الوتکو کې د طالبانو سفرونو ته د خلکو غبرګون: د دوی پرځای دې په الوتکو کې ټپیان ولېږدول شي

نوموړي نیوکه کړې، چې د شانګهای سازمان غړي هېوادونه او مشران په داسې حال کې چین کې غونډه کوي چې په ګاونډ کې یې افغانستان د مرګونې زلزلې له کبله له ننګونو سره مخ دی او خلک لاهم د ژوندي پاتې کېدو لپاره بېړنیو مرستو ته اړتیا لري.

نوموړي ویلي، چې اوس افغانستان د طبیعي پېښو د مدیریت وس نه‌لري او دا یوازې د بې‌غورۍ پایله نه‌ده؛ بلکې د هغه بغاوت پایله ده، چې په تېرو دوو لسیزو کې د دولتي بنسټونو له‌منځه وړلو لامل شوي دي.

د نوموړي په خبره؛ په افغانستان کې د شوي بغاوت چې د شانګهای سازمان ځینو غړو هم ترې ملاتړ کړی افغانستان داسې بې‌وسه حالت ته رسولی دی.

دغه بنسټ خبرداری ورکړی، چې د هوا په سړېدو سره خلک له جدي ګواښ سره مخامخ دي او که بېړنۍ مرستې ونه‌شي؛ د ډېرو ژوند به له ګواښ سره مخ شي.

د کډوالو په چارو کې د ملګرو ملتونو عالي کمېشنرۍ همدا راز په افغانستان کې لوږې او بې‌وزلۍ ته په اشارې سره ویلي، چې سږکال د نږدې دوه نیم مېلیونه کډوالو راتګ په افغانستان کې کړکېچ لاپسې ژور کړی دی.

دوی پر مرستندویه بنسټونو او نړۍوالې ټولنې غږ کړی، چې له ځنډ پرته دې په افغانستان کې د خلکو او په ځانګړې توګه د زلزله ځپلو لاسنیوی وکړي.

د دغه وزارت په خپره شوې خبرپاڼه کې ویل شوي، چې له دې پیسو به ګرځنده روغتیايي ټیمونه جوړ شي، د بېړنیو حالاتو لپاره طبي کېټونه برابرېږي، ښځو ته د ځانګړو حفظ‌الصحې کېټونه وېشل کېږي او هغو کورنیو ته چې خپل کورونه یې له لاسه ورکړي، د موقتي سرپناه زمینه برابرېږي.

دا مرستې په داسې حال کې اعلان شوې، چې د یکشنبې په شپه (د وږي ۹مه) د افغانستان په ختیځ کې زلزلې سختې ویجاړتیاوې رامنځته کړې دي.

د طالبانو د چارواکو په وینا، تر اوسه لږ تر لږه ۸۰۰کسان مړه شوي او شاوخوا ۲۸۰۰نور ټپیان دي. د ملګرو ملتونو د لومړنیو ارزونو له مخې، له ۱۲زرو څخه زیات کسان بې‌کوره شوي او د ښوونځیو، کلینیکونو او نورو بنسټیزو اسانتیاوو د ړنګېدو له امله له سختو ستونزو سره مخامخ دي.

برېتانیا ویلي، چې د ښځو او ماشومانو اړتیاوو ته به ځانګړې پاملرنه کېږي، ځکه چې هغوی د طبیعي ناورینونو پر مهال تر ټولو زیات زیان ویني.

د دې هېواد د بهرنیو چارو وزارت ټینګار کړی، چې د ملګرو ملتونو او نورو نړۍوالو شریکانو سره به د همکارۍ له لارې د افغانستان د زلزله‌ځپلو د ژوند ژغورنې هڅې ملاتړ ته دوام ورکړي.

دا په داسې حال کې ده، چې د نړۍوالې ټولنې په ګډون د ایران، پاکستان، ترکیې، سعودي عربستان، قطر او د ملګرو ملتونو سرمنشي له افغانستان سره د مرستې او خواخوږۍ پیغامونه استولي دي.

سره له دې، نړۍوالو مرستندویو بنسټونو ویلي، چې د طالبانو د محدودوونکو پالیسو له امله د مرستو رسونه له ستونزو سره مخ ده او که بېړنی نړۍوال اقدام ونه شي، بشري ناورین به لا پسې پراخ شي.

د دغې ادارې د خبرپاڼې له مخې، نورالدین ترابي په زلزله‌ځپلې سیمه کې د زیانمنو کورنیو له غړو سره وکتل او زیانمنو ته د رسېدنې چارو لپاره یې بېلابېلې کمېټې وټاکلې.

نوموړي د کمېټې غړو ته لارښوونه وکړه، چې د هرې سیمې قربانیان او ټپیان باید په بېړني توګه له وېجاړو شویو کورونو را و اېستل شي او ټپیان دې ژر تر ژره د ننګرهار ولایت روغتونونو ته ولېږدول شي.

ویل کېږي، چې له پېښو سره د مبارزې د چمتووالي ادارې اړوند ټیمونه د کونړ په زلزله‌ځپلو سیمو کې لا هم د لټون او ژغورنې په عملیاتو بوخت دي او د یادې ادارې په وینا، د اړینو بشري مرستو کاروان زلزله‌ځپلو سیمو ته پر لاره دی.

عظمت الله عمرزي په خپله اېکس پاڼه لیکلي: «د نن ورځې بریا د افغانستان د تېرې شپې د ویجاړونکې زلزلې د شهیدانو، ژوندي پاتې شویو او د هغوی د خپلوانو لپاره ده. زموږ زړونه له زیانمنو سره دي.»

د کرېکټ ملي لوبغاړو تېرماښام د متحده عربي اماراتو پر وړاندې د درې اړخیزې لوبلړۍ د خپلې دویمې لوبې له پیل مخکې د کونړ د زلزله‌ځپلو کورنیو مړه شویو روح ته دعا وکړه او د ټپیانو د بشپړې او بېړنۍ روغتیا لپاره لاسونه لپه کړل.

د یادونې وړ ده، چې افغان اتلانو د درې اړخیزې لوبلړۍ په لړ کې تېر ماښام، (دوشنبه د وږي ۱۰مه) په خپله دویمه سیالۍ کې کوربه متحده عربي اماراتو ته د ۳۸ منډو په توپیر ماتې ورکړه.