طالبان: د افغانستان او ایران تر منځ د روغتیايي همکاریو پراختیا لپاره ښه فرصتونه برابر شوي

له هغه وروسته د ټسلا شرکت مشر اېلان ماسک په اېکس پاڼه پر ټرمپ نیوکې وکړې او ویې لیکل: «که زه نه وای، ټرمپ به ټاکنې بایللې وای.»

ټرمپ ماسک ته خبرداری ورکړی و، چې صبر یې پای ته رسېدلی او د هغه له شرکتونو سره به دولتي قراردادونه له‌منځه یوسي او هغه ته یې د «لېوني» خطاب کړی و.

له دې سره هم‌مهاله اېلان ماسک د امریکا ولسمشر د څرګندونو په ځواب کې ویلي و، د ټرمپ نوم د اپستین په جنجالي قضیه کې چې جنسي ځورونې پورې اړه لري، یاد شوی دی؛ خو دغه پوسټ بیا د یکشنبې په ورڅ لرې شوی و.

په بغلان ولایت کې د طالبانو د امینې قوماندانۍ مسوولین وایي، چې د دغه ولایت د مرکز پلخمري ښار په شهرنو سیمه کې د یوې ټرافیکي پېښې له امله یو کس مړ او شپږ نور ټپیان دي.

له بل پلوه بیا په لغمان ولایت کې د طالبانو د ټرافیکو مدیریت مسوولین وایي، په دغه ولایت کې د اختر په شپو او ورځو کې ۹ ترافیکي پېښې شوې دي چې له امله یې یو کس مړ او ۱۸ نور ټپیان شوي دي.

د مسوولینو په وینا؛ څلور ټرافیکي پېښې د کابل-جلال اباد پر لویه لار، څلور په مرکز مهترلام او یوه د علیشنګ ولسوالۍ په لاره په شمرام سیمه کې شوې ده.
د یو بل خبر له مخې؛ بیا د بادغیس ولایت په مرکز قلعه نو کې د دوو موټر سایکلونو د ټکر له امله یو کس مړ او درې نور ټپیان شوي دي.

د ټاس خبري اژانس د راپور له مخې؛ دغه وزارت زیاته کړې، چې له دغه الوتکو څخه ۴۶په بریانسک سیمه کې، ۲۰یې په بلګورډ کې، ۹ یې په ورونیز او کریمیا کې، ۴یې په کالوګا او تاتارستان کې، ۳ یې په مسکو کې، ۲ یې په لېننګراد او یوه یې په سمولېنسک سیمه کې په نښه شوې ده.

په راپور کې راغلي، چې د کالوګا سیمې والي ولادیسلاو شپشا رسنیو ته ویلي، چې یوازې د دغې سیمې په اسمان کې څلور اوکراینۍ الوتکې وېشتل شوې او تر اوسه پورې د مرګ ژوبلې راپور نه دی ورکړل شوی.

د اوکراین حکومتي چارواکو تر اوسه د روسیې د دغه ادعا په اړه څه نه دي ویلي.

د رویټرز خبري اژانس د راپور له مخې؛ د امریکا د بهرنیو چارو وزیر مارکو روبیو د دغه هېواد ډیپلوماتیکو ماموریتونو ته امر کړی، چې د هارورډ پوهنتون زده‌کړیالانو ته دې د ویزو د ورکړې لړۍ بیا له سره پیل کړي.

په راپور کې راغلي، دغه پرېکړه وروسته له هغه وشوه چې تېره اونۍ په بوسټن ښار کې یوه فدرالي قاضي د ولسمشر ټرمپ هغه اجرایوي فرمان چې له مخې یې بهرني زده‌کړیالان پوهنتون ته د ننوتلو منع شوي وو، د لنډمهال لپاره وځنډاوه.

ټرمپ د ملي امنیت اندېښنو له امله په هارورډ پوهنتون کې د نړۍوالو زده‌کړیالانو پر زده‌کړو بندیز لګولی و.

د فاکس نیوز د راپور له مخې؛ د دوشنبې په ماښام (د غبرګولي ۱۹مه) لسګونه خلک په ډالاس کې د «مارګارېټ هانټ هېل» پل ته څېرمه سره راټول شوي وو او د امریکا د کډوالۍ او ګمرکي اقداماتو پر ضد یې شعارونه ورکول.

دارنګه په اسټین ښار کې هم سلګونه لاریون کوونکي سړکونو ته راوتي وو او په لاس انجلس کې یې له لاریونوالو سره د پیوستون اعلان وکړ.

دغو لاریونوالو د ټرمپ ادارې له‌خوا د ناقانونه کډوالو په وړاندې د ځپلو د پای ته رسولو غوښتنه وکړه.

که څه هم په ډالاس او اسټین کې لاریونونه سوله‌ییز بلل شوي؛ خو په نورو ښارونو کې بیا دغه لاریونونه په تاوتریخوالي اوښتي دي.