ټېلیګراف مجلې یکشنبه (وږي ۹مه) لیکلي چې د ایران ولسمشر او پوځي مشرانو غونډه د هغوی د موبایلونو هک کولو له لارې په غره کې وموندل شوه. اسراییلي جاسوسانو وکولای شول چې د ایران ۱۲ لوړپوړي مشران د هغوی د موبایلونو له لارې وڅاري او بیا یې ووژني.
د دې مجلې د راپور پر بنسټ، اسراییل د جون د میاشتې په جګړه کې ۳۰ ایراني قوماندانان او تر لسو ډېر اټومي ساینسپوهان ووژل چې لوی دلیل یې د هغوی د ساتونکو د موبایلونو کارول وو.
د جون پر۱۶مه نېټه د ایران د ملي امنیت عالي شورا په یوه غره کې تر ځمکه لاندې غونډه وکړه چې ولسمشر مسعود پزشکيان هم پهکې ګډون درلود.
که څه هم دې لوړپوړو چارواکو له ځانو سره موبایلونه نه وو وړي، خو اسراییل د هغوی د ساتونکو موبایلونه هک کړل او هغوی یې ووژل.
