امریکا له سوریې خپل ۵۰۰ سرتېري باسي او په دغه هېواد کې دوه پوځي اډې تړي

العربیه د یوه امریکايي چارواکي له قوله راپور ورکړی، چې ۵۰۰ امریکايي سرتېري به له سوریې ووځي او په دغه هېواد کې به دوه پوځي اډې وتړل شي. د راپور له مخې، یوه پوځي اډه به د سوریې ډېموکراتیکو ځواکونو ته ورکړل شي.

یاد امریکایي چارواکي همداراز زیاته کړې، چې امریکا به په سوریه کې له ۸ پوځي اډو څخه یوازې یوه اډه ولري.
دا په داسې حال کې ده، چې امریکایي چارواکو تر دې وړاندې هم ویلي و، چې په سوریه کې به خپلې پوځي اډې کمې کړي.