اسراییلي پوځ: اسراییل د ایران د اټومي پروګرام د زیانمنولو لپاره پر ایران برید کړی

نتنیاهو په یوه ویډیويي پیغام کې ویلي: «زموږ زړور پېلوټان دا مهال په پراخ ډول د ایران په بېلابېلو سیمو کې اهداف بمباروي.»

دی زیاتوي، د عملیاتو هدف د ایران د اټومي پروګرام د زېربناوو، د بالیستیک توغندیو د فابریکو او د پوځې وړتیاوو له منځه وړل دي.

نتنیاهو وايي: «ایران د دې وړتیا لري چې موږ ته زیان ورسوي، خو موږ د دې حالت لپاره هم پوره چمتووالی نیولی.»

هغه له خلکو وغوښتل چې د کورنیو چارو د جبهې قوماندې لارښوونو ته غوږ ونیسي او له هغو سره همکاري وکړي، ځکه دا لارښوونې «د خلکو ژوند ژغوري.»

د رویټرز خبري اژانس ته دوه امریکایي چارواکو چې نومونه یې نه دي خپاره شوي تایید کړې چې اسراییلي ځواکونو دا بریدونه کړي، خو دا لا روښانه نه ده چې بریدونه په دقیقه بڼه چېرته شوي دي او کوم ځایونه هدف ګرځول شوي.

د ایران دولتي خبري اژانس «نور نیوز» بیا راپور ورکړی چې د تهران شمال‌ختیځ کې د چاودنو غږونه اورېدل شوي دي.

د «اکسیوس» خبري اژانس هم د دوو سرچینو په حواله لیکلي چې اسراییل د ایران دننه پوځي اهداف په نښه کړي دي.

د اسراییل پوځ د جمعې سهار له درې بجو وروسته خپل امنیتي تدابیر لوړ کړي او ویلي یې دي چې ټول ښوونیز فعالیتونه بند دي، راټولېدنې منع دي او غیر ضروري کارځایونه تړل شوي دي.

تر اوسه د مرګ‌ژوبلې یا مالي زیانونو په اړه کوم رسمي معلومات نه دي خپاره شوي.

چې د اکسوس خبري اژانس د دوه بې نومه سرچینو په حواله راپور ورکړی، چې د اسراییل هوایي ځواک د ایران په ځینو برخو کې بریدونه ترسره کړي دي.

اسراییل پوځ تراوسه پورې د دې بریدونو په اړه رسمي تایید نه دی کړی.

د دې پېښې په اړه نور معلومات ژر تر ژره وړاندې کیږي.

مېرمن حمیرا په افغانستان کې زېږېدلې او په ۲۰۰۳ کال کې هغه مهال چې ۱۵ کلنه وه، فنلنډ ته کډواله شوې ده.

نوموړې له خپلې مور او څلورو وروڼو سره د کورنۍ يوځای‌کېدو پروګرام له لارې دغه هېواد ته تللې ده. د هغې خپل پلار څو کاله مخکې د پناه‌‌غوښتونکي په توګه فنلنډ ته تللی و.

هغې ویلي، خوشاله ده چې ویې کړای شول د افغان ښځو له سخت وضعیت نه یې ځان ژغورلی او په فنلنډ کې یې د زده‌کړو او پرمختګ فرصت موندلی دی.

حمیرا د ټامپیر په ښار کې لويه شوې، فنلنډي ژبه یې زده کړې او له یوه ښوونیز مرکز څخه د روغتیاپالې په توګه فارغه شوې ده.

دا مهال یاده افغانه مېرمن له خپل خاوند او درېیو ماشومانو سره په ټامپیر ښار کې ژوند کوي او د لومړنیو زده‌کړو په برخه کې د ماشومانو د ښوونکې په توګه د رسمي دندې سربېره، په ​​رضاکارانه فعالیتونو کې هم برخه اخلي.

نوموړې له څه باندې ۱۰ کلونو راهیسې د پناه‌‌غوښتونکو او کډوالو د ملاتړ لپاره کار کوي.

نوموړې د نجونو د پوهاوي، روغتیا او د ښځو حقونو په ګډون بېلابېلو برخو کې فعالیت لري.

هغې زیاته کړې: «کله چې یو څوک زما سترګو ته ګوري، مُسکا راته کوي او مننه کوي، ډېر ښه احساس کوم. دا مهمه نه ده چې خلک له کوم ځایه راغلي، د دوی د پوستکي رنګ یا دین څه دی، زه غواړم مرسته ورسره وکړم.»

هغه وايي، چې اوس د کال د غوره پناه‌‌غوښتونکې په توګه یې اصلي دنده دا ده چې د افغان ښځو سخت ته پاملرنه وکړي.

دې وویل: «په افغانستان کې حیوانات تر ښځو ډېر حق لري. ښځې اجازه نه‌لري چې په ټولنه کې خبرې وکړي، باید پټې وي او له اجازې یا د یو نارینه له ملتیا پرته نه‌شي وتلای. زه غواړم د دې ښځو غږ واوسم او پرې نه ږدم چې نړۍ هغوی هېرې کړي.»

د افغانستان د ښځو فعالانو، د مدنې ټولنو او بشري حقونو د بنسټونو غړو د پنجشنبه په ورځ (د غبرګولي ۲۲مه) په یوه ګډ لیک کې په ایران کې د افغانې کډوالې کبرا رضايي وژنه غندلې ده.

دوې د پيښې د څېړونو او د عاملینو د محاکمه کېدو غوښتنه کړې.

ښځينه فعالانو زياته کړې: «دا پيښه په شدید ډول غندو، د کبرا لپاره عدالت غواړو.»

خبريالې او د ښځو د حقونو فعالې یاسمین نبي زاده د ایران حکومت څخه غوښتي، چې د افغان کډوالو سره دي تاوتریخوالي بند کړي.

هغې زیاته کړې: «د کبرا رضایي بې رحمانه وژنه د توجه وړ نده، د ایران حکومت باید ددغه پېښې عاملینو سره قانوني برخورد وکړي او تر څنګ یې ایران باید له افغان کډوالو سره تاوتریخوالی بند کړي، افغانانو سره تاوتریخوالی او له دغه هېواده په زوره شړل به یو بل ناورین رامنځته کړي.»

افغانو ښځينه فعالانو د افغان مېرمنو پر ملاتړ هم ټينګار کړی.

دوی له نړيوالو بنسټونو، د بشري حقونو له سازمانونو او نړېوالې ټولنې غوښتي، چې «د افغان ښځو سره اوږه پر اوږه ودرېږي او ملاتړ یې وکړي.»

ښځينه فعالانو د کبرا رضايي په ملاتړ یو شمېر شعارونه د هشټګ سره نشر کړي.

د دوی په خبره: «دوی کبرا ځکه ووژله، چې هغه یوه ښځه او یوه کډواله وه!»

دوی لیکلي: «کبرا یو فریاد دی، موږ به غلي پاتې نه شو!»، په یو بل شعار کې بیا وايي: «د کوبرا درد د یو ملت درد دی!».

دوی دا هم ویلي، چې «کبرا ورکه شوه، مګر فریاد يې پاتې دي.»

پرون ایراني رسنيو راپور ورکړ، چې د يوې افغانې کډوالې نجلۍ کبرا رضايي د جسد پاتې شونې د تهران په پاکدشت ولسوالۍ کې د یوه ۳۲ کلن ایراني وګړي په کور کې وموندل شول.

په راپور کې ویل شوي، چې تورن کس د یادې نجلۍ جسد ټوټه ټوټه کړی او د تېزابو په ذریعه یې له منځه وړی.

تر پيښې وروسته په ایران کې د طالبانو سفارت په تهران کې د یوې افغانې کډوالې کبرا رضايي، د وژنې پېښې په تړاو غبرګون ښودلی او ویلي یې دي چې دغه پېښه به په جدي توګه تعقیب کړي.

یاد سفارت له ایران څخه غوښتي چې د دې پېښې عامل دې پرته له دې چې کوم تابعیت لري، ژر تر ژره د قانون منګولو ته وسپاري.