د صلاح الدین رباني په مشرۍ د افغانستان اسلامي جمعیت ګوند د روسیې له خوا د طالبانو رسمیت پېژندنې ته توند غبرګون ښودلی وايي، دا پرېکړه یوازې دوه اړخیز سیاسي اقدام نه، بلکې د افغانستان د راتلونکي او سیمې د نظم لپاره یو ناسم او ناهیلوونکی پیغام لري.
د افغانستان اسلامي جمعیت ګوند له لوري د جمعې په ورځ خپره شوې اعلامیه کې د روسیې له لوري د طالبانو د رسمیت پېژندنې پرېکړه د اندېښنې وړ بللی او وايي دا ګام د افغانانو د حقونو، دیموکراسۍ او سیمي د ثبات پر ضد پیغامونه لري.
په اعلامیه کې لیکل شوي: «جمعیت اسلامي دا پرېکړه د روسیې د هغه پخواني سیاسي لید لوري دوام ګڼي، چې د جمهوري نظام پر مهال یې طالبان د سولې د خبرو په بهیر کې د خپلو ستراتیژیکو ګټو لپاره مناسب انتخاب باله.»
