د کابل-هرات پر لويه لار ترافیکي پېښه کې ۱۶ کسانو ته مرګژوبله اوښتې
د هلمند ولایت په واشېر ولسوالۍ کې د کابل-هرات پر لويه لاره د دوو مسافروړونکو موټرو د ټکر له امله ۱۶ کسانو ته مرګژوبله اوښتې ده.
د هلمند ولایت په واشېر ولسوالۍ کې د کابل-هرات پر لويه لاره د دوو مسافروړونکو موټرو د ټکر له امله ۱۶ کسانو ته مرګژوبله اوښتې ده.
په هلمند ولایت کې د طالبانو د امنیې قوماندانۍ ویاند ملا عزت الله حقاني د دې ډلې تر واک لاندې باختر خبري اژانس ته ویلي، چې دا پېښه د واشېر ولسوالۍ د کارېز په سیمه کې هغه مهال رامنځته شوه، کله چې یو "موني" ډوله موټر له ۵۸۰ مسافروړونکي موټر سره وجنګېد.
د ده په وینا، په پېښه کې ۱۱ تنه ځای پر ځای مړه شوي او ۵ نور ټپیان دي، چې له ډلې یې د ۴ کسانو روغتیايي وضعیت د اندېښنې وړ ښودل شوی دی.
د راپورونو له مخې، ټپیان د ګرشک ولسوالۍ روغتیايي مرکزونو ته انتقال شوي دي.
د لومړنیو موندنو له مخې، پېښه د چلوونکو د بې احتیاطۍ او د موټرو د چټک تګ له امله رامنځته شوې ده.
