د اقتصاد او سولې انسټیټیوټ افغانستان د ۲۰۲۵کال په نړۍواله ډلبندۍ کې ۱۵۸ درجه کې ځای کړی او د نړۍ له ناامنه هېوادونو څخه یې ګڼلی. که څه هم په افغانستان کې د طالبانو تر دویمې واکمنۍ وروسته د جګړې کچه راکمه شوې؛ خو د کمزورې حکومتولۍ او بشري ناورینونو له امله سياسي ناکرارۍ ډېرې شوې.
دغه انسټیټیوټ په خپل کلني راپور کې د نړۍ ۱۶۳ هېوادونه ارزولي دي. دغه هېوادونه د امنيتي وضعیت، کورنیو شخړو، سپکو وسلو ته د لاسرسي او سیاسي ټیکاو له مخې ډلبندي شوي دي.
تېر کال افغانستان په دې نوملړ کې ۱۶۰م ځای ځایګی لاره؛ خو سږکال تر پخوا دوه درجې امن بلل شوی دی.
افغانستان د سوېلي اسیا یوازینی هېواد دی، چې سپکو وسلو ته د لاسرسي، جرمونو، سیاسي بېثباتۍ، سیاسي ترور، د کډوالو او بېځایه شویو خلکو وضعیت او پوځي لګښتونو ته په کتو سره ټيټې نمرې ورکول شوې دي.
تر افغانستان وروسته یمن، کانګو، سوډان او اوکراین د نړۍ ناامنه هېوادونو ګڼل شوي دي.
عزیزالله مصطفی زیاتوي، زلزلهځپلو سیمو ته د مرستندویه ټيمونو د استولو لپاره له کابل سره هم همغږي شوې ده.
د نن شپې د زلزلې تر ټولو ډېره مرګژوبله په کونړ کې رامنځته شوې ده | افغانستان انټرنشنل پښتو
په ختیځو ولایتونو او په ځانګړې توګه په ننګرهار او کونړ ولایتونو کې د نن شپې شاوخوا ۱۲ بجو پرلهپسې زلزلو او ورپسې ټکانونو له امله ګڼه مرګ ژوبله اوښتې، خو لا تر اوسه یې کره شمېر نه دی مشخص شوی او د ټپیانو د لېږدولو بهیر همداراز دوام لري.
د کونړ په ولایتي روغتون کې سرچینو افغانستان انټرنشنل- پښتو ته ویلي، تر اوسه څه باندې ۱۰۰ ټپيان ولایتي روغتون ته لېږدول شوي دي.
له دې سره سم، په ننګرهار کې د یادې زلزلې له امله تر اوسه د ثبت شویو معلوماتو له مخې، ۹ کسان مړه او ۲۰ نور ټپيان شوي او د ځينو روغتیايي حالت هم ډېر نازک ښودل شوی دی.
ځايي خلک بیا وايي، په دغې زلزلې کې یو شمېر کورونه نړېدلي او لا هم ځينې کسان تر کنډوالو لاندې دي او د زلزلهځپلو سیمو ډېری خلک له خپلو کورونو وتلي او په ازاده فضا کې شپه سبا کوي.