عمر داودزی: پخوانیو طالبانو دروغ نه ویل مګر اوسني طالبان دروغجن او فریبکاره دي

د طالبانو د امر بالمعروف وزارت ویاند سیف الاسلام خېبر د دې ډلې تر واک لاندې ملي ټلویزیون ته ویلي، چې په کابل ښار کې یې د یو شمېر پروډکشنونو مسوولین نیولي او د هغوی کارځایونه یې بند کړې دي.

نوموړي ویلي:«هغه ادرسونه چې د پروډکشنونو یا دې ته ورته نورو نومونو باندې یې فعالیت ترسره کاوه، په هغه ځایونو کې د افغاني کلتور او اسلامي ارزښتونو سره په ټکر کې فلمونه دوبله کېدل بیا له هېواده بهر تبلیغاتي ادرسونو ته استول کېدل، مسوولین او کارکوونکي یې نیول شوي دي.»

طالبانو د نیولو شویو کسانو د هویت او شمېر په اړه څه نه دې ویلي.

دا په داسې حال کې ده، چې د چهار شنبې په ورځ باخبره سرچینو افغانستان انټرنشنل ته ویلي وو، چې د طالبانو د امر بالمعروف محتسبانو د کابل په شهرنو سیمه کې لسګونه ځوانې نجونې تر نیولو وروسته زنداني کړې.

پخواني جهادي مشر عبدالرب رسول سیاف پر خپلې اېکس پاڼه طالبانو ته په خطاب کې ویلي: "طالبه له خدای وډار شه او د نا محرمو نارینه و په وسیله ښځې مه نیسه او هغو بندخونو ته یې مه لېږدوه چې ساتونکي یې نارینه دي."

د نوموړي په وینا، د طالبانو دغه چاره نه یوازې د دین او شریعت خلاف ده بلکې اسلامي عزت، افغاني غیرت او انساني مروت هم پکې تر پښو لاندې کېږي.

سیاف زیاته کړې: "دغه چاره شرعاً ناروا ده، د شریعت په نوم یې ترسره کول د دین او شریعت په حق کې تر ټولو لویه جفا ګڼل کېږي."

د تېرې اونۍ په پای کې سرچینو افغانستان انټرنشنل ته ویلي وو، چې طالبانو په شهر نو سیمه کې لسګونه ځوانې ښځې نیولې او د امربالمعروف وزارت اړوند توقیف ځایونو ته یې لېږدولې دي او یو شمېر یې د هغو د کورنیو له خوا د لیکلي ضمانت له وړاندې کولو وروسته، تر یوې شپې بند وروسته خوشې کړې دي.

طالبانو لا تر اوسه د خپل دغه حرکت د سپیناوي په تړاو څه نه دي ویلي چې دغه ښځې یې ولې او په څه تور نیولې او اوس چېرې دي.

د دغې طرحې له مخې، د افغانستان او سوریې اوسېدونکي به په عادي توګه له دغو هېوادونو اېستل کېږي.

د دغې غونډې په ګډه اعلامیه کې چې د جرمني د کورنیو چارو وزارت له لوري خپره شوې راغلي: "موږ په دې باور یو چې اروپا باید د ناقانونه کډوالۍ د کمولو لپاره په متحد ډول عمل وکړي."

په دغې هوکړه کې له اروپايي ټولنې بهر خوندي مرکزونو ته د رد شویو پناه غوښتونکو د لیږدولو لپاره د قانوني خنډونو لرې کول او په درېیمو هیوادونو کې د پناه غوښتنې پروسیجرونو فعالول شامل دي او همداراز به هغه هېوادونه چې په دې بهیر کې له اروپايي ټولنې سره همکاري نه کوي پر اتباعو یې د ویزې محدودیتونه ولګول شي.

دا په داسې حال کې ده چې جرمني همدا نن هغه ۸۱ افغانان چې د دوی په باور مجرمین دي له طالبانو سره په همغږۍ بېرته کابل ته استولي دي.

مېدوېدېف نن د جمعې په ورځ په خپل رسمي ټېلېګرام کې لیکلي چې د اروپايي ټولنې دغه نوي بندیزونه به هم د پخوا په څېر د روسیې پر دریځ هېڅ اغېز ونکړي.

د مېدوېدېف دغه څرګندونې په داسې حال کې دي چې اروپايي ټولنې د روسیې پر ضد د بندیزونو اتلسمه بسته هم تصویب کړه او پکې د روسیې د نفتو او انرژۍ سکتورونه په نښه شوي دي.

د امریکا ولسمشر هم د تېرې دوشنبې په ورځ روسیې ته خبرداری ورکړ که په ۵۰ ورځو کې له اوکراین سره سولې ته غاړه کېنږدي نو اوکراین ته به د نورو وسلو د استولو بهیر پیل کړي او پر مسکو به نور بندیزونه هم ولګوي.

د وال سټریټ ژورنال دراپور له مخې، په دې نویو بندیزونو سره به د اروپايي ټولنې او چین تر منځ اړیکې هم ترینګلې شي.

دغه بندیزونه په داسې حال کې دي چې د امریکا ولسمشر ټرمپ د اوکراین او روسیې ترمنځ د سولې هوکړې په تړاو د هڅو له ناکامېدو وروسته پر کرملین د فشارونو د ډېرولو بهیر پیل کړی دی.

سپینه ماڼۍ اوس د اروپایي ټولنې لیدلوري سره نږدې ښکاري او باور لري چې کرملین د جګړې د پای ته رسولو نیت نه لري او همداراز دغه ټولنه هیله منده ده چې واشنګټن به هم ډېر ژر له دوی سره یوځای شي او پر مسکو به اقتصادي فشارونه نور هم سخت کړي.