ټېلیګراف مجله: اسراییلي جاسوسانو د ایران لوړپوړي مشران د هغوی د موبایلونو له لارې څارلي

خُرم ویلي، پاکستان تل له دې فورمول څخه کار اخیستی چې وايي، «مړ یې کړه، پړ یې کړه.» د نوموړي په وینا، پاکستان هڅه کوي، چې افغانستان ګوښه، بېوزله، کمزوری او تر خپلو بریدونو لاندې وساتي.

د ملګرو ملتونو د ښځو څانګې په تازه راپور کې ویل شوي، که څه هم د طالبانو له لوري د نجونو د منځني تعلیم پر وړاندې بندیز اوس هم شته، خو د افغانستان د خلکو ډېری برخه د نجونو د زده‌کړو ملاتړ کوي.

په دې سروې کې چې د هېواد په کچه تر دوو زرو ډېر افغانان پوښتل شوي، ۹۲ سلنه یې ویلي چې د نجونو دوامداره زده‌کړې مهمې دي.

د دې سروې له مخې، په کلیوالي سیمو کې ۸۷ سلنه نارینه او ۹۵ سلنه ښځې د نجونوزده کړې غواړي؛ په داسې حال کې چې په ښاري سیمو کې دا شمېر د دواړو جنسونو لپاره ۹۵ سلنه ښودل شوی دی.

د ډان ورځپاڼې د راپور له‌مخې، په بره دېر کې د افغانستان پولې ته نږدې د بارا رایفلز پوستې باندې برید شوی چې په پایله کې یې درې سرتېري وژل شوي او درې نور ټپیان دي.

د یادې ورځپاڼې په وینا، په کوهاټ کې د پولیسو پر یوه ګزمه برید کې هم یو پولیس وژل شوی او دوه نور ټپیان شوي دي، خو په دې نښته کې درې مخالف وسله‌وال هم وژل شوي دي.

په مومندو کې پر یوې پوستې برید شوی، چې په پایله کې یې یو پولیس وژل شوی او دوه نور ټپیان شوي دي.

له بلې خوا بیا امنیتي ځواکونو په ډیره اسماعیل خان کې د نظامي عملیاتو په ترڅ کې درې وسله‌وال وژلي چې یو قوماندان هم پکې شامل دی. پولیس وايي، چې دوی ته د وسلو یوه زېرمه هم په لاس ورغلې ده.

ټرمپ زیاته کړې، یوازې ډېر ناروغان او بهرمېشتي سرتېرې اجازه لري چې د پوسټ له لارې رایه ورکړي.

دا دا لا روښانه نه ده چې ولسمشر د دې ډول بدلونونو قانوني واک لري که نه، ځکه ټول‌ټاکنې په ایالتونو کې کېږي.

د ۲۰۲۶ کال د نوامبر په میاشت کې د استازو د جرګې ټول‌ټاکنې به د ټرمپ د تګ‌لارو پر وړاندې لومړی ازمایښت وي.

ټرمپ تل د امریکا د ټول‌ټاکنو پر سېسټم شک کړی او د ۲۰۲۰ کال ټول‌ټاکنې یې له درغلیو ډکې بللي وې. نوموړي د پوسټ له لارې رایه ورکول او برېښنایي ماشینونه هم رد کړي وو.

اسرایيلي رسنیو د شنبې په ورځ (د وږي ۸مه) لیکلي، چې ابوعبیده د غزې ښار د الرمال په سیمه کې په یوه ودانۍ کې تر برید لاندې نیول شوی.

د حماس اړوند رسنیو هم راپور ورکړی، چې د غزې د الرمال په سیمه کې د اسراییل په برید کې درې کسان وژل شوی او ۱۱ نور ټپيان شوي‌دي.

تر اوسه رسمي دا نه دی تایید شوی، چې په دې عملیاتو کې د حماس ویاند ابوعبیده وژل شوی او که نه.

تر دې مخکې د اسراییل پوځ او د دغه هېواد امنیتي ادارې ویلي وو، چې دوی د حماس یو لوړپوړی چارواکی په هوايي برید کې هدف ګرځولی دی.

د اسراييلي چارواکو په وینا، په دې عملیاتو کې داسې هڅه شوې چې ملکي وګړو ته مرګ‌ژوبله راونه‌وړل شي.

ابوعبیده چې اصلي نوم یې حذیفه سمیر عبدالله الکحلوت دی، تل په خپلو پیغامونو او رسنیو کې مخ او سر پټ کړی څرګندېږي.

هغه تر دې دمه د اسراییلي پوځ له څو بریدونو څخه ژوندی راوتلی.

ابوعبیده د حماس د نظامي مشرتابه څخه یو له وروستیو پاتې کسانو څخه دی، چې د ۲۰۲۳ کال د اکټوبر په اوومه نېټه په خونړي برید کې برخه لرل.

د حماس غړو د ۲۰۲۳ کال د اکټوبر په اوومه نېټه د اسراییل په سوېلي سیمې برید وکړ، چې په ترڅ کې یې شاوخوا ۱۲۰۰ کسان ووژل او تر ۲۵۰ زیات کسان یې یرغمل کړل.

اسراییل په دې برید غبرګون وښود او په غزې پټه سیمه کې یې پراخ پوځي عملیات پیل کړل، چې د حماس د روغتیا وزارت په وینا تر دې دمه په کې له ۶۳ زرو څخه زیات کسان وژل شوي او ۱۵۹ زره ټپیان شوي دي.

په پاریس کې د افغانانو د یووالي کلتوري ټولنې مشر شاه رسول اوریاخیل وايي، چې د شنبې په ورځ د پاریس د ۱۲مې ناحیي په لاشفیل سیمه کې یوه افغان کډوال خپل بل هېوادوال د چړي په ګوزار وژلی دی.

نوموړی وايي، د پیښې انګیزه نه ده معلومه خو پولیسو د یادې پیښې په اړه پلټنې پیل کړې دي.

دا په داسې حال کې ده، چې د پنجشنبې په ماښام د جرمني په ګوسترو ښار کې یوه افغان کډوال د خلکو په مخ کې دوه نور افغانان په چړو وهلي وو، چې له امله یې یو کس مړ او بل سخت ټپي شو.