د اسراییل لومړی وزیر: د تهران له ډېکتاتورانو نه به د روغتون د برید پوره غچ اخلم

AP ۱۴۰۴ غبرگولی ۲۹ ۰۷:۳۶ GMT+۱

د پنجشنبې په سهار د (غبرګولي ۲۹مه) ایران په خپلو توغندیزو بریدونو کې د اسراییل بیرشبع ښار اړوند د «سروکا» روغتون په نښه کړ، چې پراخ غبرګونونه یې راوپارول. د اسراییل لومړي وزیر پر اېکس پاڼه دا برید په سختو ټکو غندلی دی.

هغه لیکلي: «موږ به د دې برید پوره قیمت د تهران له ډېکتاتورانو واخلو».

د اسرایيل د بهرنيو چارو وزير ګېدعون سعار هم دغه برید ته سخت غبرګون ښوولی دی.

هغه هم لیکلي: «د ايران حکومت جنګي جنايتونه ترسره کوي او هيڅ سرې کرښې نه پېژني. دا کار ثبت شو».

همدا راز د اسراییل د روغتیا وزیر هم د «سروکا» پر روغتون برید «ترهګریز عمل» بللی او په ډاګه کړې یې ده، چې ایران د جګړې له سرو کرښو واوښت

•

متقي د ناروې هېواد له‌خوا د طالب ډیپلوماټ منل یو ښه پرمختګ وباله

AP ۱۴۰۴ غبرگولی ۲۹ ۰۶:۱۲ GMT+۱

د طالبانو د بهرنيو چارو وزير امیرخان متقي وایي، د ناروې هېواد له‌خوا د دغې ډلې د ډیپلوماټ منل د اړيکو او باور جوړونې په برخه کې یو ښه پرمختګ دی.

نوموړي دغه څرګندونې د ناروې هېواد شارژدافير پير البرت الساس سره په لیدنه کې کړې دي.

د دغه وزارت له‌خوا په خپرې شوې خبرپاڼه کې راغلي، چې په دغې لیدنه کې په يو لړ دوه اړخيزو او سیمه‌ييزو مسايلو هم خبرې شوې دي.

ښاغلي متقي دارنګه په سيمه کې د روان وضعيت په تړاو اندېښنه ښودلې او ویلي یې دي، چې د افغانستان حکومت په اسلامي او انساني بنسټونو د ايران ولس سره همکارۍ ته چمتووالی لري.

د خبرپاڼې له مخې؛ ښاغلي پير هم د سيمې پر وروستيو تحولاتو او پر افغانستان يې د احتمالي اغېزو په اړه اندېښنه څرګنده کړه.

په خبرپاڼه کې د ښاغلي پير په حواله راغلي، چې نږدې راتلونکې کې به د دواړو هېوادونو د اړیکو ارزونې په موخه يې د هېواد يو پلاوی افغانستان ته راشي.

که څه هم د سیمې په ګډون ګڼ هېوادونه د طالبانو سره ښه راشه، درشه لري؛ خو بیا هم هیڅ یوه هېواد د طالبانو حکومت په رسمیت نه دی پېژندلی.

جاپان له اسراییل او ایران نه د خپلو وګړو د اېستلو لپاره پوځي الوتکې چمتو کوي

AP ۱۴۰۴ غبرگولی ۲۹ ۰۵:۴۵ GMT+۱

د جاپان حکومت ویاند یوشیماسا هایاشي وایي، پوځ ته امر شوی چې له اسراییل او ایران څخه د جاپاني وګړو د احتمالي اېستلو لپاره الوتکې چمتو کړي.

هایاشي د پنجشنبې په ورځ خبریالانو ته وویل: «په منځني ختیځ کې د مخ په زیاتېدونکي کړکېچ ته په پام مو پرېکړه کړې، چې دغه الوتکې جیبوتي ته ولېږدوو.»

هایاشي وویل، په ایران او اسراییل کې د جاپان سفارتونه چمتووالی نیسي چې خپل وګړي د ځمکې له لارې ګاونډیو هېوادونو ته وباسي.

د جاپان د بهرنیو چارو وزارت وایي، د معلوماتو له مخې شاوخوا ۱۰۰۰ جاپاني وګړي په اسراییل کې او ۲۸۰ په ایران کې مېشت دي.

اسټرالیا او نوی زیلانډ د اسراییل تر څنګ له ایران څخه هم خپل وګړي وباسي

AP ۱۴۰۴ غبرگولی ۲۹ ۰۳:۵۱ GMT+۱

د اسراییل او ایران ترمنځ د روان کړکېچ د ژورېدو په حال کې دی؛ اسټرالیا او نوي زيلانډ اعلان کړی، چې له یادو دواړو هېوادونو څخه خپل وګړي وباسي. دا په داسې حال کې ده، چې د ایران هوایي حریم هم د هر ډول الوتنو پر مخ تړل شوی دی.

د اسټرالیا د بهرنیو چارو وزیرې پني وونګ په وینا، شاوخوا ۱۵۰۰ اسټرالیایانو په ایران او ۱۲۰۰ تنو په اسراییل کې د تخلیې غوښتنه کړې؛ خو د جدي عملیاتې محدودیتونو او د هوایي ډګرونو د بندېدو له امله د دوی اېستل ستونزمن شوي دي.

نوموړې وویل، حکومت د نویو فرصتونو ارزونه کوي؛ څو د خپلو وګړو د خوندي اېستلو لپاره لارې ومومي.

له بلې خوا، د نوي زیلانډ د بهرنیو چارو وزیر وینسټن پیټرز اعلان وکړ، چې په تهران کې یې خپل سفارت د لنډمهال لپاره تړلی دی او دوه ډېپلوماټان یې له خپلو کورنیو سره یو ځای اذربایجان ته انتقال کړي دي.

پیټرز زیاته کړه، چې نوي زیلانډ خپلو وګړو ته د ځمکنۍ وتنې مشوره ورکړې او د احتمالي الوتنو د تنظیم لپاره له اسټرالیا او نورو کونسلي شریکانو سره همغږي کوي.

لېنډسي ګراهام: ټرمپ د ایران او اسرییل کړکېچ په ښه توګه مدیریت کړی

AP ۱۴۰۴ غبرگولی ۲۹ ۰۳:۱۹ GMT+۱

د امریکا د جمهوري غوښتونکو ګوند یوه مشهور سناتور لېنډسي ګراهام ویلي، چې ولسمشر ډونالډ ټرمپ تر دې دمه د ایران او اسراییل ترمنځ روانه کشاله په هوښیارانه او ښه توګه مدیریت کړې ده.

هغه زیاته کړې: «اسراییل اوس د سیمې په هوایي حریم بشپړ کنټرول لري او د ایران پوځي او علمي رهبري یې له منځه وړه ده».

سناتور ګراهام همداراز وویل، د ایران اټومي زېربناوو ته درانه زیانونه اوښتي؛ خو د «فردو تاسیسات» چې د ځمکې په ژورو کې موقعیت لري، هم باید تر بریدونو لاندې راوستل شي.

ګراهام په ټینګار سره وویل: «که غواړو د ایران د یورانیمو غني ‌کولو پروګرام ته د پای ټکی کېږدو، باید له دغو تاسیساتو سره پرېکنده چلند وشي».

نوموړي وویل، یوازې د امریکا متحده ایالات دغه تخنیکي او پوځي وړتیا لري چې د فردو تاسیسات په نښه کړي.

د دغه امریکایي سناتور په خبره: «د متحده ایالتونو ډېری وګړي د ایران اټومي ګواښ د امریکا او اسراییل لپاره یو حیاتي او جدي ګواښ ګڼي. باید له ټول ځواک سره دې ماموریت ته داخل شو او دا دنده بشپړه کړو».

پاکستان تېره ورځ څه باندې ۸۰۰ افغان کډوال په جبري ډول اېستلي دي

AP ۱۴۰۴ غبرگولی ۲۹ ۰۱:۳۱ GMT+۱

د افغان کډوالو د ستنولو د دویم پړاو په لړ کې، د پاکستان حکومت تېره ورځ ۸۳۷ افغان کډوال په جبري ډول افغانستان ته راستانه کړي دي.

د پښتونخوا ایالت د کورنیو او قبایلي چارو ادارې په خپرو کړو معلوماتو کې راغلي، چې په لېږدول شویو افغان کډوالو کې ۲۲۷ تنه د (ACC) کارټ لرونکي او ۶۱۰ نور بې اسناده افغانان شامل دي.

دغه اداره زیاتوي، چې ۸۳۴ تنه یې د تورخم له لارې او ۳ تنه نور یې د انګور اډې له لارې افغانستان ته لېږدولي دي.

بلخوا د طالبانو د کډوالو او بېرته راستنېدونکو چارو وزارت اعلان کړی، چې پر افغانستان د دې ډلې له بیا واکمنېدو راهیسې له ۵ میلیونو ډېر کډوال بېرته هېواد ته راستانه شوي دي.

د دغه وزارت ویاند عبدالمطلب حقاني زیاته کړې، دغه کډوال له ایران، پاکستان او ترکیې اېستل شوي او یا هم په خپله خوښه افغانستان ته ستانه شوي دي.

حقاني د طالبانو تر واک لاندې ملي ټلوېزون سره په خبرو کې وویل، چې د راستانه شویو کډوالو په منځ کې ۳۱۰ زره کورنۍ شاملې دي، چې له دوو میلیونو څخه ډېر کسان جوړوي.
هغه زیاته کړه، چې له دې سربېره له دوو میلیونو څخه ډېر نور بېرته‌راستانه شوي کسان بې له کورنیو دي.
د هغه په وینا، واک ته د طالبانو له بېرته ستنېدو راهیسې ټول ټال ۵ میلیونه او ۲۰۰ زره کډوال افغانستان ته راستانه شوي دي.

دا په داسې حال کې ده، چې پاکستان، ایران، تاجکستان او ترکيې د افغان کډوالو په جبري ډول د ستنولو لړۍ چټکه کړې او هره ورځ په سلګونه افغانان تر نیولو وروسته افغانستان ته ستنوي.

•

د اسراییل لومړی وزیر: د تهران له ډېکتاتورانو نه به د روغتون د برید پوره غچ اخلم

چين ته د کانونو په ورکړې د طالبانو د پخواني مشر ملا اختر محمد منصور د زوی نیوکې

طالبان: د زیاتې واورې د ورښت له امله هرات ته وارداتي برېښنا پرې شوې ده

حامد کرزی: افغانستان ښځینه ډاکټرانو، انجنیرانو او د نورو برخو متخصصینو ته اړتیا لري

په کالیفورنیا کې د نن سهار وختي ډزو کې یو کس وژل شوی او یو بل ټپي دی

امرالله صالح: طالبانو ته د امریکا ډالري کڅوړو د ورکړې تر شا ښایي ناپاکه معامله شتون ولري

متقي د ناروې هېواد له‌خوا د طالب ډیپلوماټ منل یو ښه پرمختګ وباله

جاپان له اسراییل او ایران نه د خپلو وګړو د اېستلو لپاره پوځي الوتکې چمتو کوي

اسټرالیا او نوی زیلانډ د اسراییل تر څنګ له ایران څخه هم خپل وګړي وباسي

لېنډسي ګراهام: ټرمپ د ایران او اسرییل کړکېچ په ښه توګه مدیریت کړی

پاکستان تېره ورځ څه باندې ۸۰۰ افغان کډوال په جبري ډول اېستلي دي

متقي د ناروې هېواد له‌خوا د طالب ډیپلوماټ منل یو ښه پرمختګ وباله

جاپان له اسراییل او ایران نه د خپلو وګړو د اېستلو لپاره پوځي الوتکې چمتو کوي

اسټرالیا او نوی زیلانډ د اسراییل تر څنګ له ایران څخه هم خپل وګړي وباسي

لېنډسي ګراهام: ټرمپ د ایران او اسرییل کړکېچ په ښه توګه مدیریت کړی

پاکستان تېره ورځ څه باندې ۸۰۰ افغان کډوال په جبري ډول اېستلي دي

ترویج لرونکی

چين ته د کانونو په ورکړې د طالبانو د پخواني مشر ملا اختر محمد منصور د زوی نیوکې

طالبان: د زیاتې واورې د ورښت له امله هرات ته وارداتي برېښنا پرې شوې ده

حامد کرزی: افغانستان ښځینه ډاکټرانو، انجنیرانو او د نورو برخو متخصصینو ته اړتیا لري

په کالیفورنیا کې د نن سهار وختي ډزو کې یو کس وژل شوی او یو بل ټپي دی

امرالله صالح: طالبانو ته د امریکا ډالري کڅوړو د ورکړې تر شا ښایي ناپاکه معامله شتون ولري