د جرمني د بهرنیو چارو وزارت وايي، د هغو افغان کډوالو د وضعیت څارنه کوي چې د فدرالي داخلي پروګرام له لارې باید جرمني ته راشي او اوس هم په پاکستان کې دي. د یاد وزارت ویاند هینټر سیهر د یوې خبري ناستې په ترڅ کې وویل، چې دوی له پاکستاني چارواکو سره په تماس کې دي.
د بهرنیو چارو وزارت ویاند هینټر سیهر د یوې خبري ناستې په ترڅ کې وویل، چې دوی له پاکستاني چارواکو سره په نږدې تماس کې دي او د سفارت له لارې د وضعیت په اړه معلومات راټولوي.
نوموړي د یوې پوښتنې په ځواب کې وویل، «هلته یو ټاکلی بیړنی میکانیزم شته، چې که څوک اغېزمن شوي وي. تر دې دمه د اخراجونو مخه نیول شوې، یا په یوه ځانګړي حالت کې شپږ کسان له اخراج سره مخ شوي وو، خو هغوی بیرته پاکستان ته ستانه شوي».
هینټرسیهر زیاته کړه چې د فدرالي داخلي پروګرام لاندې کسان کولای شي د ځانګړې خدمت رسوونکې ادارې سره اړیکه ونیسي.
هغه همداراز یادونه وکړه چې د جرمني حکومت د وضعیت په اړه واضح دریځ لري او د کورنیو چارو وزارت به هم د نورو جزییاتو په اړه معلومات وړاندې کړي.
نوموړی وايي، د فدرالي ادارو موخه داده چې له پاکستاني چارواکو سره په نږدې همکارۍ د هغو کډوالو د وضعیت څارنه وشي چې د جرمني پروګرام لاندې دي، څو د هغوی حقونه او امنیت خوندي وساتل شي.
