په ملګرو ملتونو کې د فلسطین استازي ریاض منصور د ددغه سازمان امنیت شورا ته د غزې د ماشومانو د وژنې په اړه د خبرو پر مهال خپلې اوښکې تم نه کړای شوې. منصور په داسې حال کې، چې میز یې په سوک وواه، وویل، « څنګه څوک دا کړاو وزغملی شي؟».
وروستي رپوټونه ښیي چې په غزه کې بشري وضعیت په بد حالت کې دی.
په فلسطیني سیمو کې د ملګرو ملتونو د بشري حقونو د دفتر مشر امنیت شورا ته وویل چې د مرستیو ترلاسه کولو یوه مرکز ته د ورتګ پرمهال د غزې لسګونه اوسېدونکي د ډزو له امله ټپیان شوي دي.
د امنیت شورا په غونډه کې، د ملګرو ملتونو یوه لوړ پوړي چارواکي زیګریډ کاګ او امریکایی جراح ډاکټر فیروز سیدوا چې په سیمه کې یې کار کړی، د اسراییل ترهوايي بریدونو لاندې د لوږې له امله د مړو شویو کورنیو په اړه خبرې وکړې.
وروستي رپوټونه ښيي چې د اسراییل د هوايي بریدونو له امله ۵۴ زره فلسطینیان وژل شوي او ګڼ نور ټپیان دي.
