طالبانو د ایران د تېلو پر صادراتو یو شمېر بندیزونه لګولي دي
اېراف خبري اژانس د ایران د تېلو وزیر محسن پاکنژاد له قوله لیکلي، چې طالبانو د دوی د تېلو پر صادراتو یو شمېر بندیزونه لګولي دي. دغه ایراني چارواکي زیاته کړې، چې اوسمهال افغانستان ته د تېلو هېڅ ډول صادرات نه لري.
هغه زیاته کړې: « د ګازویل د ټرانزیټ به برخه کې له افغانستان سره هېڅ ستونزه نشته؛ خو د تېلو هېڅ ډول صادرات نه لرو».
نوموړي دغه څرګندونې داسې مهال کړې، چې طالبانو څو، څو ځله په فراه او نیمروز ولایتونو کې له ایران څخه د وراد شویو تېلو کېفیت خراب بللی او بېرته یې ایران ته استولي دي.