پاکستان او سوریې د دواړو هېوادونو ترمنځ د دوه اړخیزو اړیکو پر پیاوړتیا ټينګار وکړ

دواړو اړخونو نږدې یو ساعت د خبرو لپاره سره ولیدل. دا له ۲۰۲۲ کال وروسته دویم ځل دی چې دواړه لوري مخامخ خبرې کوي.

د ترکیې ولسمشر رجب طیب اردوغان دا لیدنه ښه ناسته وبلله او هیله یې وښوده چې د روسیې ولسمشر ولادیمیر پوتین، د اوکراین ولسمشر ولادیمیر زیلینسکي او د امریکا ولسمشر ډونالډ ټرمپ به په ترکیه کې مخامخ خبرې وکړي.

خو د اوربند په اړه، چې کیېف، اروپايي هېوادونه او واشنګټن پرې ټینګار لري، هېڅ پرمختګ نه دی شوی.

د اوکراین وروستي برید چې د مسکو تر ټولو ګرانبیه اتومي الوتکې یې پکې په نښه کړې دي، هم د جګړې د شدت په اړه اندېښنې زیاتې کړې دي.

د کرملېن سلاکار ولادیمیر میدینسکي وویل چې روسیې د بشپړ اوربند لپاره مفصل یادښت او شرایط اوکراین ته سپارلي دي.

همداراز، روسیې یو موقتي اوربند وړاندیز کړی چې د دوو یا دریو ورځو لپاره به وي، څو د سرتېرو جسدونه راټول شي.

د خبرو له لومړۍ دورې وروسته، دواړو خواوو خپل زر تنه اسیران سره تبادله کړي وو. په نوې تبادله کې به زیات تمرکز پر سختو ټپیانو او ځوانو بندیانو وي.

د اوکراین د دفاع وزیر رستم عمروف وویل چې مسکو د سولې تړون یو لاسوند هم شریک کړی، چې اوکراین به یې وارزوي.

اوکراین وړاندیز کړی چې د جون تر پایه باید نورې خبرې وشي خو د زیلینسکي او پوتین ترمنځ له مخامخ لیدنې پرته یې ستونزې نه‌حلېدونکې بللې دي.

څو ورځې وړاندې ترکي رسنیو خبر ورکړی و، چې یو ترکی وګړی ډېورنډ کرښې ته څېرمه پاکستاني حکومت نیولی او د ترکیې امنیتي ادارو ته یې سپارلی دی.

د نیول شوي کس نوم ازګور التون ښوول شوی خو د طالبانو استخباراتو ته نږدې المرصاد رسنۍ د خپلو سرچینو له قوله وايي، چې نوموړی د داعش خراسان څانګې مهم مسوول و.

المرصاد خپلو سرچینو په حواله لیکلي چې ازګور التون په ۲۰۱۸ز کال کې افغانستان ته راغلی و او له داعشیانو سره یوځای شو.

دوی همدراز وايي یو کال وروسته د افغانستان پخواني حکومت له خوا ونیول شو او د کابل تر سقوط پورې په زندان کې و، خو کله چې زندانونه مات شول نوموړی هم وتښتېد.

المرصاد د خپلو سرچینو په حواله لیکلي:«په ۲۰۲۱ز کال کې له زندان نه تر خوشي کېدو وروسته نوموړي بیرته فعالیت پیل کړ او په ۲۰۲۳ز کال کې تر هغه وروسته بلوچستان ته وتښتېد چې د طالبانو په عملیاتو کې د داعش ډلې رهبري او افراد سخت وځپل شول. ازګور التون د جنګیالیو په لیکو کې د ابو یاسر الترکي په نوم مشهور و.»

د طالبانو یوې امنيتي سرچینې المرصاد ته زیاته کړې چې په بلوچستان کې التون عمدتا د داعش خراسان لیکو ته د اذربایجاني او ترکي وګړو او مالي مرستو د راجلبولو په برخه کې فعال و.

المرصاد د التون په اړه زیاتوي چې د هغه په هڅو د داعش لیکو ته جلب شوي د ازربایجان ځینې وګړي په خپل هیواد کې نیول شوي او یو شمېر نور یې بیا په بلوچستان کې تر نیول کېدو وروسته اذربایجان ته تسلیم شوي دي.

دا رسنۍ زیاتوي چې ځینې بهرني وګړي چې د التون له خوا بلوچستان ته غوښتل شوي وو، د مستونګ په عملياتو کې له منځه تللي چی د داعشيانو پر مرکزونو ترسره شوي. په دې عملیاتو کې نږدې ۳۰ داعشي جنګيالي وژل شوي دي.

المرصاد په دې اړه لیکلي چې په بلوچستان کې د التون او تر هغه وړاندې د شریف الله او نورو داعشیانو نیول کېدل او په مستونګ کې د دوی پر ښکاره مرکزونو بریدونه دا په ډاګه کوي چې د داعش مرکزیت بلوچستان ته انتقال شوی او له هغه ځایه خپل فعالیتونه پلان او ترسره کوي.

د غبرګولي پر ۱۱مه ترکي رسنیو د امنیتي سرچینو له قوله راپور ورکړ، چې د داعش خراسان څانګې مهم غړی التون ازګور چې د «ابو یاسر الترکي» په مستعار نوم یې فعالیت کاوه او له اروپا او منځنۍ اسیا څخه افغانستان او پاکستان ته د داعش غړو د انتقال مسول و، د پاکستان او ترکیې استخباراتو په ګډو عملیاتو کې نیول شوی دی.

په دې اعلامیه کې د درې سوماليايي پناه غوښتونکو (دوو نارینه وو او یوې ښځې) یادونه شوې چې پولنډ ته له دې امله استول شوي، چې جرمني ته یې له خوندي هېواد څخه د داخلېدو هڅه کوله.

د دوشنبې پرېکړه ښايي د فریدریښ میرڅ حکومت د مهاجرت پالیسۍ وننګوي.

د جرمني د کورنیو چارو وزارت لا تر اوسه کوم ځواب نه دی ورکړی.

د برلین محکمې ویلي، چې د غوښتونکو ردول غیرقانوني وو او د پناه غوښتنه باید د اروپايي اتحادیې د ډوبلین قوانینو له مخې جرمني ته وړاندې شوې وای.

د نړۍ د ښایسته نجونو ۷۲ مه سیالي تېره شنبه د هندپه حیدراباد ښار کې ترسره شوه.

د سیالۍ په پای کې، اوپال سوچاتا چونګسري د ۱۰۸ ګډونوالو له منځه تاج واخیست او د نړۍ د ښایسته نجلۍ لقب یې ترلاسه کړ. د ایتوپیا استازې هست دیرج اډماسو دویم مقام ترلاسه کړی دی.

نوې ښکلې نجلۍ ته دغه تاج د تېر کال ګټونکې کرسټینا پیشکووا وسپاره.

اوپال سوچاتا د هند له یوه خبري اژانس سره په خبرو کې وویل: «زه ډېر ویاړمنه او خوشحاله یم. دا زما لپاره لوی افتخار دی چې لومړی ځل د نړۍ د ښایسته جینۍ تاج تایلنډ ته وړم. هیله لرم چې زما هېوادوال پرې وویاړي. که موقع راکړل شي، غواړم په بالیووډ فلمونو کې هم ولوبېږم».

د برېټانیا استازې اعتراض

خو د تاج اېښودنې د مراسمو پرمهال ناندرۍ هم راپورته شوې.

د برېټانیا استازې میلا مېګي تنظیموونکي تورن کړل چې له دې یې یوازې د تبلیغاتي وسیلې په توګه کار اخېستی دی.
ګارډین ورځپاڼې د مېګي له خولې لیکلي چې هغې د ښوونځي د نصاب لپاره د سي پي ار زده کړې د معرفي لپاره سیالیو کې برخه اخیستې وه، خو له پای سیالۍ مخکې یې سیالۍ پرېښودې او ویې ویل داسې احساس کوي چې هغه او نورې نجونې یوازې د پانګوالو د ساتیري لپاره هلته دي.

د سیالیو تنظیموونکو په یوه اعلامیه کې د مېګي خبرې ناسمې بللې او ویلي یې دي چې دا تورونه په سیالیو کې ددې د ګډون له واقعیت سره په ټکر کې دي.

د تنظیموونکې ادارې اجرایوي مشرې جولیا مورلي هندو ورځپاڼې ته ویلي چې مېګي ځکه سیالۍ پرېښودې چې فکر یې کاوه سیالي به ونه ګټي.

د یورو نیوز د رپوټ له مخې، مېګي په ځواب کې دا څرګندونې رد کړې او ویې ویل چې هغې ځکه سیالۍ پرېښودې چې خپلو ارزښتونو ته وفاداره پاتې شي.

هغې وویل: «ما غوښتل له هغه څه دفاع وکړم چې باور پرې لرم، خو دغه سیالي زما له ارزښتونو سره سمه نه وه».

‏د پاکستان د شخړو او امنیتي څېړنو مرکز (پي ای سي اېس اېس) تېره ورځ په پاکستان کې د می میاشتې ترسره شوي بریدونو په اړه معلومات خپاره کړي دي.

د یاد مرکز د میاشتنۍ امنیتي ارزونې له مخې، په می میاشت کې ۸۵ وسله وال بریدونه ثبت شوي، چې د اپریل په میاشت کې د ۸۱ بریدونو څخه یو څه زیات دي.

ددې بریدونو په په پایله کې ۱۱۳ کسان وژل شوي دي.

په وژل شويو کې ۵۲ تنه د پاکستان امنیتي سرتېري، ۴۶ ملکي وګړي، ۱۱ وسله وال او د سولې کمیټې څلور غړي شامل دي.

په ټولیزه توګه ۱۸۲ کسان ټپیان شوي دي، چې ۱۳۰ ملکي وګړي، ۴۷ د پاکستان امنیتي پرسونل، څلور وسله وال او د سولې کمیټې یو غړی پکې شامل دي.

د یادونې وړ ده چې د پاکستان امنیتي پرسونل په مرګ ژوبله کې ۷۳ سلنه زیاتوالی راغلی، او د ملکي وګړو په ټپي کیدو کې ۱۴۵ سلنه زیاتوالی راغلی .

د رپوټ له مخې د اپریل په میاشت کې ۵۳ ملګي وګړي ټپیان شوي او په می کې ۱۳۰ ته ټپیان شوي دي.

په رپوټ کې راغلي چې د پاکستان امنیتي ځواکونو په منځ کې ټپیان ۲۰ سلنه کم شوي، چې له ۵۹ څخه ۴۷ ته راټیټ شوي دي.

د پاکستان د امنیتي ځواکونو له خوا په روانه میاشت کې پیل شویو عملیاتو کې، لږ تر لږه ۵۹ وسله وال وژل شوي، په داسې حال کې چې پنځه امنیتي پرسونل وژل شوي دي.

په رپوټ کې ویل شوي چې د پاکستان امنیتي ځواکونو د استخباراتو پر بنسټ د مختلفو عملیاتو په ترڅ کې ۵۲ شکمن وسله وال هم نیولي دي.

د وسله والو بریدونو او امنیتي عملیاتو په یوځای کولو سره، د می په میاشت کې د مرګ ژوبلې ټولټال شمېر ۱۷۲ ته رسیدلی.

د پاکستان د شخړو او امنیتي څېړنو مرکز د شمېرو له مخې زیاتره بریدونه په خیبرپښتونخوا او بلوچستان ایالتونو کې شوي دي.

دا رپوټ په داسې حال کې خپریږي، چې د تحریک طالبان پاکستان او د بلوڅو ازادۍ غوښتونکو له لوري بریدونو زور اخیستی دی.