د جرمني کابینې د رضاکارانه پوځي خدمت لایحه تصویب کړه

پاکستاني رسنیو د چارشنبې په ورځ د دغه هېواد د پلان وزیر احسن اقبال له قوله راپور ورکړی، چې هند په پټه او پرله پسې ډول اوبه خوشې کړې، چې د سند د اوبو تړون له مخې یې پاکستان ته پر وخت د معلوماتو نه ورکولو له امله د خلکو ژوند له خطر سره مخ کړی دی.

د پاکستان د پوځ ویاند جنرال شریف احمد چودري ویلي، چې د پاکستان پوځ به د پنجاب په شپږو سیلاب ځپلو ولسوالیو کې د ژغورنې پراخ عملیات کړي.

هغه وویل، چې «د پوځ سرتیري او افسران د ملت تر څنګ ولاړ دي.»

د پاکستان پوځي او ملکي چارواکو ویلي، چې د سېلابونو له امله د ستلج، چناب او راوي درې لوی سیندونه له خطرناکو کچو سره مخ دي.

چارواکو ویلي، چې په کرته پور، قصور، نارووال او سیالکوټ کې د ژغورنې عملیات دوام لري او د سیمې خلک د کښتیو په مرسته خوندي سیمو ته انتقالیږي.

پاکستاني چارواکو ویلي، چې تر دې دمه له ۱۹۰ زرو ډېر کسان خوندي سیمو ته انتقال شوي دي.

په پنجاب ایالت کې د ژغورنې ډلو ویلي، چې د سیمي د خلکو ژغورنې لپاره ۴۳۶ کښتۍ په علمیاتو بوختي دي او ۴۰۰ نورې کښتۍ له مسلکي کسانو سره په تیارسۍ حالت کې دي.

د پنجاب د پولیسو مشر عثمان انور ویلي، چې د دغه ایالت سر وزیرې مریم نوزا په لارښوونه ټولو سیمو ته خبرداری ورکړل شوی او‌ پولیس د بیړني حالت له مخې، د خلکو د مال او ځان ساتنې ته ژمن دي.

د پنجاب ایالت چارواکي تمه لري، چې په راتلونکو ۴۸ ساعتونو کې به د سېلاب اوبه کنټرول شي، خو د خطر کچه لا هم لوړه ده.

دغو سیلابونو او بارانونو د هند پنجاب ایالت هم ځپلی دی.

په عشق اباد کې د طالبانو سفارت د چهارشنبې په ورځ (د وږي ۵مه) په یوه خبرپاڼه کې وویل، چې په دې کتنه کې دواړو لوریو د طالبانو د نظام د لید او تعامل د پیاوړتیا تر څنګ د متقابلو اړیکو پر پراختیا بحث کړی دی.

په خبرپاڼه کې راغلي، چې د اروپا د امنیت او همکارۍ سازمان رییس ژمنه وکړه چې د افغانستان د اوسني سیاسي دریځ او پرمختګ په اړه به په خپلو اړوندو ناستو کې ګډونوالو ته لازم معلومات ورکړي.

خبرپاڼه همدا راز زیاتوي چې، په دې لیدنه کې افغانستان ته د یاد سازمان د غړو هېوادونو د استازو د احتمالي سفرونو په اړه هم خبرې وشوې.

کاورینا د تاتارستان مشر ته یو لیک لیږلی او د تاتارستان د مطبوعاتي دفتر په وینا، د کاورینا لیک د روسیې د بهرنیو چارو وزارت ته سپارل شوی او وزارت پرې کار کوي. نوموړې په دې لیک کې غوښتي چې زوی یې له زندان څخه خلاص شي.

روسی ټبرپوه سویاتو سلاو کاورین، چې د روسیې د علومو اکاډمۍ د ختیځ پېژندنې انسټیټیوټ سره تړاو لري، د چنګاښ پر۲۹ مه د ګاڼو د قاچاق په تور له کندوز نه کابل ته لېږدول شوی و.

دغه روسی کارپوه طالبانو د چنګاښ پر۲۹ مه په کندوز کې نیولی و او وروسته یې کابل ته ولېږداوه.

سویاتوسلاو کاویرین د نیول کېدو په ورځ پر خپل ټیلیګرام چینل لیکلي وو، « زه په کندوز کې د ګاڼو د قاچاق د هڅې په تور ونیول شوم، اوس کابل ته د استخباراتو ریاست ته وړل کېږم. هیله لرم چې هلته به موضوع یوازې د پوښتنو او د ګاڼو د اسنادو په بشپړولو پورې محدوده شي. موبایل کله نا کله راکول کېږي».

کاویرین د روسیې د اتنو­لوژیکي څېړنو مرکز او د علومو اکاډمۍ د ختیځ پېژندنې انسټیټیوټ کارکوونکی دی.

طالبانو د هغه د وضعیت او د نیول کېدو د لامل په اړه تراوسه رسنیو ته څه نه دي ویلي.

روسي ډېپلوماتانو د کاورین لپاره د کونسلي لاسرسي غوښتنه کړې او وايي چې د موضوع څارنه په دوامداره ډول روانه ده.

د کاورین نږدې کسان وایي هغه په قاچاق تورن شوی، خو ثبوتونه یې یوازې عادي سوغاتونه دي. د غیر رسمي معلوماتو له مخې، نوموړی اوس په کابل کې له نورو بهرنیانو سره په یوه توقیف خونه کې ساتل کېږي.

د دغه امریکايي ډیپلوماټ څرګندونو په لبنان کې توند غوګونو راپارولي او د ځایي خبریالانو ټولنې ویلي، چې تر رسمي بښنې به یې ټول خبرونه بایکاټ کړي.

د لبنان حکومت هم د دغه امریکايي ډیپلوماټ د څرګندونو په اړه خواشیني ښودلې ده.

په لبنان کې د خبریالانو ټولنې ویلي، چې له خبریالانو سره د دغه امریکايي ډیپلوماټ چلند په ښکاره د بیان ازادۍ ته سپکاوی دی.

دغې ورځپاڼې د سې شنبې په ورځ (د وږي ۴مه) د خپلې یوې سرچینې له قوله لیکلي، د «کبرا» په نوم د اتریش ځانګړې امنیتي قطعې د رافایل ګروسي د ساتنې مسوولیت اخیستی دی.

د راپور له مخې، د ګروسي د ساتنې په تړاو دغه پرېکړه وروسته له هغې وشوه، چې د اتریش څارګرې ادارې له درېیمګړي داسې راپور ترلاسه کړ، چې د ګروسي ژوند په خطر کې دی. د اټومي انرژۍ نړۍوال اژانس مرکز د اتریش په پلازمېنه «ویانا» ښار کې دی.

رافایل ګروسي ته د یوه نږدې کس په وینا، ګروسي په دې وروستیو ورځو کې ویلي چې په ۲۴ ساعته ډول د محفاظت له امله یې ورځنی ژوند په بشپړ ډول بدل شوی او هغه ته خبرداری ورکړ شوی، چې دغه ګواښ جدي وګڼي.

د ایران او اسراییل تر منځ له ۱۲ ورځنۍ جګړې وروسته ایراني چارواکو رافایل ګروسي تورن کړی، چې د ایران د اټومي فعالیتونو په تړاو په یو اړخیزه راپورونو سره یې د ایران او اسراییل تر منځ د جګړې اور بل کړ او علي لاریجاني هم په ډاګه ویلي وو، چې د ایران او اسراییل تر منځ له جګړې وروسته به د ګروسي حساب ته هم ورسېږي.

له دې ټولو سره سره ګروسي لا هم له ایراني چارواکو سره په اړیکه کې دی او تر دې مخکې یې څو وارې تهران ته سفر کړی او همدا نن یې هم ایران ته د اټومي انرژۍ د نړۍوال اژانس د یوه پلاوي له رسېدو خبر ورکړ.