په نایجرییا کې د سېلابونو له امله لږ تر لږه ۱۵۰ کسان مړه شوي
د نایجریا په مرکزي برخو کې د سختو بارانونو اوو ناڅاپ سېلابونو له امله لږ تر لږه ۱۵۰ کسان مړه شوي او لسګونه نور ټپیان شوي دي. د نایجریا د ناورین مدریت ادارې ویاند خبرداری ورکړی، چې ښايي د تلفاتو شمېر نور هم زیات شي.
د نایجریا د بحران مدریت اداري ویاند ابراهیم عودو حسین ویلي، چې د دغه هېواد په مرکزي سیمو کې د تېزو بارانونو او ناڅاپي سېلانونو راوتلو له امله د مرګ ژوبلي شمېر په چټکۍ سره مخ په زیاتېدو دی.
د نوموړي په خبره د یادو سېلابونو له امله ۳۰۰۰ کسان بې کوره شوي، ۲۶۵ کورونه په بشپړه توګه ویجاړ شوي او دوه لوی پلونه د سېلابونو له امله له منځه تللي دي.
دا تېز بارانونه د چهارشنبې له شپې څخه د پنجشنبې تر سهاره و اورېدل او د نایجریا سیند ترڅنګ د نایجر ایالت په موکوا ښار او شاوخوا سیمو کې لسګونه کورونه تر اوبو لاندې کړل.
ښاغلي حسین ویلي، لا هم ډېر کسان لادرکه دي؛ د یوې ۱۲ کسیزې کورنۍ له غړو څخه یوازې څلور کسان موندل شوي دي.
د نایجریا چارواکو ویلي، چې لا هم ګن کسان لادرکه دي او ژغورنکو ډلو تر اوسه ګډ جسدونه له خاور او خټو څخه راېستلي دي.
د نایجریا د ملي بحران مدریت ادارې دا پېښه ویجاړونکي بللې او د خلکو د ژغورنې لپاره یې له پولیسو او پوځ څخه هم د مرستې غوښتنه کړې ده.