د روسیې دفاع وزارت: په تېرو ۲۴ ساعتونو کې مو د اوکراین ۱۰۲ ډرون الوتکې نسکورې کړې دي

رویټرز د وژل شویو کسانو اته تنه ښودلی.

پولیس وايي، دوی ته وروسته له هغه خبر ورکړل شو چې د ښوونځي ودانۍ کې د ډزو غږونه واورېدل شول.

د پېښې له ځایه ټول کسان ایستل شوي او یوه خوندي ځای ته انتقال شوي دي.

پولیسو زیاته کړې چې اوس د نورو ګواښونو احتمال نه شته.

پېښه تر اوسه په رسمي ډول بشپړه نه ده تشریح شوې او امنیتي چارواکي لا هم د پېښې د علت او بریدګر د هویت په اړه څېړنې کوي.

د رویټرز خبري اژانس د راپور له مخې؛ د امریکا د بهرنیو چارو وزیر مارکو روبیو د دغه هېواد ډیپلوماتیکو ماموریتونو ته امر کړی، چې د هارورډ پوهنتون زده‌کړیالانو ته دې د ویزو د ورکړې لړۍ بیا له سره پیل کړي.

په راپور کې راغلي، دغه پرېکړه وروسته له هغه وشوه چې تېره اونۍ په بوسټن ښار کې یوه فدرالي قاضي د ولسمشر ټرمپ هغه اجرایوي فرمان چې له مخې یې بهرني زده‌کړیالان پوهنتون ته د ننوتلو منع شوي وو، د لنډمهال لپاره وځنډاوه.

ټرمپ د ملي امنیت اندېښنو له امله په هارورډ پوهنتون کې د نړۍوالو زده‌کړیالانو پر زده‌کړو بندیز لګولی و.

د فاکس نیوز د راپور له مخې؛ د دوشنبې په ماښام (د غبرګولي ۱۹مه) لسګونه خلک په ډالاس کې د «مارګارېټ هانټ هېل» پل ته څېرمه سره راټول شوي وو او د امریکا د کډوالۍ او ګمرکي اقداماتو پر ضد یې شعارونه ورکول.

دارنګه په اسټین ښار کې هم سلګونه لاریون کوونکي سړکونو ته راوتي وو او په لاس انجلس کې یې له لاریونوالو سره د پیوستون اعلان وکړ.

دغو لاریونوالو د ټرمپ ادارې له‌خوا د ناقانونه کډوالو په وړاندې د ځپلو د پای ته رسولو غوښتنه وکړه.

که څه هم په ډالاس او اسټین کې لاریونونه سوله‌ییز بلل شوي؛ خو په نورو ښارونو کې بیا دغه لاریونونه په تاوتریخوالي اوښتي دي.

دغه وزارت پر اېکس پاڼه د یوې خبرپاڼې په خپرولو سره لیکلي، چې ښاغلی سعيد به په دې کنفرانس کې د افغانستان د ښوونيز نظام د څرنګوالي، فرصتونو او ننګونو په اړه وينا وکړي او نړۍواله ټولنه به وهڅوي چې د افغانستان د ښوونیز نظام په پراختيا کې خپل رول ولوبوي.

د طالبانو د پوهنې وزارت زیاته کړې، چې دغه پلاوی به د کنفرانس په څنډه کې د بېلابېلو هېوادونو د پوهنې له وزيرانو سره هم ناستې ولري او له هغوی سره به د دوه اړخيزه همکاريو په اړه خبرې وکړي.

خو د طالبانو د پوهنې وزارت د دغه پلاوي کوم تصویر نه دی خپور کړی.

اکسیوس خبري وېب پاڼې د نامعلومو سرچینو په حواله راپور ورکړی، چې د ټرمپ هغه هڅې چې له ایران سره د اټومي پروګرام پر سر یوې هوکړې ته رسېدل و؛ ترڅو له دغه هېواد سره د جګړې مخه ونیسي او همدارنګه په غزه کې د اوربند او یرغمل شویو کسانو د خوشې کولو تړون چې کولای شي د غزې په تړانګه کې جګړه پای ته ورسوي؛ په دې وروستیو ورځو کې له خنډونو سره مخ شوي دي.

اکسیوس د یوه لوړپوړي امریکایي چارواکي په حواله ویلي، چې ولسمشر ټرمپ دواړه ناورینونه له یو بل سره تړلي او په سیمه کې د پراخ جیوپولیتیک واقعیت یوه برخه ګڼي او هغه هڅه کوي چې په مناسب ډول یې اداره کړي.

د اکسیوس په وینا؛ په ناسته کې ټرمپ، د هغه مرستیال جي ډي وینس، د بهرنیو چارو وزیر مارکو روبیو، سټیو ویټیکر، د منځني ختیځ لپاره د ټرمپ ځانګړی استازی، د دفاع وزیر پېټ هیګسیټ، د ډونالډ ټرمپ د سپینې ماڼۍ د کارکوونکو مشرې سوزي وایلز، د سي ای اې رییس جان راټکلیف او د ملي استخباراتو رییس تولسي ګابارډ او نورو لوړپوړو چارواکو ګډون کړی و.