یو ایرانی چارواکی وایي، د دوغارون پولې له لارې تر «۵۰۰زرو» ډېر افغان کډوال اېستل شوي

د ایران د تایباد سیمې ولسوال حسن جمشیدي وایي چې هره ورځ له دوغارون پولې څخه شاوخوا ۳۸ زره افغان کډوال وباسي. نوموړی زیاتوي چې تر دې دمه له دې پولې څخه تر «۵۰۰ زرو» زیات افغان کډوال اېستل شوي دي.

د جمشیدي په وینا، د روانې چنګاښ میاشتې ۱۵مه نېټه ایران کې د افغان کډوالو د پاتې کېدو وروستۍ ضرب‌الاجل مخ په را نږدې کېدو دی او ورسره د اېستل کېدونکو کسانو شمېر لا زیات شي.

نوموړي همداراز وویل: «زموږ څېړنې ښيي چې تر اوسه له دوغارون پوله څخه وتلو افغانانو کې ۲۰ سلنه کسانو پاسپورټونه او قانوني اسناد لرل او پاتې ۸۰ سلنه یې په ناقانونه توګه ایران کې اوسېدل».