ټرمپ: ایران ته به د یورانیمو غني کولو اجازه ورنه کړو
د امریکا ولسمشر ډونالډ ټرمپ له ایران سره د احتمالي هوکړې په اړه ویلي:« موږ به د یورانیمو غني کولو اجازه ورنهکړو.»
نوموړي پر ټروټ خواله رسنۍ د امریکا پخواني ولسمشر جو بایډن ادارې ته په اشارې سره ویلي: «باید ډېر وړاندې د ایران د غني کېدو مخه نیول شوې وای.»
په داسې حال کې چې امریکا په ایران کې د یورانیمو غني کولو پر بندولو او د اټومي تاسیساتو پر ټولولو ټینګار کوي؛ خو ایراني چارواکو بیا په وار، وار ویلي، چې د یورانیمو غني کول د تهران لپاره سره کرښه ده.