سعودي عربستان په کابل او ننګرهار کې د سترګو ناروغیو وړیا درملنه کوي

په تورخم کې د پاکستان د کډوالو ادارې سرچینو نن دوشنبه د «وږي ۳مه» وویل چې یوازې تېر ماښام د تورخم له لارې د پي او ار کارت لرونکي ۲ زره ۴۱۹ افغان کډوال په خپله خوښه افغانستان ته ستانه شوي دي.

دوی همدراز زیاتوي، چې نن ۶ سوه او ۷۲ افغان وګړي چې هېڅ ډول اسناد یې نه درلودل، له پاکستان څخه اېستل شوي دي.

ددې شمېرو له مخې، پاکستان یو ځل بیا د افغان کډوالو د بېرته ستنولو بهیر ګړندی کړی دی.

د پاکستان د حکومت د اعلان له مخې، ټاکل شوې چې د راروانې سپټمبر میاشتې په لومړۍ نېټه د ۱،۴ مېلیونه پي او ار کارت لرونکو افغانانو د اېستلو لړۍ هم پیل شي.

په تورخم کې د انتقالاتو طالب مسوول د وږي په لومړی نېټه وویل چې وروستیو ورځو کې پاکستان یوځل بیا د افغان کډوالو د راستنولو بهیر چټک کړی او هره ورځ د پاکستان له بېلابېلو سیمو څخه سلګونه کورنۍ په زور بېرته افغانستان ته ستنیږي.

د طالبانو یادې ادارې همدا راز زیاته کړې، ۱۰۳۲بهرني وګړي بیا له افغانستانه په اګسټ میاشت کې وتلي چې له دې ډلې ۳۰ یې ښځینه وې. د دغه سفرونو موخې د تاریخي سیمو لیدنه، زده‌کړې او کار بلل شوی دی. د شمېرو له مخې؛ تر ټول ډېر بهرني وګړي د هرات اسلام کلا بندر او نیمروز له لارې افغانستان ته داخل شوي دي.

دا په داسې حال کې ده، چې د امریکا او کاناډا په ګډون یو شمېر لوېدیځو هېوادونو هم خپلو وګړو ته خبرداری ورکړی چې د امنیتي ننګوونو له کبله دې افغانستان ته سفرونه نه‌کوي.

د طالبانو په واکمنېدو سره افغانستان ته د بهرنیو یوټیوب چلوونکو څپې ورماتې شوې او دغه ډله هڅه کوي، چې پر دغو سېلانیانو د افغانستان وضعیت ارام او ښه وښايي. خو یو شمېر یوټیوب چلوونکو بیا له افغانستانه تر وتلو وروسته روښانه کړې، چې په دغه هېواد کې د ښځو وضعیت په جدي توګه د اندېښنې وړ دی او ان د بیان ازادي هم په کې سخته سانسور شوې ده. همدا راز نیوکې کېږي، چې طالبان له بهرنیو ښځو سره ناستې ولاړې کوي؛ خو په کور دننه یې افغان نجونې له زده‌کړو او کار څخه محرومې کړې دي.

همدا راز طالبان په کور دننه هم له یوټیوب چلوونکو او رسنیزو فعالانو څخه ځان ته د تبلیغاتي وسیلو په توګه کار اخلي.

د طالبانو د ارشاد، حج او اوقافو وزارت نن دوشنبه د «وږي ۳مه » وویل، چې د یاد وزارت وزیر نور محمد ثاقب تر مشـرۍ لاندې یوه طرحه جوړه شو چې د لسګونو کلونو لپاره د مقدسو اوراقو د ساتلو ټول اړین اړخونه په غرنیزو سیمو کې د مسلکي او ماهرو انجینرانو له خوا د ولایاتو په تناسب ټاکل شوي دي.

د طالبانو په خبرپاڼه کې راغلي، چې ددې ډلې د ارشاد، حج او اوقافو وزیر په کندهار او هلمند ولایتونو کې ددغو ځایونو د جوړولو له چارو لیدنه کړې ده او ژر به ګټې اخیستنې ته وسپارل شي.

دوی همد راز لیکلي، چې په پام کې ده چې د خطیبانو، امامانو او رسنیو له لارې خلکو ته د قران کریمونو، سیپارو، دیني کتابونو او نورو مقدسو پاڼود ساتنې او حفاظت لپاره عامه پوهاوي ترسره شي.

یاد وزارت وايي چې دغه اقدامات دیني مقدساتو او ارزښتونو ته د درناوي په موخه ترسره کوي، چې له عملي کېدو سره به یې د ټول هېواد په کچه په لومړي ځل د زړو قران کریمونو،دیني کتابونو او مقدسو اوراقو د ساتنې واحد او منظم ځایونه جوړ شي.

د نورستان لپاره د طالبانو امنیې قوماندانۍ هم د پېښې پخلی کړی او ویلي یې دي، چې په دې تړاو یې دوه کسه نیولي دي.

په سیمه کې ځايي سرچینو د وژل شویو کسانو د هویت په اړه څه نه‌دي ویلي.

په وروستیو کې د افغانستان په ختیځو ولایتونو کې د ځمکې په سر شخړې زیاتې شوې دي.

د شخړو په ډېرو پېښو کې د مرګ ژوبلې په اړه هم خبرونه ورکول کېږي.

یادې موسسې ویلي، چې له دې ناستې یې موخه د افغانستان د راتلونکې او په ځانګړې توګه د سولې او ټیکاو ارزونه وه. تر دې وړاندې سرچینو افغانستان انټرنشنل ته ویلي و، چې په یاده ناسته کې د طالبانو یو شمېر مخالفې څېرو ته د ګډون بلنه ورکړل شوې وه؛ خو په ناببره توګه لغوه او تر راتلونکې میاشتې وځنډول شوه.

سرچینې وایي، د طالبانو واکمن رژیم د هغو افغان مخالفینو د احتمالي ګډون له امله ناخوښه و چې د دغه بنسټ له‌خوا وربلل شوي وو. په دغه غونډه کې هېڅ یو طالب مشر نه و بلل شوی. ویل کېږي (د اګسټ په ۲۰مه) کابل کې د پاکستان د بهرنیو چارو له وزیر اسحاق ډار سره د طالبانو د بهرنیو چارو وزیر امیرخان متقي خپلې جدي اندېښنې هم شریکې کړې دي.

اسلام‌اباد ته په وربلونکي نوملړ کې د حزب اسلامي ګوند د مشر ګلبدین حکمتیار د زوی حبیب الرحمن حکمتیار تر څنګ د ولسي جرګې پخوانۍ غړې فوزیه کوفي، د اقتصاد پخوانی وزیر مصطفی مستور او یو شمېر نورې مشهورې څېرې هم شاملې وې. همدا راز د مقاومت جبهې د ځینو غړو نومونه هم دغه نوملړ کې شامل وو.

د افغانستان د سولې لپاره د امریکا پخواني استازي او یو شمېر افغان سیاست‌والو پر دغه ناستې نیوکه کړې وه او دا یې د پاکستان څارګرې شبکې پلان بللی و؛ خو د‌ پاکستان حکومت په یاده ناسته کې خپله هر راز ښکېلتیا رد کړې وه او دا یې د یوې موسسې هڅه بللې وه.

راپور کې د یاد بنسټ د یوې سرچینې له قوله راغلي، چې ښايي یاده ناسته د سپټمبر میاشتې په وروستۍ اونۍ کې جوړه شي او د جوړېدو په تړاو یې د اسلام‌اباد له لوري د طالبانو قانع کېدل هم روان دي. له سیاست‌والو سربېره د ښځو حقونو فعالان، مدني فعالان، خبریالان او د ټولنې بېلابېل قشرونه یادې ناستې ته بلل شوي وو.