اصف علي زرداري له چک جمهوریت او اوکراین سره د سوداګرۍ د پراخېدو غوښتنه کړې ده

د پاکستان د بهرنیو چارو وزارت ویاند شفقت علي خان یوه ترکي خبري اژانس «اناډولو» ته ویلي، چې دا موضوع د روانې اوونۍ په اوږدو کې په اسلام‌اباد کې په یوه غونډه کې طالب چارواکو ته یاده شوې ده.

ویاند زیاته کړه: «دا یوه جدي موضوع ده چې موږ یې پرله‌پسې له طالب لوري سره شریکوو. د دې ستونزې دوام نه یوازې پاکستان، بلکې د دواړو هېوادونو ترمنځ اړیکې، سیمه‌ییز پرمختګ او د یووالي هڅې زیانمنوي.»

هغه هیله وښوده، چې افغان طالبان به ددې ګواښ جدي والی درک کړي او له پاکستان سره به په ګډه د امنیتي ننګونو د حل لپاره کار وکړي.

د راپورونو له مخې، تېره اوونۍ د پاکستان پوځ ادعا وکړه چې لږ تر لږه ۳۰ مشکوک جنګیالي یې هغه مهال وژلي، چې د شمالي وزیرستان له لارې یې له ډېورنډ کرښې څخه د راوښتو هڅه کوله.

بلخوا، د جون په ۲۸مه هم د ځانمرګي برید له امله ۱۳ پاکستاني سرتېري ووژل شول، چې وروسته پوځ د۱۴ وسله والو د وژلو ادعا هم وکړه.

طالب چارواکو تر اوسه د پاکستان دغو وروستیو څرګندونو ته کوم غبرګون نه دی ښودلی، خو د طالبانو حکومت پخوا په بیا بیا دا رد کړې چې ګواکې د «ټي ټي پي» جنګیالي د افغانستان له خاورې بریدونه کوي.

دوی ټینګار کړی، چې د افغانستان خاوره به د هېڅ ډلې له‌خوا د بل هېواد پر ضد ونه کارول شي.

خو پاکستان وایي، ثبوتونه لري چې د «ټي ټي پي» مشران په افغانستان کې مېشت دي او له هغه ځایه د بریدونو پلانونه جوړوي.

د یادولو وړ ده، چې د پاکستان دا غوښتنه د سیمه‌ییزو اندېښنو او امنیتي ننګونو سره تړاو لري، چې نه یوازې د اسلام‌اباد او طالبانو ترمنځ اړیکې تر فشار لاندې راوستي، بلکې دا وضعیت د ټولې سیمې لپاره هم د ناامنۍ سبب ګرځېدلی دی.

د جرمني د فدرالي جنايي پولیسو ادارې ویلي، چې په هرو ۱۰۰ زرو تورنو کسانو کې د اصلي جرمنیانو شمېر ۱۸۸۷ دی، خو د سوریایانو شمېر ۸۲۳۶ او د افغانانو شمېر ۸۷۵۳ ته رسېږي.

د دې ادارې د معلوماتو له مخې، په جرمونو کې د بهرنیو تورنو وګړو شمېر تر اصلي جرمنیانو څلور برابره ډېر دی.

یادې ادارې ویلي، چې دا شمېرې په ځوانه طبقه کې نورې هم زیاتې دي.

د دوی په خبره د ۱۴ تر ۱۸ کلونو ځوانو له ډلې تر اصلي جرمنیانو د سوريي ځوانانو د جرمونو کچه پنځه برابره، د الجزایري ځوانانو شمېر ۵۶ برابره او د مراکش ځوانانو کچه ۱۹ برابره ډېره ده.

د جرمني د فدرالي جنايي پولیسو د معلوماتو له مخې، د غلا، فزیکي بریدونو او ځورونې په قضیو کې، له هر ۱۰۰ زره تورنو کسانو څخه ۱۶۸ تنه جرمنيان، ۱۲۹۱ سوریایان او ۱۲۱۸ افغانان دي.

د جرمني د اې اېف ډي ګووند غړي مارټین هېس په جرمونو کې جرمنیانو په پرتله د کډوالو شمېر زیاتوالي ته په غبرګون ویلي:«دا پایله د ناکامې کډوالۍ پالیسۍ محصول ده، چې څو لسیزې یې دوام وکړ.»

بل‌خوا، د برلین څارنوالۍ ویلي چې د مجرمو ډلو درې پر څلورمه برخه د جرمني تابعیت لري، خو ډېری دغه مجرمان له کډوالو سره تړاو لري او دا کړنې د کډوالو پر ځای د "جرمن" په کټګورۍ کې شمېرل کېږي.

د ترکیې د پي‌کې‌کې د ځینو غړو له خوا د وسلې اېښودلو وروسته د دغه هېواد ولسمشر رجب طیب اردوغان پر اېکسپاڼه لیکلي:«خدای دې موږ ته د هېواد امنیت، د ولس د سولې او د سیمې د دوامداره ثبات د تامین په لاره کې بری راکړي.»

پر همدغه مهال د ترکیې د اړېکو او ارتباطاتو رییس برهانیتن دوران د پي‌کې‌کې غړو له خوا وسلې اېښودلو ته په غبرګون ویلي، چې د ترکیې راتلونکی به له ترهګرۍ څخه پاک او د ملت یووالۍ به لا پیاوړی شي.

د راپورونو له مخې، د ۱۵ ښځو په ګډون د پي‌کې‌کې ۳۰ غړو د عراق په سلیمانیه ولایت کې خپلې وسلې سوځولې او وايي، نور د ترکیې د حکومت پر وړاندې مبارزه نه کوي.

دغو کسانو د وسلې اېښودلو اقدام له هغه وروسته کړی، چې د پي‌کې‌کې زنداني مشر عبدالله اوجلان دوه ورځې وړاندې په یوه ویډیو پیغام کې اعلان وکړ، چې دې ډلې د ترکیې پر وړاندې خپله وسله واله مبارزه پای ته ورسوله او د ترکیې له پارلمان څخه یې غوښتنه کړې وه، چې د دې ډلې د بې وسلې کولو او د سولې پروسې د څارنې لپاره یو کمېسیون جوړ کړي.

وانګ یي په ډاګه کړه، چین او روسیه باید ستراتیژیکه همغږي نوره هم پیاوړې کړي او د ایران د اټومي موضوع د حل لپاره سیاسي او ډېپلوماټيکو هلو ځلو ته دوام ورکړي.

دا په داسې حال کې ده، چې همدا څه موده مخکې امریکا د ایران پر اټومي بټیو بمبار وکړ څو تهران د اټومي وسلو له جوړولو لاس واخلي؛ خو ایران تل ویلي چې اټومي پروګرام یې د انرژۍ د تولید لپاره دی او سوله ییزه بڼه لري.

د چین د بهرنیو چارو وزیر همداراز په یاده کتنه کې وویل، بېجېنګ چمتو دی چې له مسکو سره په دوامداره توګه د ستراتیژیکې همغږۍ د ودې، د دواړو هېوادونو د امنیت او پراختیایي ګټو د ساتنې او د یوه بل د پرمختګ او بیارغونې ملاتړ لپاره کار وکړي.

ریګاس زیاته کړې:«وزارت به ډېر ژر هغو کسانو سره اړیکه ونیسي، چې د دندې کمولو له پروسې اغېزمن شوي. له خبرتیاوو وروسته به وزارت د بیا تنظیمېدو وروستي پړاو ته داخل شي او پر پایله محوره دیپلوماسۍ به تمرکز وکړي.»

رویټرز ویلي، چې د امریکا د بهرنیو چارو وزارت دا اقدام د ټرمپ د ادارې له خوا د فدرالي اصلاح او دندو کمولو د پلان یوه برخه ده.

په دغه بدلون کې چې ښايي سلګونه دندې ختمې شي، د بهرنیو چارو وزارت تجربه لرونکي کسان هم شامل دي.

د بهرنیو چارو وزارت د کارکوونکو له دندو ګوښه کېدو لپاره د امریکا سترې محکمې قانوني اجازه ورکړې ده او ښايي دا اقدام نن ورځ پیل شي.

د امریکا د بهرنیو چارو وزارت له ۱۵۰۰ ډېر کارکوونکي په داسې حال کې له دندو ګوښه کېږي، چې ولسمشر ټرمپ په فبرورۍ کې په یوه اجرایي فرمان کې د بهرنیو چارو وزیر مارکو روبیو ته امر کړی و، څو د وزارت جوړښت ته بدلون ورکړي او هغه مامورین له دندو لرې کړي چې له هغه سره وفادار نه دي.