غزه کې د مارچ له ۱۸مې نېټې راهیسې د اسراییل په بریدونو کې نږدې ۴زره فلسطینیان وژل شوي
په غزه کې د روان کال (د مارچ میاشتې له ۱۸مې نېټې) راهیسې د اسراییل په بریدونو کې ۳۹۸۶ فلسطینیان وژل شوي او ۱۱۴۵۱ نور بیا ټپیان شوي دي.
په غزه کې د روان کال (د مارچ میاشتې له ۱۸مې نېټې) راهیسې د اسراییل په بریدونو کې ۳۹۸۶ فلسطینیان وژل شوي او ۱۱۴۵۱ نور بیا ټپیان شوي دي.
الجزیرې د غزې د روغتیا وزارت له حوالې خبر ورکړی، چې له دې سره د غزې په وړاندې د اسراییل د جګړې له پیل راهیسې لږ تر لږه ۵۴۲۴۹ فلسطینیان وژل شوي او ۱۲۳۴۹۲ ټپیان شوي دي.
دغه وزارت زیاته کړې، چې په تېرو ۲۴ ساعتونو کې د غزې روغتونونو ته ۶۷ جسدونه او ۱۸۴ ټپیان رسېدلي دي.
اسراییل بیا تراوسه د دغه شمېرو په اړه څه نه دي ویلي.
