په ننګرهار کې د هندوانو او سکهانو شورا د کونړ زلزله‌ځپلو ته د مرستو کڅوړې وسپارلې

د خېبرپښتونخوا حکومت د سې شنبې په ورځ (د وږي ۱۱مه) په یوه خبرپاڼه کې ویلي، چې د افغانستان د زلزله‌ځپلو کورنیو لپاره یې دوې لارۍ درمل، ۱۰۰۰ ژمنۍ او د اوسېدو خیمې، ۱۰۰۰ ترپالونه، ۱۵۰۰ توشکونه، ۳۰۰۰ بالښتونه، ۲۰۰۰ کمپلې شاملې دي.

په خبرپاڼه کې ویل شوي، چې دا مرستې د زلزله‌ځپلو کورنیو د بېړنیو اړتیاوو د پوره کولو په موخه ورکړل شوې دي.

په غونډه کې د خېبرپښتونخوا صوبایي حکومت د قربانیانو له کورنیو سره خواخوږي او تسلیت هم څرګند کړی دی.

د صوبايي حکومت چارواکو ویلي، چې مرسته به تر هغو دوام ولري ترڅو چې د ځپل شویو کورنیو لومړنۍ اړتیاوې پوره کېږي.

طالبانو د خېبرپښتونخوا حکومت له هڅو ستانه کړې او دا یې د دواړو هېوادونو د ورورۍ او ښو اړیکو نښه ګڼلې.

یاد کمېسیون په یوې خپره کړې خبرپاڼه کې ویلي، چې د غونډې ګډونوالو د ختيځ زون په ولايتونو کې د وروستۍ زلزلې له امله د رامنځته شويو ځاني او مالي زيانونو په اړه خپله ژوره خواشیني څرګنده کړې.

د خبرپاڼې له مخې، د طالبانو دفاع وزیر محمد یعقوب مجاهد ویلي: «د زلزله‌ ځپلو درد او غم د ټول ولس ګډ غم دی، امنيتي ځواکونه به د خلکو تر څنګ تر هغه وخته پاتې شي، څو د لومړنيو اړتياوو د پوره کولو لپاره لازم اقدامات ترسره نه شي.»

په خبرپاڼه کې راغلي، چې اړونده ادارو ته جدي لارښوونې وشوې، ترڅو د بېړنيو مرستو د رسولو بهير چټک کړي او د زلزله‌ځپلو د ژوند د عادي کېدو لپاره هر اړخيز عملي ګامونه پورته کړي.

ویل کېږي، چې د غونډې په پاې کې ټینګار شوی چې د طالبانو د دفاع او کورنيو چارو وزارتونو په ګډون ټول امنيتي او ملکي ارګانونه دې د ولس خدمت د لومړيتوب په توګه په ګډه او بشپړه همغږۍ خپلو هڅو ته دوام ورکړي.

د هند د بهرنیو چارو وزارت په وینا، دغه ۲۱ ټنه مرستې نن د هوا له لارې په یوه الوتکه کې کابل ته رسېدلې دي.

په دې مرستو کې کمپلې، خیمې، د حفظ‌الصحې کېټونه، د اوبو د زېرمه کولو وسایل، جنراتورونه، د پخلنځي لوښي، اوبه پاکوونکې دستګاوې، د خوب کڅوړې، اړین درمل، ویلچیرونه، لاس پاکوونکي مایعات، د اوبو پاکولو درمل او نور طبي توکي شامل دي.

هند ټینګار کړی، چې د افغانستان د زلزله‌ځپلو خلکو د مرستې بهیر به یوازې په دې مرستو محدود نه وي، بلکې په راتلونکو ورځو کې به د وضعیت د ارزونې له مخې نورې بشري مرستې هم واستول شي.

دغه بشري مرسته په داسې حال کې کابل ته رسېږي، چې د شنبې او یکشنبې د شپې په خونړۍ زلزله کې په سلګونو کسان مړه او زرګونه نور ټپیان او بې‌کوره شوي دي.

د طالبانو د چارواکو په وینا، یوازې په کونړ ولایت کې په سلګونو کورونه ویجاړ شوي او د مرستو رسول له جدي ستونزو سره مخ دي.

په افغانستان کې د ترکیې سفارت ویلي چې د دواړو هېوادونو د تاریخي ورورولۍ او دوستۍ پر بنسټ د زلزله‌ځپلو افغانانو زخمونو ته د مرهم کېدو هڅې د خپلې کاري اجنډا په سر کې نیسي.

د اعلامیې له مخې، د ترکیې د همکارۍ او همغږۍ اداره (تیکا) د ۷۰ کیلوګرامه خوراکي توکو یوه جوپه برابرې کړې چې اوړه، وریجې، غوړي، بوره، چای او د پخلنځي اړین وسایل پکې شامل دي.

د خبرپاڼې له مخې، دغه مرستې به نن ماښام زلزله‌ځپلو سیمو ته واستول شي او زر کورنۍ به ترې برخمنې شي.

خبرپاڼه زیاتوي، په ورته وخت کې د ترکیې سرې میاشتې له تېرې شپې راهیسې په اغېزمنو سیمو کې د ګرمو خوړو وېش پیل کړی دی او د افغانستان د سرې میاشتې ټولنې په همغږۍ د طبي وسایلو او درملو د برابرولو پلان هم شته.

د چمتووالي او بحران مدیریت لپاره د اروپايي ټولنې کمیشنرې په خپله اېکسپاڼه کې لیکلي، چې مرسته شوې پیسې به د بشري مرستو هغو شریکانو ته ورکړل شي چې دمخه یې هلته د مرستې عملیات پیل کړي دي.

هغې زیاته کړه، چې د کوپرنیکس سپوږمکۍ خدمت یې فعال کړي څو بیړنۍ نقشې تولید کړي.