کړې او دا مهال یې ارزوي.

دا پرمختګ داسې مهال کیږي چې نړیوال فشارونه د غزې د جګړې د پای ته رسېدو لپاره زیات شوي.

د اوربند د طرحې جزییات تر دې دمه په رسمي ډول نه دي خپاره شوي خو د اسراییلي رسنیو په وینا، دا طرح د برمته شویو کسانو خوشې کول، د جګړې تمېدل او د بشري مرستو رسولو لپاره اسانتیاوې تضمینوي.

که چیرې دواړې خواوې دا طرح ومني، دا به د ۲۰۲۳ کال له اکتوبر راهیسې پیل شوې خونړۍ جګړې پای ته رسولو لپاره یو مهم ګام وي.

رویټرز وايي، د دې طرحې د عملي کېدو لپاره لا هم ډیپلوماټیکو هڅو ته اړتیا ده.

اسوشیټډ پرېس اژانس د کشمیر د راولاکوټ ولسوالۍ د امنیه قوماندان رانا عبدالجبار له خولې ویلي، چې دا نښته تېره شپه شوې او وژل شوي وسله‌وال په تحریک طالبان پاکستان پورې تړاو لري.

نوموړي زیاته کړې، چې دغې ډلې هڅه کوله په سیمه کې د بریدونو لپاره یوه اډه جوړه کړي.

جبار ادعا کړې، چې ټي ټي پي د هند له خوا د یوه پراکسي ځواک په توګه کارول کېږي.

تر دې دمه د هند له لوري کوم رسمي غبرګون نه دی څرګند شوی.

سره له دې چې د پاکستان امنیتي ځواکونه په قبایلي سیمو او خیبر پښتونخوا کې وخت پر وخت د ټي ټي پي پر مرکزونو عملیات کوي، خو د دې ډول عملیاتو ترسره کېدل په کشمیر کې ډېر کم لیدل کېږي.

دا ښيي چې دې ډلې خپل فعالیتونه د پاکستان تر واک لاندې کشمیر ته هم غځولي دي.

د جیو نیوز د رپوټ له مخې، رانا عبدالجبار ادعا کړې، چې د وسله‌والو پر ضد عملیاتو کې څرګنده شوې چې د ترهګرۍ لپاره د افغانستان خاوره کارول شوې ده.

هغه په مظفراباد کې په یوه خبري غونډه کې وویل، چې پولیسو ته د حسین کوټ سیمه کې د ترهګرو د حضور معلومات ترلاسه شوي وو، چې پر بنسټ یې عملیات ترسره شول. د عملیاتو پر مهال وسله‌والو د پولیسو پر سرتېرو د لاسي بمونو او خپلکارو وسلو بریدونه وکړل.

د عبدالجبار په وینا، په نښته کې د جنګیالیو د ځایي مشر زرنوش په ګډون څلور وسله‌وال وژل شوي دي

عبدالجبار وویل، چې زرنوش هڅه کوله په کشمیر کې د جنګیالیو پټنځای جوړ کړي. هغه زیاته کړې چې «ترهګر ډاکټر عبدالرووف او غازي شهزاد چې اوس مهال افغانستان ته تښتېدلي دي، د دښمن هېواد پراکسي ډلې ګرځېدلي دي».

نوموړي ټینګار کړی چې د پاکستان له لارې به د طالبانو حکومت ته پوره شواهد وسپاري.

وروستي رپوټونه ښیي چې په غزه کې بشري وضعیت په بد حالت کې دی.

په فلسطیني سیمو کې د ملګرو ملتونو د بشري حقونو د دفتر مشر امنیت شورا ته وویل چې د مرستیو ترلاسه کولو یوه مرکز ته د ورتګ پرمهال د غزې لسګونه اوسېدونکي د ډزو له امله ټپیان شوي دي.

د امنیت شورا په غونډه کې، د ملګرو ملتونو یوه لوړ پوړي چارواکي زیګریډ کاګ او امریکایی جراح ډاکټر فیروز سیدوا چې په سیمه کې یې کار کړی، د اسراییل ترهوايي بریدونو لاندې د لوږې له امله د مړو شویو کورنیو په اړه خبرې وکړې.

وروستي رپوټونه ښيي چې د اسراییل د هوايي بریدونو له امله ۵۴ زره فلسطینیان وژل شوي او ګڼ نور ټپیان دي.

دا څرګندونې سناتور علي ظفر وکړې، چې په دې وروستیو کې یې په راولپنډۍ کې د اډیاله زندان دننه له بندي عمران خان سره لیدلي دي.

۷۱کلن پخوانی کرکټر او سیاستوال عمران خان د۲۰۲۳ کال له اګست راهیسې د فساد او ترهګرۍ په شمول د بېلابېلو دوسیو له امله بندي دی. هغه د ۲۰۲۲ کال په اپرېل کې د عدم اعتماد رایې له لارې له واکه لرې شوی و.

علي ظفر خبریالانو ته وویل، عمران خان په ډاګه کړې چې ده هېڅکله د ځان لپاره امتیاز نه دی غوښتی او که غوښتلی یې، نو دا کار به یې ډېر وړاندې کړی وای.

دا څرګندونې وروسته له هغې دي، چې د عمران خان خور علیمه خان د پاکستان له ناڅرګندو قوتونو یا استخباراتو وغوښتل چې د "راکړې ورکړې" له لارې خبرو ته کښېني.

په همدې ورځ، د دفاع وزیر خواجه اصف وویل چې د علیمه خان پر وړاندیز کتنه کېدای شي. نوموړي دا وړاندیز "کمزورې هڅه" وبلله، خو زیاته یې کړه چې دا هڅه څېړل کېدای شي.

علي ظفر زیاته کړه، « خان وویل، هغه د هېواد د یووالي لپاره خبرو ته تیار دی او دا یې هم وویل چې د اسټبلشمنټ لپاره د خبرو دروازې پرانیستې دي».

عمران خان دا هم ویلي چې « چا ته به اجازه ورنه کړي چې دوه اړخیزه لوبه وکړي».

د تحریک انصاف بنسټګر یو ځل بیا د ځان لپاره انصاف وغوښت او پر دې یې ټینګار وکړ چې قضیې یې باید ژر تر ژره واورېدل شي.

د پاکستان د نیوز ورځپاڼې د رپوټ له مخې، د تحریک انصاف بنسټګر دا هم تایید کړې چې ګوند یې احتجاجي خوځښت پیل کړی او د دغه تحریک تفصیلي تګلاره به په راتلونکو پنځو یا شپږو ورځو کې اعلان شي. همداراز، هغه د ګوند مشرتابه ته امر کړی چې د دغه حرکت لپاره په پوره ډول چمتووالی ونیسي.