منظور پښتین: چې وخت یې راغی هر پښتون به قاضي او سزا ورکوونکی وي
د پښتون ژغورنې غورځنګ مشر منظور پښتین وايي، پاکستانی پوځ پر پښتنو ظلمونه کوي او وخت به راځي چې هر پښتون به قاضي او سزا ورکوونکی واوسي.
د پښتون ژغورنې غورځنګ مشر منظور پښتین وايي، پاکستانی پوځ پر پښتنو ظلمونه کوي او وخت به راځي چې هر پښتون به قاضي او سزا ورکوونکی واوسي.
نوموړي د خیبرپښتونخوا د سر وزیر علي امین ګنډاپور وروستیو څرګندونو ته چې د پوځ له خوا د وسله والو د خلاصون په تړاو یې کړې وې ویلي: " دا د ترهګرۍ تر شا پوځ دی د شعار تایید دی."
منظور پښتین پر فېسبوک پاڼه زیاته کړې چې د پاکستان استخباراتي ادارو او پوځ یوازې دا ظلم نه، بلکې پر پښتنو یې ګڼ نور ظلمونه هم کړي دي.
پښتین یو ځل بیا په ډاګه کړه چې د ترهګرو تر شا د پاکستان پوځ دی او په وینا یې دغه پوځ د پښتنو په ټول وژنه کې لاس لري او په دې برخه کې یې مقدمه هم ثبت کړې ده.
وړمه ورځ (سې شنبه) د خیبر پښتونخوا سر وزیر علي امین ګنډاپور په یوې خبري غونډه کې ویلي، پښتونخوا صوبه د ناامنیو له امله سخته ځپل شوې او دې سیمه کې د نورو پوځي عملیاتو اجازه نه ورکوي.
ګنډا پور د پوځ له نوم یادونې پرته وویل: «زه له چا نه ډاریږم، ښه طالبان که ستاسې په کار وي په پوځ کې یې شامل کړئ، یا یې بل ځای وجنګوئ».
