د افغانستان د ولسي جرګې پخوانۍ غړې فوزیه کوفي د افغانستان د جمهوري نظام د سقوط د څلورمې کلیزې په مناسبت ویلي څلور کاله کیږي، چې د افغانستان نوی نسل د «جهالت، تیارو او ظلم پر وړاندې ولاړ دي. هغې ویلي: «موږ قرباني شوی نسل یو، خو هېڅکله تسلیم شوی نسل نه یو.»
هغې زیاته کړې: «موږ قرباني شوی نسل یوو، خو هېڅکله تسلیم شوی نسل نه یوو. موږ نه مظلومیت منو او نه ځان ټیټ بولو.»
کوفي ټینګار وکړ چې تر بریا ورځې په میدان کې پاتې کېږو او مبارزه به یې دوام لري.
یاده دې وي چې نن د طالبانو له لورې د کابل د نیولو څلورمه کلیزه ده. د ۲۰۲۱ کال د اګست پر ۱۵مه طالبانو کابل ونیو او د جمهوري نظام د نسکورېدو وروسته یې ټول واک په لاس کې واخیست. د دې مودې په اوږدو کې یې د ښځو پر زده کړو او کار پراخ بندیزونه لګولي، د بیان او رسنیو ازادۍ یې محدودې کړي او له نړیوالې ټولنې سره یې اړیکې تر اوسه په رسمي کچه نه دي ټینګې شوې.
