اردوغان او شهباز شریف د دوه اړخیزو همکاریو پر پیاوړتیا ټینګار کړی

د مېرڅ څرګندونې داسې مهال دي، چې د امریکا د ولسمشر ډونالډ ټرمپ له‌خوا د روسیې او اوکراین د ولسمشرانو د کتنې په تړاو ضرب‌الاجل سبا پای ته رسېږي.

ټرمپ ګواښ کړی چې که دغه ناسته ترسره نه شي، نو «اغېزې» به ولري.

مېرڅ او د فرانسې ولسمشر امانوېل مکرون د جګړې پړه د روسیې پر ولسمشر ولادیمیر پوتین اچولې او له امریکا یې غوښتي چې پر مسکو نور سخت بندیزونه ولګوي.

مېرڅ زي ډي اېف عامه ټلویزیون سره په مرکه کې وویل: « زه په داخلي توګه ځان دې ته تیاروم چې دا جګړه به اوږده وي. هڅې کېږي د پراخو دیپلماتیکو نوښتونو له لارې ژر پای ته ورسېږي، خو دا د اوکراین د تسلیمېدو په بیه نه شي کېدای، ځکه که داسې وشي، روسیه به بیا بل هېواد په نښه کړي او سبا یا بل سبا به وار زموږ پر سر راشي. دا د منلو وړ نه ده».

هغه د دې پوښتنې ځواب ورنه‌کړ چې ایا جرمني به د سولې د احتمالي تړون په صورت کې د امنیتي ضمانتونو لپاره پوځیان اوکراین ته واستوي که نه.

بریتانیا او فرانسه د «تضمینوونکي ځواک» د جوړولو وړاندیز مخته وړي څو د روسیې د راتلونکو احتمالي بریدونو مخه ونیسي، خو د جرمني د ګډون احتمال د دغه هېواد په ولس کې اندېښنې راپورته کړې دي.

کرملین د یکشنبې په ورځ وویل چې اروپايي قدرتونه د ټرمپ د سولې د هڅو پر وړاندې خنډ کېږي او روسیه به خپل عملیات تر هغه وخته وغځوي، چې د کییف له‌خوا د سولې رښتینې نښې نښانې وویني.

د هند د بهرنیو چارو وزارت د څرګندونو له مخې، دواړو مشرانو دا اړينه ګڼلې، چې د دوه اړخيزې سوداګرۍ او پانګونې د پراختيا او د سوداګرۍ د کسر کمولو لپاره يو سياسي او ستراتيژيک لوری رامنځته شي. د مودي او شي جين پينګ تر منځ خبرې د ټرمپ د تعرفو له کړکېچ سره هممهاله دي.

په داسې حال کې، چې نیویارک ټایمز وايي، ولسمشر ډونالډ ټرمپ نوي ډیلي ته خپل راتلونکی سفر لغو کړی، د هند لومړي وزیرد چین ولسمشر شي جين پينګ ته په بریکس سرمشريزه کې د ګډون بلنه ورکړې ده.

مودي چې له اوو کلونو وروسته لومړی ځل چين ته تللی، د شانګهای د همکارۍ سازمان دوه ورځني غونډه کې یې برخه اخېستې. په دې غونډه کې د روسیې ولسمشر ولاديمير پوتين او د مرکزي اسيا، جنوبي، سوېل ختيزې اسیا او منځني ختيځ نورو مشرانو هم ګډون کړی دی.

دا دوه اړخيزه ليدنه د روسي تېلو د پېرنې له امله پر هندي توکو د ټرمپ۵۰ سلنه تعرفې له لګېدو وروسته کیږي.

د رویټرز د رپوټ له مخې، شنونکي وايي چې شي او مودي دواړه غواړي د لوېديځ د فشار پر وړاندې ګډ دريځ څرګند کړي.

مودي ټینګار کړی چې هند او چين "ستراتيژيکه خپلواکي" تعقيبوي او اړيکې یې بايد د درېيم هېواد له زاويې ونه کتل شي.

خو له دې ټولو سره سره د دواړو هېوادونو ترمنځ سرحدي شخړې او پر ځینو نورو مسایلو اختلاف پرخپل ځای پاتې دی.

رویټرز خبري اژانس د اودیسه والي په حواله راپور ورکړی چې د ښار ترڅنګ، د چورنو مورسک بندري ښار ته هم ډېر زیان اوښتی دی. په دې ښار کې کورونو او ادارو ته زیان رسېدلی او یو کس هم ټپي شوی دی.

د یاد ښار والي زیاته کړې چې دوی اوس د ښار مهم برېښناکوټونه د جنرېټرونو د برېښنا په مرسته فعال کړي دي.

روسيې په وروستيو کې د اوکراين پر برېښنايي تاسیساتو بريدونه ډېر کړي چې اوکراین بیا په ځوابي بریدونو کې د روسيې د تېلو تصفيه‌خونې په نښه کړل. تېره پنج‌شنبه روسیې پر کېیف لوی برید وکړ چې په ترڅ کې یې ۲۵ کسان ووژل شول.

د امریکا نړۍوالو رسنیو اداره (USAGM) سرپرستې مشرې مېرمنې کري لیک ویلي، ۵۳۲ دندې له‌منځه وړي چې ۴۸۶ یې یوازې په امریکا غږ (VOA) پورې اړه لري.

دا پرېکړه تر هغه وروسته شوې چې یوې محکمې د امریکا غږ د مشر مایکل ابرامو وېتز ګوښه کول غیرقانوني وبلل.

ورسره جوخت، د امریکا د کارګرانو ټولنې دا پرېکړه غندلې او ویلي دي چې دا اقدام به د امریکا نړۍوال اغېز ته زیان ورسوي.

د دې مجلې د راپور پر بنسټ، اسراییل د جون د میاشتې په جګړه کې ۳۰ ایراني قوماندانان او تر لسو ډېر اټومي ساینس‌پوهان ووژل چې لوی دلیل یې د هغوی د ساتونکو د موبایلونو کارول وو.

د جون پر۱۶مه نېټه د ایران د ملي امنیت عالي شورا په یوه غره کې تر ځمکه لاندې غونډه وکړه چې ولسمشر مسعود پزشکيان هم په‌کې ګډون درلود.

که څه هم دې لوړپوړو چارواکو له ځانو سره موبایلونه نه وو وړي، خو اسراییل د هغوی د ساتونکو موبایلونه هک کړل او هغوی یې ووژل.