روسیه د ایران رژیم د بدلون په اړه: موږ د ایران په ټولنه کې د پام وړ ثبات شاهد یو

د پاکستان "اکسپریس ټریبیون" ورځپاڼې د دوشنبې په ورځ، د غبرګولي ۲۶مه، د ځايي چارواکو له قوله خبر ورکړی چې دا پرېکړه د خلکو د امنیت لپاره او د ایران د کړکېچن وضعیت له امله شوې ده.

د ګوادر د ولسوال مرستیال ویلي، « د ایالتي چارواکو له لارښوونو وروسته، د ګبد-کلات سرحدي لاره تړل شوې ده. له خلکو غوښتنه کېږي چې له پېښو ځانونه خبر وساتي او د لارښوونو لپاره له ځايي چارواکو سره تماس ونیسي».

د پنجګور ولسوالۍ چارواکو هم اعلان کړی چې له ايران سره د سرحد له لارې هر ډول تګ راتګ بند شوی او د سون توکو انتقال په بشپړ ډول منع شوی دی.

چارواکو د دې اقدام دلیل په ایران او سیمه کې د پراخې بې‌ثباتۍ احتمال بللی دی.

د رپوټونو له مخې، له ایران څخه د نفت او نورو سون توکو واردات درول شوي او ډېر تېل پمپونه تړل شوي دي.

له پزشکیان سره په تماس کې د اسراییل او ایران ترمنځ شخړې، سیمه‌ییز او نړیوال مسایل تر بحث لاندې راغلي دي.

ولسمشر اردوغان ویلي، چې د اسراییل او ایران ترمنځ د نښتو په تړاو یې له یو شمېر مشرانو سره خبرې کړې دي او ترکیه چمتو ده چې د شخړې د پای ته رسولو او اټومي مذاکراتو د بیا پیل په موخه د منځګړیتوب رول ترسره کړي.

اردوغان دغه راز له پوتين سره هم په يوه ټيليفوني تماس کې ټینګار کړی، چې د اسراییل او ايران ترمنځ شخړه بايد پای ته ورسيږي او د ديپلوماسۍ لپاره بايد ځای پيدا شي.

بقایي وویل: «موږ د یوه دیپلوماتیک بهیر په مینځ کې وو، خو د صهیونیستي رژیم له خوا له یو بې‌ساري نظامي تجاوز سره مخ شوو».

هغه زیاته کړه: «امریکا باید پوهه شي چې د ایران په خاوره کې د هر توغندي، هر شهید شوي ماشوم، او هر ړنګ شوي کور مسوولیت ور تر غاړې دی».

د ایران د بهرنیو چارو وزارت ویاند د مذاکراتو د ارزښت په اړه وویل: «اوسنی وضعیت، چې د یوه واضح تجاوز شاهد یو، د مذاکراتو دوام بې‌معنا کوي. که امریکا رښتیا نړیوالو اصولو ته درناوی لري، نو باید دا تجاوز محکوم کړي».

بقایي د عسلویې د تېلو پر تاسیساتو د برید یادونه وکړه او ویې‌ویل: «دا یو ښکاره خبرداری دی، چې رژیم غواړي سیمه پراخې جګړې ته راکاږي. هېوادونه باید هوښیار واوسي او دا پلان شنډ کړي. موږ د اسلامي هېوادونو له سازمان سره په اړیکه کې یو او دا موضوع به د هغوی په راتلونکې غونډه کې د بحث لومړنۍ موضوع وي.»

د ایران د بهرنیو چارو وزارت ویاند په پای کې وویل: «د ایران سوله‌ییز اټومي پروګرام یوازې یوه پلمه ده. هدف دا دی چې ایران کمزوری او منزوي شي».

دې وژنو د ایران پوځي، دفاعي وړتیاوې سختې وځپلې او سره له دې، چې تهران د خپلو وژل شویو جنرالانو ځایناستي سملاسي وټاکل، خو ددغه هېواد پر دفاعي وړتیاوو یې اغیز تر نن ورځې هم جوت دی، ځکه تهران ورو ورو داسې حالت ته رسیږي، چې اسراییلۍ الوتکې په فضا کې د ځان پر وړاندې هیڅ خنډ ونه ویني.

وژل شوي پوځي جګپوړي قوماندانان

سرلشکر حسین سلامي (د سپاه پاسداران عمومي قوماندان)

سرلشکر حمزه حاجي‌زاده (د سپاه پاسداران د هوايي ځواک قوماندان)

سرلشکر محمدباقري (د ایران لوی درستیز)

سردار غلامعلي رشید (د خاتم‌الانبیا قرارګاه قوماندان)

سردار محمد کاظمي (د سپاه پاسداران د استخباراتو رییس)

سردار حسن محقق (د سپاه پاسداران د استخباراتو مرستیال)

د پوځ د هوايي دفاع قوماندانان

محمدمهدي شاهرخي‌فر (د توغندیزو عملیاتو مسوول)

حمزه جهاندیده

سجاد منصوري

مهدي نقوي

د سپاه پاسداران د هوايي ځواک قوماندانان

سردار امیرعلی حاجي زاده، د سپاه پاسداران د هوايي ځواک قوماندان

محمود باقري

داوود شیخیان

محمدباقر طاهرپور

منصور صفرپور

مسعود طیب

خسرو حسني

جواد جورسرا

او محمد آغاجعفري

اتومي ساینسپوهان

ډاکټر محمدمهدی طهرانچي، د ازاد پوهنتون رییس

ډاکټرفریدون عباسي دواني، د اتومي انرژۍ پخوانی رییس

علي باکويي کریمي، د دودانګه ساینسپوه، له کورنۍ سره وژل شوی

سید امیر فقهي

عبدالحمید مینوچهر

محمدرضا ذالفقاري

منصور عسکري

سعید برجي

مطلبي‌زاده

نوې ټاکنې

له وژل کېدو څو ساعته وروسته، د ایران مذهبي مشرایت‌الله خامنه‌يي د نوې قوماندې لپاره لاندې پوځي جنرالان وټاکل:

سرلشکر امیرحاتمي د پوځ مخکینی قوماندان د لوی درستیز په توګه،

سرلشکر محمد پاکپور، د سپاه د ځمکنيو ځواکونو پخوانی قوماندان د سپاه پاسداران عمومي قوماندان په توګه،

جنرال مجید موسوي، د حاجي‌زاده مرستیال او د توغندويي چارو متخصص د هوايي ځواک قوماندان په توګه

سرلشکر علي شادماني، د جګړو، استخباراتو او قرارګاوو پخوانی قوماندان د مرکزي قرارګاه قوماندان په توګه

دغه برید د ایران د نظامي او ساینسي جوړښتونو تر ټولو ژور بنسټونه ولړزول. د سپاه پاسداران، استخباراتو او هوايي ځواک مشري که څه هم نويو قوماندانانو ته سپارل شوې، خو د پخوانیو مجربو چارواکو نشتواليیوه ستره خلا رامنځته کړې، چې د جګړې پر قومانده یې اغیز پرې اېستی. د ایران پر اتومي پروژو مستقیمو بریدونو هغه زیرمې چې په اوږدو کلونو جوړې شوې وې، له جدي خطر سره مخ کړې دي.

د طلوع نیوز ځینو کارمندانو نن دوشنبه د غبرکولي ۲۶مه افغانستان انټرنشنل ته وویل چې په کوښه کېدونکو کې د طلوع نیوز ځینې مرکزي او ولایتي خبریالان هم شامل دي.

د طلوع نیوز کارمندان وایي، «موږ ته تر جولای ۱۵ مې وخت راکړل شوی، چې له هغه وروسته مو له طلوع نیوز سره خپلې دندې پای ته رسېږي.»

په همدې حال کې د طلوع نیوز ځینو برحاله کارمندانو وویل چې د بودجې د کمښت له امله یې د دوی معاشونه هم ۱۵ سلنه کم کړي دي.

د یادې شبکې اداري سرچینو وویل چې د تېر جمهوریت له پرځېدو وروسته په طلوع نیوز کې ټوټال ۱۲۰ کسانو کار کاوه، خو څو میاشتې وړاندې یې شاوخوا ۵۰ کارمندان له دندو ګوښه کړل او اوس شاوخوا ۳۰ نور به تر جولای ۱۵مه له خپلو دندو کوښه شي، چې له دې سره به طلوع نیوز کې یوازې ۴۰ تنه کارمندان پاتې شي.

د طلوع نیوز یو بل کارمند وویل:« په ګوښه کېدونکو کسانو کې خبریالان، نطاقان، کامره مینان، ویډیو ایډيټران او د تخنیکي برخې کسان شامل دي.»

موبي یوه رسنیزه ډله ده، چې طلوع تلویزیون، لمر تلویزیون، طلوع نیوز، ارمان راډیو، د باربورد میوزیک سټوډیو، کابورا پروډکشن او اراکوزیا راډیو اداره کوي.

د طلوع، طلوع نیوز او لمر په ګډون د موبي ګروپ ډیری اړوند شبکو په ۱۴۰۰ کال کې د طالبانو تر واکمنۍ وروسته په افغانستان کې خپلو خپرونو ته دوام ورکړ.

په همدې حال کې، دا شبکه د افغانستان د نورو کورنیو رسنیو په څېر، د طالبانو د حکومت له خوا په پراخه کچه سانسور شوې او د دې ډلې تر څارنې لاندې ده.

د رسنیو په چلند کې بدلون د طلوع ټلویزیون اعتبار او د اورېدونکو کچه ډېره اغېزمنه کړې ده.

طالبان د افغانستان پر کورنیو رسنیو قوي کنټرول لري او د دغو بنسټونو فعالیت او ازادي یې سخته محدوده کړې ده.

ځینو سرچینو د بودجې کمښت او د موبي ګروپ د کارمندانو ګوښه کول د متحده ایالاتو د بهرنیو مرستو له کمولو سره تړلي وبلل.

موبي میډیا ګروپ له خپل تاسیس راهیسې د امریکا متحده ایالاتو پراخ مالي ملاتړ ترلاسه کړی او اوس د متحده ایالاتو له خوا د بهرنیو مرستو په بندیدو سره د دې سازمان مالي ملاتړ هم اغیزمن شوی.

تر اوسه موبي ګروپ او طلوع نیوز د خپلو کارمندانو د اېستلو په اړه رسمي څه نه دي ویلي.