ننګرهار کې سېلابونو ۹۰ کورونه ویجاړ کړي او پنځو تنو ته یی مرګژبله اړولې
د ننګرهار ولایت په څو ولسوالیو کې د وروستیو سختو ورښتونو او سېلابونو له امله لږ تر لږه ۹۰ کورونه ویجاړ شوي، یو ماشوم مړ شوی او څلور کسان پکې ټپيان شوي دي.
د ننګرهار ولایت په څو ولسوالیو کې د وروستیو سختو ورښتونو او سېلابونو له امله لږ تر لږه ۹۰ کورونه ویجاړ شوي، یو ماشوم مړ شوی او څلور کسان پکې ټپيان شوي دي.
د طالبانو تر واک لاندې باختر خبري اژانس د راپور له مخې، سېلابونه د درهء نور، شینوارو، بټي کوټ، کوز کونړ، بهسود، پچېراګام، خوږیاڼو او روداتو ولسوالیو کې خلکو ته مالي او ځاني زیانونه اړولي دي.
له دې سره، د طالبانو تر واک لاندې له پېښو سره د مبارزې ریاست بیا په یوه خپره شوې خبرپاڼه کې ویلي، چې درهء نور ولسوالۍ کې د برکوټ، جان شیمل، کشموند قلعه، سفر قلعه او وایګل په سیمو کې ۲۵ کورونه، ۲ دوکانونه، ۴ پلونه، ۱ کیلومتر سړک، ۱۲ څاروي او ۱۶۰ جریبه کرنیزه ځمکه زیانمنه شوې ده.
سیمه ییزو چارواکو ویلي، چې د ارزونې ډلې یې سیمو ته استولي، څو له اغېزمنو کورنیو سره د مرستو لازم اقدامات ترسره کړي.
