د طالبانو د بهرنیو چارو وزارت نن سې شنبه ( د چنګاښ ۱۷مه) په یوې خبرپاڼه کې ویلي، چې د افغانستان د وضعیت په اړه د ملګرو ملتونو د پرېکړهلیک مسوده له واقعیته لرې ده او سیاسي موخې پکې پالل شوې دي.
په اعلامیه کې ویل شوي، چې طالبان د سولې، ټیکاو، امنیت، اقتصادي ودې او له نړۍ سره د مثبت تعامل لپاره هڅه کوي او دغه ډول راپورونه د افغانانو له بنسټیزو حقونو او واقعیتونو د انکار معنا لري.
په خپرپاڼه کې وړاندې راغلي، چې یاد راپور د افغانستان د اسلامي ارزښتونو، ملي حاکمیت او کورنیو واقعیتونو پر ضد جوړ شوی او د نړۍوالو همکاریو فضا ته به زیان ورسوي.
د طالبانو د بهرنیو چارو وزارت له ملګرو غوښتنه کړې، چې د افغانستان د وضعیت ارزونه دې له سیاسي موخو لرې د اصولو، واقعي معلوماتو او متقابل درناوي پر بنسټ وکړي.
تیره ورځ د افغانستان د وضعیت په تړاو د ملګرو ملتونو د پرېکړهلیک مسوده د ۱۱۶ موافقو، ۲ مخالفو او ۱۲ ممتنع رایو سره تصویب شوه.
په دغه مسوده کې په افغانستان کې له بشري حقونو او په ځانګړې توګه د ښځو له حقونو د سرغړونې په تړاو اندېښنه ښودل شوې وه او یو وار بیا له طالبانو غوښتل شوي و، چې یو پراخ بنسټه حکومت جوړ کړي.
